Saint Matthieu 13:23 - Féké Testament 1947

²³ Da kè on ko̱ ya mèrènkè an bèla koukoula, on ba kè on ko̱ mi la baïnjaka, da tou nè nguite; kè lé lénakè nyèta, hana lé té, aféké lé bongkè‐difala‐mbéo da aféké lé bongkè‐saï.

Saint Matthieu 13:23 ပူးပေါင်းရင်းမြစ်များ

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Saint Jean 15:16

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

Saint Matthieu 12:33

Maléba oui sa di bèlta ko̱ lé bèla lénakè, maléba oui sa di poumna ko̱ mi lé poumna lénakè; baï ko̱ njoukou mi toutou di ka lénakè.

Saint Matthieu 13:8

Da afékéli mi ta lé kon bèla koukoula: ka lé lénakè, hana mi lé té, aféké mi lé bongkè‐difala‐mbéo, da aféké bongkè‐saï.

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Saint Matthieu 3:8

Mono on, oui to̱ko̱ lénakè an bong aïn, ko̱ ouime hèkè békéfèn tou,

Saint Luc 13:9

Da tokoré mi lé lénakè bo̱l go on bèlta; da tokoré mi tane lé ya, yé mo ma koung nè kon koukoula.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

2 Pierre 3:18

Da oui hon ka ndingna mbo̱l da touna a Nanjou na da Njou‐yana‐baï‐toul ama ko̱ ba Jésus‐Christ. Mi jonafèn hi nè kassénaï da kambèlè! Amen!

Colossienli 1:10

baï séna ka mboro on ko̱ ma an nona Nanjou, ko̱ mi bi wélé toulè jing fènli bon, da oui lé lénakè jing bèla pina bon, da taïnkon ka mboro touna Ouone.

Hébreuli 8:10

Da mono ba bina gonjaka on ko̱ yé mè nding an voula Israël: Afal name o̱kèlio̱, Nanjou mi sa: Mè ma pèng guingna nili jing laou kèrafèn klili. Yé mè dé guingna on bi toul go̱ro̱ kli kéng. Da yé mè kaou ba Ouone akli, Da kli ma kaou ba njoukou nili;

Hébreuli 4:2

Ka babaï, kli sa mboura bèlabaï hi na mahana ka kli; da lana baïnjaka on na bo̱on jing kli, baï ko̱ klime tane ga ndoï ya, jing tounassaon a kli on ko̱ mi la.

2 Thessalonicienli 2:10

da jing mongnafèn bon a ndingna maï maï baï toula kli on ko̱ mi limna, baï ko̱ klime tane ga ya sénahang a babaï ya, an klime kou.

1 Thessalonicienli 4:1

Mono on baï toul gara baï on ko̱ mi pane yindi, mahana ko̱ name to̱ko̱ hi oui jinguèl ka mboro on ko̱ ma an ouime sé ka bina wélé toula Ouone, mahana ko̱ ouime sé, na sa jo̱jo̱ baï nyèta ka wara oui ka bila Nanjou Jésus, baï séna jing baï on mi ti nyèta guèbambèl.

Philippienli 4:17

Tane ga ti ba ko̱ mème nza toul ndo̱ko̱ ya, da mème nza lénakè on ko̱ ma taïn nguèra abaï kon.

2 Corinthienli 9:10

Da kè on Ko̱ mi hi mèrènfèn hi njou‐mèna mèrènfèn, Tèn mapa baï laka sona nè, yé kè ma nding bakara hi oui, ka taïn mèrènfèn abaï kon guèbambèl baï mènakè, da taïn léna a guédék abaï nyèta guèbambèl.

Pinali a Njou‐Mboro‐Pinali 17:11

Da Juifli on ko̱ kaou ndourou mi bèl maïya ta toula Juifli on ko̱ kaou pou Thessalonique; baï ko̱ klime ya baïnjaka gata an bil go̱ro̱ kli, da foul fal Takarata a Ouone name bon baï touna kong ba fèn aïnli ba babaï lé.

Pinali a Njou‐Mboro‐Pinali 16:14

Da waïn hana mbéo, ko̱ ling‐è ba Lydie, kè ba waïn an pou Thyatire, kème jo̱l bitibiti la, da kè ba waïn ko̱ hiou ba Ouone, da ko̱ kème la baï na, Nanjou bourou go̱rè baï lana baï on ko̱ Paul mi sa.

Saint Jean 8:47

Kè on ko̱ ba a Ouone mi la baïnjaka Ouone, oui tane ga la baï aïn ya, baï ko̱ ouime ti ba a Ouone ya.

Saint Luc 8:15

Da kli on ko̱ mi ta lé bèla koukoula ba kli on, ko̱ mi la baïnjaka bi laou go̱ro̱ kli, ka bèla go̱ro̱ mbonatoul, da kli mi pèngnakè, ka lé lénakè ka laïnabi.

Saint Marc 10:15

Babaï, mi mè sa hi oui, njoukouna ko̱ mi tane ya bilkaou a Ouone mahana ka ba lélé goune ya, yé kè ba rina bilkè tane tiya.

Saint Marc 4:20

Da aïnli ko̱ mi mèn kon bèla koukoula, ba kli on ko̱ mi la baïnjaka, ka ya an go̱ro̱, da lé lénakè hanali bongkè‐saï, da afékéli bongkè‐difala‐mbéo, da hanali té.

Saint Matthieu 3:10

Da kassénaï téna mana an saou dili: mono on, dili bon ko̱ mi lé bèla lénakè ya, yé kli ma koung ka wou kon hèlè.

Hébreuli 6:7

Baï koukoula ko̱ njo mbi mbame on ko̱ to̱ mborokè nyèta an nonè, da mi bou gouè haï on ko̱ bèlta baï akli, da baï toul kli on, ko̱ mi pa paï an ndourou, koukoula on ko̱ klime jing samnafèn an ndo̱ko̱ Ouone.

Saint Luc 8:8

Da afékéli mi ta lé kon bèla koukoula: da lang mone ka hon da lé lénakè ténakè mbéo. Da afal ko̱ kè sa fèn aïnli kè wan njaka: Kè on ko̱ soukè mi outa dadaon an kème la.