Saint Matthieu 20:28 - Féké Testament 1947

²⁸ mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

Saint Matthieu 20:28 ပူးပေါင်းရင်းမြစ်များ

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

Saint Luc 22:27

Baï guè ko̱ ba loukoukè kè on ko̱ mi kaou table baï sona laka, maléba kè on ko̱ mi nding bakara lé? On ba kè on ko̱ mi kaou table baï sona laka ya lé? Da mè makaou an woro baï mahana ka kè on ko̱ mi nding bakara.

Tite 2:14

kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

1 Timothée 2:6

kè on ko̱ mi hi monè fènè ba fèn chona baï toula njoukouli bon. Baï ko̱ bongbaï nè fènè ma to̱ko̱ name nè.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

2 Corinthienli 8:9

Baï ko̱ ouime toutou ndingna mbo̱l a Nanjou na Jésus‐Christ, tongna on ko̱ kème nguèrè jinguèl, kème tèn ba foïna njoukou baï toul baï, mono on an ouime ma baï jingna nguèra ka mboro foïna nè.

Hébreuli 5:8

Tongna ko̱ kè ba Goune, kè tou baï lana baï an bil fèn on ko̱ kème to̱ko̱ssé an ndourou.

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Saint Marc 14:24

Da kème sa hi kli: Aïn ba séme moni ko̱ ba féké bina gonjaka an none hana, ko̱ mi bèrè kon koukoula baï toula njoukouli nyèta.

Saint Matthieu 26:28

baï ko̱ aïn ba séme ni, ko̱ ba féké bina gonjaka an none hana ko̱ mi bèrè baï ko̱na békéfènli a njoukouli nyèta pa.

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

Romainli 4:25

kè on ko̱ Ouone mi hi nè baï toul séla guingna na, da mi tome nè baï ndingna na gui guédék.

Titili Takarata a Jean ko̱ dé 2:2

Da kè ba sacrifice‐cho̱ko̱kè baï chona békéfèn nali, da mi tane ti ba ama ka ho̱kè ya, da ndé tèn a njou‐koukoulali bon kéng.

Hébreuli 2:10

Baï an kè on ko̱ fènli bon na mbo̱l kè, da fènli bon gui ka mbora mè, baï ko̱ kème ji mira goundi nyèta kan jonafèn, an mi ma an kème nding nanjou yana‐baï‐toul akli mi tèn guédék ka mboro to̱ko̱nassé.

Saint Jean 10:15

mahana ko̱ Baba fènè mi toutou mi da mè toutou Baba. Da mème yèng yana ni baï toula badouali.

Saint Matthieu 8:20

Da Jésus mi féré sa hi nè: Kou a guéli mana, da ndoïli an nonkala makaou ka voula kli; da guèl mi tane ti an Goune a njoukou mi bi toulè guè rou ya.

Saint Matthieu 20:27

da njoukouna ko̱ mi ji tèna ba titilikè an woro baï, yé kè tèn ba ko̱ï abaï,

Saint Marc 10:45

Baï ko̱ Goune a njoukou mi tane ga gui ba baï yana bakara ya, da ba baï ndingna bakara, tèn baï hina yana nè baï chona njoukouli nyèta.