Saint Matthieu 16:24 - Féké Testament 1947

²⁴ Da on, Jésus mi sa hi njou‐séna bong nèli: Tokoré njoukouna mi ji guina fali, dadaon an kème njomo monè fènè, da bi di‐croix nè, ka gui fali.

Saint Matthieu 16:24 ပူးပေါင်းရင်းမြစ်များ

Saint Matthieu 10:38

Da kè on ko̱ tane bi di‐croix nè da gui fali ya, kè tane mabong ni ya.

Saint Luc 14:27

Da njoukouna ko̱ tane hol dodok di‐croix nè fènè ya, da gui fali ya, kè tane ma baï tèna njou‐séna bong ni ya.

Saint Marc 10:21

Da Jésus mi ènrèn guè monè ka sé hang‐è, da sa hi nè: Fèn mbéo mi nak mo tou; mo sé ka jo̱l fèn noli bon ko̱ na ndo̱ko̱, ka hi foïna njoukouli, da yé mo ma kaou ka nguèra an nonkala. Da mo gui ka sé fali.

2 Tim 3:12

Ka babaï kli on bon ko̱ mi ji kaouna ka mboro pèngna bong njaka Ouone ka bila Christ‐Jésus, yé kli ma to̱ko̱ssé.

Saint Marc 8:34

Da kème di ro̱kè njoukouli on tèn njou‐séna bong nèli gui monè, ka sa hi kli: Tokoré njoukouna mi ji guina fali, dadaon an kème njomo monè fènè, da hol di‐croix nè, ka gui fali.

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Colossienli 1:24

Da kassénaï mè jangndaï an bil to̱ko̱nassé baï toul baï; baï gara fèn on ko̱ mi pènrèn jing to̱ko̱nassé a Christ, mè ya bi naïn‐moni baï toul kli‐monè, on ko̱ ba église fènè.

Saint Jean 19:17

Jésus mi hol di‐croix nè fènè, da kan guèl on, ko̱ klime bi lingkè ba guèl hourou toul, da lingkè ka njaka Hébreu ba Golgatha.

1 Thessalonicienli 3:3

Mono on, an to̱ko̱nassé mi ta toula njoukouna mbéo ya; baï ko̱ oui toutou fèn baï ko̱ mi di na ba baï toul fèn on.

Saint Matthieu 27:32

Da ko̱ klime tèn kala, kli ko̱ njoukou pou Cyrène, ling‐è ba Simon, kè on ko̱ kli to̱ko̱ssé hi nè baï séna jing kli, da on an kème ma baï hola di‐croix a Jésus.

Saint Marc 15:21

Da njoukouna mbéo ko̱ ling‐è ba Simon an pou Cyrène, baba a Alexandre da Rufus, ko̱ mi féré gui pou ka waka; klime to̱ko̱ssé hi nè baï hola di‐croix a Jésus.

Saint Luc 23:26

Da ko̱ klime guè séna jing nè, kli ba njoukouna ko̱ ling‐è ba Simon a guèl Cyrène, kè on ko̱ ourou an waka baï guina pou, da kli bi di‐croix bi solè baï an kème hol guèl bo̱ka Jésus.

Saint Jean 21:19

Da kè sa on ba baï to̱ko̱na mboro houl on ko̱ kè ma hi jonafèn hi Ouone. Da afal ko̱ kème sa on tou kè sa hi nè: Mo gui fali.

Saint Jean 21:22

Jésus mi sa hi nè: Tokoré mème ji baï an kème kaou bo̱l tèn ko̱ mème kaïn féré gui, fèn aïn jing mo ba fèn lé? Mo gui fali.

1 Titili Takarata a Pierre ko̱ dé 2:21

Mono baï on ko̱ kè di oui, baï ko̱ Christ mi ndé to̱ko̱ssé baï toul baï kéng, ka hi gba mèrènkè hi oui an ouime sé bong tiri bo̱kè,