Saint Matthieu 18:8 - Féké Testament 1947

⁸ Da tokoré ndo̱ko̱ maléba bo̱ko̱ mi tèn jing mo ba fèn bèna, mo koung nè ka wou nè dita jing mo; da dadaon an mome sé ka komoron ka bo̱ko̱ maléba ndo̱ko̱, guè guèl yana, ta séna jing ndo̱ko̱ séré maléba bo̱ko̱ séré ko̱ mi wou kli bou guèl hèlè, ko̱ tane ga hou ya kambèlè.

Saint Matthieu 18:8 ပူးပေါင်းရင်းမြစ်များ

Romainli 13:12

Hangnachoung mi hèdi baï tana tou, da séssé mi nding baï tèna. Mono, dadaon an name njomo pina yilime ka bou fèn béré a takanafèn.

Apocalypse 20:15

Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.

Apocalypse 14:10

yé kè njo vin hèrè a Ouone kéng, ko̱ mi si tane joukoura bil kopo hèrè amè, da yé kè ma to̱ko̱ssé an hèlè, da soufre, an nona tangna fofoto angeli, da an nona Goune badoua on.

Apocalypse 21:8

Da kli on ko̱ ngou waou, da tane ga la bilaou ya, da kli ko̱ sène fèn ta da njou‐ina njoukouli, da njou‐ndingna maïnli, da njou‐hala ngalali da njou‐téna ndamli, da njou‐bana wo̱ko̱li bon, kli ma jing guèl akli an bil étang ko̱ jang jing hèlè da soufre, ko̱ ba houl a bo̱ko̱ sérékè.

Saint Luc 14:33

Mono on, njoukouna an woro baï ko̱ mi tane yèng fèn nèli bon ya, kè tane ma baï tèna njou‐séna bong ni ya.

Saint Matthieu 25:46

Da njoukou aïnli ma sé barabaï guèl hèlè kambèlè, da njou‐guédékli ma sé guèl yana kambèlè.

Saint Matthieu 25:41

Da on kè ma ndé sa hi kli on kéng ko̱ kaou an waïn ndo̱kè: Oui ourou guè fal an bèl moni, oui njou‐poukounafènli; oui sé guèl hèlè kambèlè, ko̱ mi mosso baï zabolo tèn ange nèli,

Saint Luc 16:24

Da kè wan njaka, ka sa: Baba Abraham, mo nding haïo hi mi, ka pi Lazare an kème bou njangnaran ndo̱kè bil mbi an mi jou kon léme séli an mi vo, baï ko̱ mème to̱ko̱ssé nyèta an bil léme sél hèlè aïn.

Saint Matthieu 17:27

Da baï ko̱ na tane ga ti jing kli ba fèn bèna ya, mo sé guè loukou mbi, ka bou boï, da titili njouï ko̱ mi ba boï; mo bourou haou‐è, yé mo ko̱ mbo̱ri statère. Mo bi nè, da hi nè hi kli baï l’impôt ni da amo.