Saint Matthieu 16:28 - Féké Testament 1947

²⁸ Babaï, mi mè sa hi oui, an wora kli on ko̱ mi o guèl aïn hanali ba houl tane tiya bo̱l tèn klime ko̱ Goune a njoukou mi yé guina an bilkaou nè.

Saint Matthieu 16:28 ပူးပေါင်းရင်းမြစ်များ

Saint Luc 9:27

Da mème sa hi oui ka babaï: An hanali an wora kli on ko̱ o guèl aïn, yé kli ba ko̱na houl tane tiya, bo̱l tèn klime ko̱ bilkaou a Ouone.

Saint Marc 9:1

Da kème sa hi kli: Babaï, mi mè sa hi oui, an wora kli on ko̱ mi o guèl aïn, hanali ba houl tane tiya, ambèl ko̱ klime ko̱ guina bilkaou a Ouone jing njèran.

Saint Jean 8:52

Juifli mi sa hi nè: Kassénaï na toutou ko̱ mome kaou jing zabolo. Abraham da prophèteli mi hou jinguèl tou; da mome sa: Tokoré njoukouna ko̱ mi pèng bong baïnjaka ni, yé kè ba ko̱na houl tane tiya kambèlè.

Saint Matthieu 26:64

Jésus sa hi nè: Mo sa o̱ tou, da mè sa hi oui, da afal on, yé oui ko̱ Goune a njoukou mi yé kaouna an mboro wonron ndo̱ko̱ a njèran, da mi yé guina an toul yiri mbame an nonkala.

Saint Matthieu 10:23

Da ko̱ klime sène oui an pou on, oui ngou sé aféké; baï ko̱ babaï, mi mè sa hi oui, yé oui bon ma ta pouli a Israël bon ya, bo̱l tèn Goune a njoukou mi gui.

Saint Luc 2:26

Da Saint‐Esprit mi ti to̱ko̱ hi nè ambèl ba yé kè ma ko̱ Christ a Nanjou ambèl da afal kè ma hou.

Saint Marc 13:26

Da afal on, yé kli ma ko̱ Goune a njoukou mi yé guina an toul yiri mbame, jing loukou njèran da jonafèn.

Hébreuli 2:9

Da na ko̱ Jésus, kè on ko̱ Ouone mi mosso nè an mi ma ka angeli ya, baï name gounfènakè, kè on ko̱ jing mbélé couronne a jonafèn da dikna, baï toul houl on ko̱ kème to̱ko̱ssé, an kè, ka mboro ndingna mbo̱l a Ouone, mi sanran houl baï toula njoukouli bon.

Saint Matthieu 24:3

Da ko̱ kème kaou laou souraguèl Olivier, njou‐séna bongli guè monè ka foli, ka sa: Mo sa hi na, yé fèn aïnli ma gui ka name fèn lé? Da fèn to̱ko̱nakè ba fèn ko̱ nding baï to̱ko̱na ka name guina amo, da sèkèrè koukoula lé?

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Saint Matthieu 24:42

Mono on oui zèng, baï ko̱ ouime tane tou name guina a Nanjou abaï ya.

Saint Luc 18:8

Mè sa hi oui, ko̱ kè ma wal baï hi kli guédék koukoulion. Da ko̱ Goune a Njoukou mi gui kè ma ko̱ tounassaon a koukoula aïn lé?

Saint Matthieu 8:20

Da Jésus mi féré sa hi nè: Kou a guéli mana, da ndoïli an nonkala makaou ka voula kli; da guèl mi tane ti an Goune a njoukou mi bi toulè guè rou ya.

Saint Matthieu 16:13

Da on, ko̱ Jésus gui guèl Césarée guèl Philippe, kè oui njou‐séna bong nèli, ka sa: Njoukouli sa mè ba guè, mè Goune a njoukou lé?

Saint Matthieu 24:34

Babaï, mi mè sa hi oui, yé mèran njoukou aïnli ba tana tiya, bo̱l tèn ko̱ none fèn aïnli bon mi tèn kala ka babaï.

Saint Marc 8:38

Baï ko̱ njoukouna ko̱ mi nding chonron baï touli da baï toul baïnjaka nili an wora mèrèn béké njou‐maïn aïnli, yé Goune a njoukou ma ndé nding chonron baï toulè kéng, ka name on ko̱ kème guè an bil jonafèn a Baba nè jing tangna fofoto angeli.

Saint Jean 8:51

Babaï, babaï, mi mè sa hi oui, tokoré njoukouna ko̱ mi pèng bong baïnjaka ni, yé kè ba ko̱na houl tane tiya kambèlè.

Saint Jean 21:22

Jésus mi sa hi nè: Tokoré mème ji baï an kème kaou bo̱l tèn ko̱ mème kaïn féré gui, fèn aïn jing mo ba fèn lé? Mo gui fali.

Pinali a Njou‐Mboro‐Pinali 1:11

da sa hi kli: Oui njoukouli an guèl Galilée, baïfèn da ouime o ka zaili none baï ènrèn sé guè nonkala on lé? Jésus aïn ko̱ mi hé sé guè nonkala an woro baï, yé kè ma kaïn féré ba aféké mahana ka on ko̱ ouime ko̱ nè baï séna guè nonkala.

1 Corinthienli 15:23

Da njoukouli mane mbéo mbéo bon ka sarang amè fènè Christ ba titili lénakè, da afal kli on ko̱ ba a Christ ka name guina amè.

TAKARATA A JACQUES KO̱ DÉ 5:7

Mono on yindi, oui kaou ka pana mone, bo̱l tèn name guina an Nanjou. Oui ko̱ njou‐ko̱ra waka ko̱ mi voro bèla lénakè an koukoula, kème voro ka pana mone bo̱l tèn ko̱ kème jing to̱na titili mbame, tèn mbame an sèkèrèkè da.

2 Pierre 1:16

Baï ko̱ na tane ga sé fal bounabong tang baï ya, ko̱ na to̱ko̱ hi oui njèran da guina a Nanjou na Jésus‐Christ, da na ba njou‐ko̱na gangna nè ka dodok nona.

Titili Takarata a Jean ko̱ dé 2:28

Da kassénaï lélé goundi oui bi an bilè. Mono on ko̱ tokoré kème tèn gui na ma guè monè ndo̱t, da chonron ba séna na an nonè tane tiya, ko̱ kème kaïn féré gui.