Saint Matthieu 18:3 - Féké Testament 1947

³ da kè sa: Babaï, mi mè sa hi oui, tokoré ouime ga ko̱mo mboro ndingna fèn abaï ya, da ouime tane ga gui mahana ka lélé goundi ya, yé oui ba rina an bilkaou a nonkala tane tiya.

Saint Matthieu 18:3 ပူးပေါင်းရင်းမြစ်များ

1 Titili Takarata a Pierre ko̱ dé 2:2

Mahana ka foï goundi ko̱ tèn, oui bi hang baï toul pame a Esprit on ko̱ mi na déléng, an ouime hon jing rou ka kan yana‐baï‐toul,

Saint Matthieu 19:14

Da Jésus mi sa: Oui yèng lélé goundi an klime gui moni, ka tane dèn kli bi ya; baï ko̱ bilkaou a nonkala ba baï akli on ko̱ mi mahana ka lélé goune aïnli.

1 Corinthienli 14:20

Yindi, kèrafèn abaï mi tane tèn mahana ka a goundi ya, da jing joungna go̱ro̱ oui tèn mahana ka joï goune; da ka mboro kèrafèn oui ko̱ko̱ mahana ka njoukou.

Saint Jean 3:5

Jésus mi féré sa: Babaï, babaï, mi mè sa hi mo, tokoré njoukou ko̱ mi tane ga tèn ka mbi da Esprit ya, kè ba rina an bilkaou a Ouone tane tiya.

Saint Jean 3:3

Jésus mi féré sa, ka sa hi nè: Babaï, babaï, mi mè sa hi mo, tokoré njoukou ko̱ mi tane ga tèn ba fékékè ya, kè ba ko̱na bilkaou a Ouone tane tiya.

Saint Luc 13:24

Oui joung hang baï, baï rina sé bil njaka mboro ko̱ mi aya. Mè sa hi oui, yé njoukouli nyèta ma nza mborokè baï rina sé guè bilkè, da kli mapélékè baï rina sé guè bilkè ya.

Pinali a Njou‐Mboro‐Pinali 3:19

Mono on, oui hèkè békéfèn abaï ka komo mboro baï, an Ouone mi taka békéfèn baïli bon guèfal, da ka name vona go̱ro̱ mi gui ka mona Nanjou gui mone baï,

Pinali a Njou‐Mboro‐Pinali 28:27

Baï ko̱ laou a njoukou aïnli mi na wang; Da klime chome soukou kli, da kli rima none kli bi rou tou, Maléba ka touya kli ma ko̱ tangta ka none kli, da kli ma la ka soukou kli, Da klime tou nguite ka laou kli, Da kli féré komo mboro kli, da mè haï kli.

Saint Jean 1:51

Da kè sa hi nè: Babaï, babaï, mi mè sa hi oui, yé oui ma ko̱ nonkala bourou da angeli a Ouone mi hé da diri gui toula Goune a njoukou.

Saint Matthieu 5:20

Baï ko̱, mème sa hi oui, tokoré ndingna guédék abaï mi tane ga ta ndingna guédék a njou‐to̱ko̱na bong guingnali da pharisienli ya, oui ba rina sé an bilkaou a nonkala tane tiya.

Saint Luc 22:32

Da mè sa jo̱jo̱ Ouone baï toulo̱ tou, an tounassaon amo mi hou laou‐o̱ ya; da mo, afal ko̱ mome komo mboro no tou, mo ndé njèrèn yine noli kéng.

Saint Marc 4:12

baï ko̱nakè, kli ma ko̱ da yé kli ba ko̱nakè tang ti ya, da lanakè, kli ma la da yé kli ba tounakè nguite tiya, baï ko̱ ka touya kli ma komo mboro kli, da mi yèng bi mboro békéfèn kli.

2 Pierre 1:11

Baï on kè ma yèng mborokè ko̱ hi nguèra hi oui baï rina jing rou bilkaou kambèlè a Nanjou na da njou‐yana‐baï‐toul ama ko̱ ba Jésus‐Christ.

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Saint Matthieu 19:23

Da Jésus mi sa hi njou‐séna bong nèli: Babaï, mi mè sa hi oui, on lata baï a nguèra njoukou mi ri bilkaou an nonkala.

Saint Matthieu 13:15

Baï ko̱ laou a njoukou aïnli mi na wang; Da kli chome soukou kli, da kli rima none kli bi rou tou. Maléba ka touya kli ma ko̱ tang ta ka none kli, da kli ma la ka soukou kli, Da kli tou nguite ka laou kli, Da kli féré komo mboro kli, da mè haï kli.

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Saint Matthieu 6:5

Da ko̱ ouime hiou Ouone, oui tane nding yé ba njou‐mongnafènli ya, baï ko̱ hang kli mi na toul hiouna Ouone ka o an bil synagogueli da wana domboroli kéng, baï an njoukouli mi ko̱ kli. Babaï, mi mè sa hi oui, kli ya ko̱ko̱ akli o̱tou.

Saint Matthieu 6:2

Mono on, ko̱ mome hi toul ndo̱ko̱, mo oul gaga dambèl hi mo ya, mahana ko̱ njou‐mongnafènli mi nding an bil synagogueli, da kli ndé nding an domboroli kéng, an njoukouli mi jone kli: Babaï, mi mè sa hi oui, kli ya ko̱ko̱ akli o̱tou.

Saint Matthieu 5:18

Baï ko̱, babaï, mi mè sa hi oui, bo̱l tèn nonkala da koukoula mi ta, da goune lettre mbéo maléba goune déna a takarata a guingna ba tana tane tiya, bo̱l tèn none fènli bon mi tèn kala ka babaï.

Saint Matthieu 18:2

Da Jésus mi di lélé goune hana guè monè, da ba nè bi hanguèl kli,

Saint Matthieu 18:4

Mono on, njoukouna ko̱ bou monè guè koukoula mahana ka lélé goune aïn, kè on ko̱ mi ta toula ba nèli an bilkaou a nonkala.