Saint Matthieu 24:24 - Féké Testament 1947

²⁴ Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:24 ပူးပေါင်းရင်းမြစ်များ

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:11

Da wo̱ko̱ prophèteli nyèta ma tèn, ka mong njoukouli nyèta.

Saint Matthieu 7:15

Oui ngou mboro wo̱ko̱ prophèteli ko̱ bou ga badoua ka gui mone baï, da an bil kli, kli ba naïn loupli ko̱ nzala i kli nyèta.

Saint Matthieu 24:5

Baï ko̱ njoukouli nyèta ma gui ka bil ling ni, ka sa: Mè ba Christ. Da kli ma mong njoukouli nyèta.

2 Pierre 3:17

Mono on, oui ko̱ mème sé hang baï nyèta, baï ko̱ oui tou fènli on jinguèl, ka kome, oui pèng mone baï, baï an béké njoukouli ni ta toul baï ka wo̱ko̱ akli ya, an ouime lé an mboro dodok laïnabi abaï ya.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Titili Takarata a Jean ko̱ dé 5:18

Name toutou ko̱ kè on ko̱ Ouone mi mboung nè mi tane ga nding békéfèn ya; da kè on ko̱ Ouone mi mboung nè mi pèng monè fènè, da njou‐béké mi tane ga hèdi nè ya.

2 Tim 2:19

Da pouna bètè a Ouone mi o siya pou jing fèn bo̱la on ko̱ mi baka bi jing baïnjaka aïnli: Nanjou mi toutou kli on ko̱ ba amèli; da: Dadaon an njoukouli bon ko̱ mi di ling a Nanjou, an klime yèng ndingna maï maï.

Saint Jean 6:39

Da baï kaouna mara fal toula kè on ko̱ mi pi mi mono, njoukouli bon on ko̱ kème hi kli hi mi, baï an mème tane bo̱l hana mbéo an ndo̱ko̱ ni ya, da mè ma tome kli ka sèkèrè name.

Saint Jean 6:37

Njoukouli on bon ko̱ Baba fènè mi hi kli hi mi, kli ma gui moni, da kè ko̱ mi gui moni mè ba bouna nè kala tane tiya;

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

Galateli 4:15

Jangnandaï abaï on ko̱ oui mi jang an hane kassénaï lé? Baï ko̱ mème sa bongbaï toul baï, ko̱ tokoré oui mi mabongkè, yé oui ti téne tènrèn none baïli ka hi mi tou.

Romainli 12:18

Tokoré mi mabongkè baï no mana ndourou baï kaouna ka go̱ro̱ iki jing njoukouli bon.

Pinali a Njou‐Mboro‐Pinali 20:16

Paul mi badi baï tana pou Éphèse, baï ko̱ kème ji ba name nè mi ta nyèta an guèl Asie ya, baï ko̱ kème ji baï séna gata, an kème ma baï kana pou Jérusalem ambèl hi name Pentecôte.

Saint Matthieu 22:14

Baï ko̱ kè di njoukouli nyèta da sane nyè ya.

Saint Matthieu 24:22

Da tokoré name o̱kèo̱ mi tane koung bi guè mbèl ya, yé naïn mone mbéo ba kouna tane tiya; da ba baï toula kli on ko̱ Ouone mi wal kli bi, mi ko̱ kème koung namkè bi.

Saint Matthieu 24:25

Mono, mème ti sa hi oui ka kome.

Saint Matthieu 24:31

Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

Saint Luc 18:7

Da koukoulion Ouone mi wal baï hi kli on ko̱ kème sane kli tèn kala bon, ko̱ sa jo̱jo̱ nè ka mbiléou, ka séssé da ka hangnachoung, da mono, kè pa monè nyèta jing kli ya lé?

Saint Jean 4:48

Jésus sa hi nè: Tokoré ouime ko̱ fèn‐to̱ko̱nakeli maléba fèn sakamli ya, oui ba lana bilaou tane tiya.

Titili Takarata a Jean ko̱ dé 2:18

Lélé goundi, on ba sèkèrè name da mahana ko̱ ouime ti lala jinguèl ba yé antichrist ma gui, tongna kassénaï antichristli nyèta mi gui tou, da ka mboro aïn name toutou ko̱ on ba sèkèrè name.

Titili Takarata a Jean ko̱ dé 2:22

Guème ko̱ ba njou‐bana wo̱ko̱, tokoré mi tane ti ba kè on ko̱ mi njé njaka ba Jésus mi tane ti ba Christ ya lé? Kè on ko̱ ba antichrist ko̱ mi njé njaka baï a Baba fènè tèn Goune.