Saint Matthieu 19:28 - Féké Testament 1947

²⁸ Da Jésus mi sa hi kli: Babaï, mi mè sa hi oui, ka name baï féra ndingna fèn ba aféké, ko̱ Goune a njoukou makaou an kangala njaka bara nè ka jonafèn amè, oui kéng ko̱ gui bong ni, yé oui kaou kangala njaka bara botoulè‐séré, baï wala baï ka douk a Israël botoulè‐séré.

Saint Matthieu 19:28 ပူးပေါင်းရင်းမြစ်များ

Saint Matthieu 25:31

Da ko̱ Goune a njoukou mi gui jing jonafèn amè bon, da angeli bon jing nè, da on kè ma kaou kangala njaka bara a jonafèn amè.

Apocalypse 20:4

Da mè ko̱ kangala njaka barali, da kli on ko̱ kaou toulkèli, da kè hi kli baï wala baï. Da mè ko̱ laou akli on ko̱ kli koung sol kli jinguèl, baï ko̱ klime sa bongbaï a Jésus, da baï Baïnjaka a Ouone, da kli on ko̱ tane ga houkou an mbèla naïn on ka hiou nè ya, maléba tétéme nè ya, da tane ga ya déna an njaka moung kli maléba ndo̱ko̱ kli ya. Kli pane yana da kli ndé na gangna kira Christ baï saka ténakè bo.

Apocalypse 7:4

Da mè la ro̱ko̱na akli on ko̱ mi dé ka fèn mbo̱la ba ténakè‐ténakè‐té‐bo̱ko̱‐ténakè‐bongkè‐nèng‐faltoulkè‐nèng on ko̱ mi dé fèn mbo̱la an woro mèrèn kadouk bon a goundi a Israël:

2 Pierre 3:13

Da ka mboro bina gonjakè, na oli féké nonkala da féké koukoula, on ko̱ guédék mi kaou an bilkè.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

Apocalypse 21:5

Da kè on ko̱ kaou toul kangala njaka bara, kè sa: Oui ko̱, mè mosso fènli bon ba fékékè. Da kè sa: Mo dé bi takarata; baï ko̱ baïnjaka on mi na lodok da babaï.

Apocalypse 4:4

Da bèl kangala njaka bara on ka mbora lèkè bon kangala njaka barali bongkè‐séré‐faltoulkè‐nèng mana. Da mè ko̱ tangchidoli bongkè‐séré‐faltoulè‐nèng makaou toul kangala njaka barali on, da kli bou pouki la, da mbélé couronneli l’or goukou toul kli.

Apocalypse 3:21

Kè on ko̱ gnèrèn baï njèna, yé mè ma hi nè baï kaouna jing mi an kangala njaka bara ni, mahana ka mè, ko̱ gnèrèn baï njéna kéng jinguèl, da kaou jing Baba ni an kangala njaka bara nè.

2 Tim 2:12

Da tokoré name ba pou, yé na ma ndé na gangna jing nè kéng, da tokoré name njomo nè, yé kè ma ndé njomo na kéng.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Saint Matthieu 20:21

Da kè sa hi nè: Mo ji ba fèn lé? Kè sa hi Jésus: Mo sa bi njaka goune wonron nili séré on, aïn mbèo mi kaou an mboro wonron ndo̱ko̱, da aïn mbéo an mboro wain ndo̱ko̱ an bilkaou no.

Apocalypse 22:2

da an bil domboro pou on, da hélé loukou mbi on, da mbora lèkè di yana on mana, ko̱ lé lénakè botoulè‐séré toutoul, ko̱ lé lénakè féou bon, da goï di on mana baï haïna mona mèran pime pouli bon.

Apocalypse 12:1

Da kli ko̱ loukou fèn to̱ko̱nakè an nonkala; waïn mbéo on ko̱ mi bou séssé mahana ka la, da féou mi na an bo̱ko̱ bo̱kè, da mbélé couronne jing mèssèli botoulè‐séré mi na an toulè.

Saint Matthieu 6:33

Da oui ti nza bilkaou a Ouone da ndingna guédék nè ti dambèl, da yé kè ma ndé hi fèn aïnli bon hi oui kéng.

Saint Matthieu 8:20

Da Jésus mi féré sa hi nè: Kou a guéli mana, da ndoïli an nonkala makaou ka voula kli; da guèl mi tane ti an Goune a njoukou mi bi toulè guè rou ya.

Saint Matthieu 19:27

Da on Pièrre mi féré sa, ka sa hi nè: Mo ko̱ na yèng fènli bon baï séna falo̱; da on, yé na ma jing ba fèn lé?

Saint Marc 10:37

Da klime sa hi nè: Mo hi na an name kaou, njoï mbéo an mboro wonron ndo̱ko̱, da njoï mbéo an mboro waïn ndo̱ko̱, ko̱ mome kaou an bil jonafèn no.

Apocalypse 11:16

Da tangchidoli bongkè‐séré‐faltoulkè‐nèng on ko̱ o bèl mona Ouone an toul kangala njaka bara akli, kli lé bou da té none kli guè koukoula, da houkou ka hiou Ouone,

Apocalypse 22:5

Da hangnachoung tane ti ba aféké ya, da kli tane ji takana lampe maléba takana a séssé ya, baï ko̱ Nanjou Ouone mi taka hi kli, da kli ma na gangna kambèlè go̱ kambèlè.