Saint Matthieu 19:29 - Féké Testament 1947

²⁹ Da njoukouli bon ko̱ mi yéng voulouli, maléba yindi, maléba njo̱‐waïn fènli maléba baba, maléba ma, maléba waïn, maléba goundi, maléba sél koukoulali, baï toul ling ni, yé kè ma ya toul ndo̱kè bo̱ko̱ té, da yé kli yapélé yana kambèlè.

Saint Matthieu 19:29 ပူးပေါင်းရင်းမြစ်များ

Philippienli 3:8

Ka babaï, mè ko̱ fènli bon na bo̱on, baï ko̱ kakaïya fèn ba touna Christ‐Jésus, Nanjou ni, da baï toulè mi ko̱ mè njomo fènli bon, da mème ko̱ fènli on bon mahana ka wènrèn, baï an mème jing Christ.

Saint Luc 14:26

Tokoré njoukouna mi gui moni da jèk baba nè fènè ya, da ma nè, tèn waïn nè, da goune nèli da yine nèli, da njo̱ waïn fèn nèli, tèn dodok yana nè fènè kéng ya, kè tane ma baï tèna njou‐séna bong ni ya.

Saint Matthieu 16:25

Baï ko̱ njoukouna ko̱ mi ji kouna yana nè, yé kè bo̱l yana nè, da njoukouna ko̱ mi bo̱l yana nè baï touli, yé kè jing yana nè.

Saint Matthieu 6:33

Da oui ti nza bilkaou a Ouone da ndingna guédék nè ti dambèl, da yé kè ma ndé hi fèn aïnli bon hi oui kéng.

1 Titili Takarata a Pierre ko̱ dé 4:14

Jangnandaï mi ba baï abaï ko̱ tokoré klime sa bèlya kon toul baï, baï ling a Christ, baï ko̱ Esprit a jonafèn, da Esprit a Ouone mi na toul baï.

Saint Matthieu 10:22

Da yé njoukouli bon ma jèk oui, baï toul ling ni; da kè on ko̱ mi laïbi pou ta bo̱l tèn sèkèrèkè yé kè ma kou.

Saint Jean 15:19

Tokoré ouime yé ba a bilkaou koukoula, yé bilkaou koukoula mi ji dodok njoukou nèli, da ba baï ko̱ oui tane ga ti ba a bilkaou koukoula ya, da baï ko̱ mème sane oui an wora njou‐koukoulali, mono, ko̱ bilkaou koukoula mi jèk oui.

Saint Luc 6:22

Jangnandaï mi ba baï abaï ko̱ njoukouli mi jèk oui, da ko̱ klime ni oui an bèl mone kli, ka kèkè oui, da pong ling abaï mahana ko̱ ba békékè, baï toula Goune a njoukou!

Saint Matthieu 5:11

Jangnandaï mi ba baï abaï ko̱ njoukouli mi kèkè oui, da to̱ko̱ssé hi oui, ka sa békékè toutoul toutoul ka mboro wo̱ko̱ kon toul baï, baï touli.

1 Corinthienli 2:9

Da mahana ko̱ mi dé: Fènli on ko̱ none mi tane ga ko̱ ya, da soukou mi tane ga la ya, da mi tane ga gui an bil go̱ra njoukou ya, fènli on Ouone mi mosso tou baï toula kli on ko̱ mi sé hang‐è.

Pinali a Njou‐Mboro‐Pinali 9:16

baï yé mè to̱ko̱ fènli on bon hi nè, ko̱ ma baï an kème to̱ko̱ssé jing rou baï toul ling ni.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

Saint Matthieu 19:16

Da mono, njoukouna mbéo mi guè mona Jésus, ka sa: Njou‐to̱ko̱nafèn, yé mè nding bèla fèn ba fèn an mème jing yana kambèlè lé?

Saint Matthieu 13:23

Da kè on ko̱ ya mèrènkè an bèla koukoula, on ba kè on ko̱ mi la baïnjaka, da tou nè nguite; kè lé lénakè nyèta, hana lé té, aféké lé bongkè‐difala‐mbéo da aféké lé bongkè‐saï.

2 Corinthienli 5:16

Mono baï on, bo̱l tèn kassénaï name tane ga tou njoukouna mbéo ka mboro naïn‐mone ba aféké ya; da tongna ko̱ name toutou Christ ka mboro naïn‐mone jinguèl, da kassénaï name tane ga tou nè mahana ka on ba aféké ya.

Saint Matthieu 25:46

Da njoukou aïnli ma sé barabaï guèl hèlè kambèlè, da njou‐guédékli ma sé guèl yana kambèlè.

Saint Matthieu 13:8

Da afékéli mi ta lé kon bèla koukoula: ka lé lénakè, hana mi lé té, aféké mi lé bongkè‐difala‐mbéo, da aféké bongkè‐saï.

Takarata Saïkè a Jean ko̱ dé 1:7

baï ko̱ kli sé tou baï a ling a Jésus‐Christ, da kli tane ga ya fèn mbéo an ndo̱ko̱ gentili ya.

Saint Luc 5:11

Da ko̱ klime hélé kombone aklili tèn njaka nguèng, kli yèng fènli bon, da sé falè.

Saint Jean 4:36

Kè on ko̱ lourou fèn paï, kè ya toul ndo̱kè, da kème ndoï lénakè kan yana kambèlè. Mono on, an kè on ko̱ mi mèn mèrènkè da kè on ko̱ mi lourou mi jangndaï jing hana.