Saint Matthieu 13:22 - Féké Testament 1947

²² Da kè on ko̱ ya mèrènkè an woro nzara, on ba kè on ko̱ mi la baïnjaka, da bina hang toul pina an saka naï da rongnafèn a nguèra mi moungnourou baïnjaka, da kè tane lé lénakè ya.

Saint Matthieu 13:22 ပူးပေါင်းရင်းမြစ်များ

1 Timothée 6:17

Mo sa bi njaka kli on ko̱ mi jing fèn nguèra an koukoula aïn kassénaï an klime tane joung mone kli ya, da an klime tane bi hang kli ka oli nguèra on ya, ko̱ yé ma o̱ bon, da klime bi hang kli ba toula Ouone kè on ko̱ mi hi bèla fènli bon guèbambèl hi na, baï an name jangndaï.

Saint Luc 8:14

Da kli on ko̱ mi ta lé an bil nzara, kli ba kli ko̱ la, da ko̱ kli sé mboro kli fèn kli, bina hang kli toul pina klili, da nguèra mi mong kli, tèn jangnandaï a yana mi koung kli tou, da mono mi ko̱ kli tane lé bèla lénakè ya.

Saint Luc 12:15

Da kè sa hi kli: Oui pèng mone baï fèn baï, an ouime bi hang baï toul fèna ya; baï ko̱ yana a njoukou mi tane ga é monè toul fènli nyè maïya on ya, ko̱ mi yé jing nè.

2 Tim 4:10

Baï ko̱ Démas mi yèng mi tou, baï ko̱ kème sé hang saka aïn, ka sé guè pou Thessalonique; Crescens mi sé guè guèl Galatie tou, Tite mi sé amè guè pou Dalmatie.

Saint Matthieu 13:7

Da afékéli mi ta lé kon woro nzara: da nzara mi ndé hon jing nè, ka ta toulè.

Saint Luc 12:21

Mono on, kè mahana ka kè on ko̱ mang fèn nguèra nè baï monè fènè, da kè tane ti jing nguèra a Ouone ya.

Saint Luc 21:34

Da oui pèng mone baï, maléba ka touya oui ma bi hang baï toul sona laka, tèn njona vone nyèta, tèn bina hang toul pina nyèta, yana aïn da name on gui mone baï mahana ka ndaou ko̱ ba mo,

Pinali a Njou‐Mboro‐Pinali 8:18

Da on ko̱ Simon mi ko̱ko̱ ka ba mboro goukouna ndo̱ka njou‐mboro‐pinali kon toul kli mi ko̱ hi Saint‐Esprit, kème ji baï hina mbo̱ri hi kli,

Saint Matthieu 12:32

Da njoukou on ko̱ mi sa baïnjaka bèlya kon toula Goune a njoukou, kè ma jing yèngna bi mborokè; da njoukou on ko̱ mi sa bèlya kon toula Esprit, yé kè jing yèngna bi mborokè ya, name an koukoula aïn da name ko̱ nding baï guina.

Saint Matthieu 13:39

da bakèo̱ ko̱ mèn kli ba zabolo; ka name loura mèrèn mapa ba sèkèrè name on a koukoula aïn; da njou‐loura fèn païli ba angeli.

Saint Matthieu 13:40

Da on mahana ko̱ klime lourou hoï, kli soung mono mabahana ka sèkèrè name an koukoula aïn.

Romainli 12:2

Da oui tane féré laou baï ka mbora sakanaï ya, da oui komo, baï an ouime kaïn tèn jing féké laou‐kèrafèn, mono on, an ouime lé baï touna fèn on ko̱ mi na mara fal toula Ouone, fèn on ko̱ bèlta da mapélékè jing nè, da na guédék.

1 Corinthienli 1:20

Njou‐cho̱knali an hane dé? Njou‐to̱ko̱na bong guingna an hane dé? Njou‐njakana ka saka naï an hane dé? Ouone tane ga nding cho̱kna a koukoula aïn tèn ba fèn ngawa ya lé?

1 Corinthienli 2:6

Da name sa ba baï cho̱kna an wora kli on ko̱ mi tou, da cho̱kna on mi tane ti ba an saka naï ya, maléba an zaworoli a saka naï ya, ko̱ yé kli ma limna bon;

1 Corinthienli 2:8

cho̱kna on ko̱ zaworoli a saka naï hana mbéo mi tane ga tou ya, baï ko̱ tokoré klime ti toutou on jinguèl kli tane ga bara Nanjou a jonafèn bi di‐croix ya.

1 Corinthienli 3:18

Dadaon an njoukouna mbéo mi tane mong monè ya. Tokoré njoukouna an woro baï mi kèrè ka go̱rè ba kème cho̱kta ka saka naï, dadaon an kème tèn ngawa baï an kème ma baï tèna cho̱kna.

2 Corinthienli 4:4

kli on ko̱ mi tane ga la bilaou ya, ko̱ ouone a saka naï mi foukourou kèrafèn akli, baï an klime tane ma baï ko̱na takanafèn bèlabaï a jonafèn a Christ ya, on ko̱ ba tétéme a Ouone.

Galateli 1:4

kè on ko̱ mi hi monè fènè jinguèl, baï toul békéfèn nali, an kème ya na guèfal an bil béké saka aïnli kassénaï, ka mboro on ko̱ mi na mara fal toula Ouone Baba na;

Éphésienli 2:2

guèl ko̱ ouime sé rou jinguèl ka bong séna an bilkaou koukoula aïn, ka mboro zaworo a njèranli an siya, ka esprit on ko̱ kassénaï mi nding an bila goundi a njoukouli on ko̱ fa baï.