Fèna mbéo an kala njoukou tane tiya, ko̱ mi sé bilè, ka nding nè tèn ba dakame, da ba fènli on ko̱ mi tèn gui kala an mona njoukou, mi ko̱ nding njoukou tèn ba dakame.
Mo tane moungnourou pina a Ouone bi baï toul fèn sona ya. Ka babaï fènli bon mi tangta, da mi bèlya jing ba njoukou on ko̱ mi son ko̱ ba fèn bèna jing njoukou aféké.
Oui yèng goni baï toutoul da goni to̱ko̱nafèn mi miri oui guèfal ya; baï on bèlta ko̱ go̱ro̱ baï mi pou bi ka mboro ndingna mbo̱l, tane ti ka mboro laka ya, on ko̱ tane hi fèn ya, hi kli on ko̱ sé ka mboro aïn.
Mè toutou da on mi kara mi ka bila Nanjou Jésus, ko̱ fèna mbéo mi tane ti ba fèn dakame ka kli‐monè ya, wara kè on ko̱ mi ko̱ ba fèn dakame, da on ba fèn dakame jing ba kè ho̱kè.
ko̱ kli sa loukou baïnjaka bo̱on, kli lang ka mboro nzala naïn‐mone, da ka mboro ladidifèn, njoukouli on ko̱ ngou gata a ndo̱ko̱ kli on ko̱ kaou ka mboro wo̱ko̱.
Fènli bon mi tangta jing kli on ko̱ tangta; da akli on ko̱ mi tèn ba fèn dakame, da kaou ka ndouri, fènli bon mi na ba dakame da laou kèrafèn akli tèn laou‐tounafèn akli mi na ba dakame.
Klime koung guingna baï éna waïn ya, da sa bi njaka njoukouli an klime chang sona naïn, naïn on ko̱ Ouone mi mosso an kli on ko̱ mi la bilaou da tou babaï mi ya jing kaouna koukoula hi Ouone.