Saint Matthieu 22:16 - Féké Testament 1947

¹⁶ Da kli pi njou‐séna bong aklili guè mona Jésus jing hérodienli, ka sa hi nè: Njou‐to̱ko̱nafèn, na toutou ko̱ mo sa babaï, da to̱ko̱ dombora Ouone ka ba mboro babaï, da mo tane ga bi hang‐o̱ toula njoukouna mbéo ya, baï ko̱ mo tane ga ènrèn njoukouna ba baï nonè ya.

Saint Matthieu 22:16 ပူးပေါင်းရင်းမြစ်များ

Saint Marc 3:6

Da pharisienli mi tèn kala, da koukoulion kli jing hérodienli, mi bakèdakè jing hana toul ling a Jésus, ka nza mborokè baï ina nè.

Saint Luc 20:21

Da kli oui nè, ka sa: Njou‐to̱ko̱nafèn na toutou mo sa baï da to̱ko̱ fèn guédék hi njoukouli, da mo tane ga ènrèn njoukouna ba baï nonè ya, da mo to̱ko̱ ba dombora Ouone ka ba mbora babaï.

Saint Marc 12:14

Da ko̱ klime gui, kli sa hi nè: Njou‐to̱ko̱nafèn, na toutou ko̱ mo sa babaï, da mome tane ga bi hang‐o toula njoukouna mbéo ya; baï ko̱ mo tane ga ènrèn njoukouna ba baï nonè ya, da mo to̱ko̱ ba dombora Ouone ka ba mboro babaï. Ka mboro guingna ma a name hi l’impôt hi César maléba hina nè tiya lé? Yé name hi maléba hinakè tiya lé?

Saint Marc 8:15

Da Jésus mi wara kli ka sa: Oui pèng mone baï ka ngou vounafèn a pharisienli, tèn vounafèn a Hérode.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

Saint Jean 18:37

Da Pilate mi sa hi nè: Da mono on ko̱ mo ba nanjoukaou lé? Jésus mi féré sa: Mome ko̱ sa on ba mè ba nanjoukaou. Baï on mi mè tèn, da baï on mi mè gui mona njou‐koukoulali, baï sana bongbaï toul babaï. Njoukouli bon on ko̱ ba a babaï mi la mbo̱ko̱ ni.

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

Saint Jean 7:18

Kè on ko̱ mi sa ka ba mboro nè fènè, kème nza ba baï jona monè fènè, da kè ko̱ mi nza baï jona kè on ko̱ mi pi nè, kè ba babaï, da vaïnafèn tane ga ti bilè gounfènakè ya.

TAKARATA A JACQUES KO̱ DÉ 3:17

Da cho̱kna on ko̱ mi gui ka nonkala ka titilikè mi na tang fofoto, da afal mi jing vona go̱ro̱ ka pan, ka ji bo̱ko̱ baï rèkè dèk, ka mba jing haïo, da jing bèla lénakè ka tane lang ya, da tane mong fèn ya.

1 Thessalonicienli 2:4

Da mahana ko̱ name mabongkè an nona Ouone kème bi laou‐è toula jing bèlabaï baï sanakè, mono on, name sa, tane ti ba baï bina wélé toula njoukouli ya, da ba Ouone ko̱ mi guèk go̱ro̱ na.

Galateli 2:6

Da kli on ko̱ njoukouli mi di kli ba loukou njoukouli, loukou guèl a kli ka tang ambèl mi na bo̱on jing mi: Ouone tane ga jone njoukouna mbéo baï nonè ya, da loukou njoukouli on mi tane ga to̱ko̱ féké to̱ko̱nafèn hana mbéo hi mi ya.

Galateli 1:10

Baï ko̱ kassénaï mè nza mborokè an njoukouli mi ko̱ mi bèl mone kli ta, maléba Ouone de? Maléba mème nza mborokè an mème bi wélé toula njoukouli lé? Tokoré mème pane bina wélé toula njoukouli, mè tane ga ti ba koï a Christ ya.

2 Corinthienli 5:16

Mono baï on, bo̱l tèn kassénaï name tane ga tou njoukouna mbéo ka mboro naïn‐mone ba aféké ya; da tongna ko̱ name toutou Christ ka mboro naïn‐mone jinguèl, da kassénaï name tane ga tou nè mahana ka on ba aféké ya.

2 Corinthienli 4:2

Da name pong fèn chonron on ko̱ mi nding ka foli tou, da name tane ga sé jing bounabong ya, da tane ga vaïnfèn jing baïnjaka Ouone ya. Da ka ba mboro sana babaï bi kala an nona ro̱kè, da name sa baï na fèna bèlta an nona Ouone kon laou‐tounafèn a njoukouli bon.

2 Corinthienli 2:17

Baï ko̱ name tane ga ti mahana ka njoukou hanali nyèta on ya ko̱ klime yéli baïnjaka Ouone tèn ba fèn cho̱ko̱; da jing ba déléng da mi gui ka mona Ouone, ko̱ name sa ka bila Christ an nona Ouone.

Saint Luc 7:40

Da Jésus mi féré sa, ka sa hi nè: Simon, mè makaou jing baï baï sanakè hi mo. Da kè sa: Njou‐to̱ko̱nafèn, mo sa guè.

Saint Marc 10:17

Da ko̱ Jésus mi sé domboro, njoukouna mbéo mi ngou guè monè, ka houkou an mbèlè, ka oui nè: Bèla njou‐to̱ko̱nafèn, yé mè nding ba fèn an mème ya pélé yana kambèlè lé?

Saint Matthieu 26:49

Da koukoulion kè guè mona Jésus, ka sa: Woromon, Rabbi! Da kè oul soukè.

Saint Matthieu 26:18

Da kè sa: Oui sé pou mona njoukouna, ka sa hi nè: Njou‐to̱ko̱nafèn mi sa: Name ami hèdi tou; mè ma pèng Pâque an voulo̱ tèn njou‐séna bong nili.

Saint Matthieu 22:26

Da yine nè a sérékè mi nding mahana on kéng, da yine nè a saïkè bo̱l tèn yina difala‐sérékè.

Saint Matthieu 22:24

ka sa: Njou‐to̱ko̱nafèn, Moïse mi sa: Tokoré njoukouna mi hou, tane goundi, yé yine nè ma bi waïn nè voulou, ka mboung goundi guèl bama yine nè.

Saint Marc 12:13

Da klime pi pharisien hanali tèn hérodienli guè mona Jésus, baï gnana nè ka nza njakè.