Saint Matthieu 24:14 - Féké Testament 1947

¹⁴ Da kli ma sa mboura bèlabaï a bilkaou on an toul koukoula bon, baï sana bongbaï hi pime pouli bon. Da mono sèkèrèkè ma tèn.

Saint Matthieu 24:14 ပူးပေါင်းရင်းမြစ်များ

Apocalypse 14:6

Da mè ko̱ ange aféké ko̱ mi jo̱ an hanguèl nonkala, ko̱ jing bèlabaï kaouna kambèlè baï sana mboura hi kli on ko̱ bi pou an toula koukoula, da pime pouli toutoul bon, da mèrèn kadouk bon, da njaka baïli toutoul bon, da njoukouli toutoul bon.

Romainli 10:18

Da mè sa: Klime lala tou ya lé? Kli lala ka babaï! Tiribaï kli mi ti ka sèrè mane toul koukoula bon, Da baïnjaka kli mi sé bo̱l tèn guè mona sèkèrè njou‐koukoulali bon.

Saint Luc 24:47

Da kli ma tissaon an pou Jérusalem baï sana mboura hèkèna da kona békéfèn pa ka bi ling‐è, hi pime pouli bon.

Colossienli 1:23

Tokoré oui mi laïbi pou da kaou wang jing tounassaon, da oui mi tane ga yèng oliya bèlabaï ya, ko̱ oui mi la jinguèl, ko̱ mi sa mbourakè hi njoukouli bon an bo̱ko̱ nonkala baï on, mi ko̱ Ouone hi mi, mè Paul ba njou‐bakara a Ouone.

Saint Matthieu 10:7

Da ko̱ ouime sé, oui sa mboura, ka sa: Bilkaou a nonkala mi hèdi tou.

Saint Matthieu 9:35

Da Jésus mi sèrè yan bil loukou pouli da lélé pouli bon, ka to̱ko̱ fèn an bil synagogue aklili, da sa mboura bèlabaï a bilkaou, da haï mèrèn jangmali toutoul bon da mèrèn sétali toutoul bon.

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Saint Matthieu 24:6

Da oui ma la tiri rouna béré tèn tiri hidina fèn béré: mone baï mi hou mbi ya, baï ko̱ yé fèn aïnli ma gui mahana ka on da tane ga ti ba sèkèrèkè mono ya.

Saint Matthieu 4:23

Da Jésus mi sèrè yan an guèl Galilée bon, ka to̱ko̱ fèn an bil synagogue aklili, da sa mboura bèlabaï a bilkaou, da haï mèrèn jangmali toutoul bon da mèrèn sétali toutoul bon an wora njoukouli.

Pinali a Njou‐Mboro‐Pinali 17:6

Da ko̱ klime nza kli pélé, kli bourou Jason jing yine nè hanali guè mona zaworo pouli, ka wan njaka guè siya: Njoukou aïnli ko̱ mi joukourou njou‐koukoulali mi ndé kan guèl aïn kéng,

Apocalypse 3:10

Baï ko̱ mo pèng bong baïnjaka laïnabi ami, yé mè pèng mo kéng ka l’heure yaknafèn, l’heure on ko̱ nding baï guina toula koukoula bon, baï léna kli on ko̱ pane kaouna toul koukoula.

Pinali a Njou‐Mboro‐Pinali 20:25

Da kassénaï, mono, mè toutou oui bon, ko̱ mème sèrè an woro baï, baï sana mboro bilkaou a Ouone, yé oui ba ko̱na noni ba aféké tane tiya.

Saint Matthieu 24:3

Da ko̱ kème kaou laou souraguèl Olivier, njou‐séna bongli guè monè ka foli, ka sa: Mo sa hi na, yé fèn aïnli ma gui ka name fèn lé? Da fèn to̱ko̱nakè ba fèn ko̱ nding baï to̱ko̱na ka name guina amo, da sèkèrè koukoula lé?

Apocalypse 16:14

Baï ko̱ kli ba espritli a zabololi ko̱ nding fèn to̱ko̱nakèli kli sé mona nanjoukaouli an koukoula bon, baï ndoïna kli baï rouna béré ka loukou name a Ouone Njèran‐honta‐bon.

Saint Luc 4:5

Da zabolo mi kaïn miri nè sé guè gangna guèl ka to̱ko̱ bilkaouli bon a njou‐koukoulali hi nè gata.

Pinali a Njou‐Mboro‐Pinali 1:2

ka titilikè bo̱l tèn name on ko̱ kème hé sé guè siya, da afal ko̱ kème bi baïnjaka, ka mbora Saint‐Esprit hi njou‐mboro‐pinali on ko̱ kème sane kli tou.

Pinali a Njou‐Mboro‐Pinali 11:28

Hana mbéo an zéng kli ling‐è ba Agabus, mi ourou siya da sa ka Esprit, yé loukou bana ma nding baï bana pouli bon an toula koukoula. Da fèn aïn mi tèn ka name a Claude.

Saint Matthieu 18:19

Da mè sa hi oui ba aféké, tokoré séré an woro baï mi ji bo̱ko̱kè jing hana an koukoula toul fèn mbéo ko̱ klime oui, yé Baba ni ko̱ kaou an nonkala ma nding fèn on baï a kli.

Saint Luc 2:1

Da baï mi gui mahana ka on ka name o̱kèo̱, mono, César Auguste mi koung guingna ka pi an njou‐koukoulali bon mi sé baï déna ling kli an takarata.

Saint Marc 13:10

Yé kli ma sa mboura bèlabaï hi pime pouli bon mane ti dambèl da.

Pinali a Njou‐Mboro‐Pinali 17:31

Baï ko̱ kème badi name on ko̱ yé kè ma wal baï hi njou‐koukoulali, ka mboro ndingna guédék, jing njoukou on ko̱ kème walè bi, ka hi tounassaon hi njoukouli bon tou, ko̱ kème tome nè an wora houli.

Pinali a Njou‐Mboro‐Pinali 19:27

Da touya yé bo̱l ba pina na mi lé ka tèn ba fèn poukna ka ho̱ko̱ na ya; da yé hoforo bo̱on. Da tongna bèlafèn nè ko̱ njoukouli an guèl Asie tèn njoukouli manguèl bon mi dik nè ma moungnourou.

Hébreuli 1:6

Da aféké, ko̱ kème mboung boutaïn goune an koukoula aïn, kè sa: Dadaon an angeli a Ouone bon mi hiou nè!

Hébreuli 2:5

Baï ko̱ Ouone mi tane ga yèng njou‐koukoulali ko̱ mi gui, ko̱ name sa baïkè, bi bo̱ko̱ ndo̱ka angeli ya.