Saint Matthieu 13:11 - Féké Testament 1947

¹¹ Da Jésus mi féré sa, ka sa hi kli: Ba abaï, baï touna didissi fèn toul bilkaou a nonkala, da tane ti baï hina kli ya.

Saint Matthieu 13:11 ပူးပေါင်းရင်းမြစ်များ

1 Corinthienli 2:14

Da njoukou a kli‐mone bo̱on mi tane ga ya fènli a Esprit a Ouone ya, baï ko̱ kli ba fèn ngawa an nonè, da kème tane ma baï touna kli ya, baï ko̱ njoukou mi foul saonkè ka ba mbora Esprit.

Saint Matthieu 19:11

Da kème sa hi kli: Njoukouli bon ma baï lana baï aïn ya, bo̱l ba a kli on ko̱ kè hi kli ka ho̱kè.

TAKARATA A JACQUES KO̱ DÉ 1:5

Da tokoré njoukouna an woro baï mi nak jing cho̱kna, dadaon an kème oui Ouone, kè on ko̱ mi hi njoukouli bon bo̱on, da tane ga ba baï hi kli ya, da yé kè ma hi nè.

Titili Takarata a Jean ko̱ dé 2:27

Da baï abaï, baï toul ko̱na samnafèn on ko̱ ouime jing an ndo̱kè jinguèl mi bi an bil baï, da mi tane ma an njoukouna mi sa ba baï hi oui ya; da baï ko̱ baï samnafèn on mi to̱ko̱ fènli bon hi oui da baï on ba babaï ka tane ti ba wo̱ko̱ ya, mahana ko̱ baï on mi to̱ko̱ hi oui, oui bi an bilè.

Titili Takarata a Jean ko̱ dé 2:20

Da abaï, ouime jing samnafèn kon toul baï ka Njou‐tangna fofoto, da ouime toutou fènli bon.

Saint Matthieu 16:17

Da Jésus mi féré sa, ka sa hi nè: Jangnandaï ba baï amo, Simon, goune a Jonas; baï ko̱ ti ba naïn‐mone da séme ya, ko̱ to̱ko̱ fèn on hi mo, da ba Baba ni, ko̱ kaou an nonkala.

Éphésienli 1:9

da kème to̱ko̱ hi na didissi baï on ko̱ mi na mara fal toulè, ko̱ mi na hang‐è bèlta ko̱ kème badi ti dambèl ka bilè fènè,

Éphésienli 5:32

Didissi baï on ba loukoukè; da mème sa baï on toula Christ kira église.

Romainli 16:25

Da an kè on ko̱ njèrèn baï pouna mone baï ka mbora bèlabaï ni, ka mboro sana mboura a Jésus‐Christ mabong baï on ko̱ mi wéré nonkè bi kala, didissi baï on ko̱ mi mou ka foli jinguèl ka titilikè ambèl hi name mossona koukoula.

Saint Luc 8:10

Da kè sa: Da abaï baï touna didissi fèn toul bilkaou a Ouone; da ba baï a gara njoukou afékéli bon, mi ko̱ fènli bon to̱ko̱ ka ba ébèlbaïli, baï ko̱nakè yé kli ba ko̱nakè tang tiya, da lanakè yé kli ba tounakè nguite tane tiya.

1 Corinthienli 15:51

Mono mème sa didissi baï hi oui; ko̱ yé na bon ba houl tane tiya, da yé kli‐mona bon ma komo,

1 Corinthienli 2:7

da name sa ba mboura cho̱kna Ouone jing didissi, da cho̱kna on ko̱ mi mou ka tang ambèl jinguèl, da ko̱ Ouone mi badi ka tang ambèl jinguèl hi sakali bon baï toul jonafèn na,

Saint Jean 6:65

Da kè sa: Mono, baï on ko̱ mème sa hi oui jinguèl, njoukouna mbéo tane ma baï guina moni ya, wara ko̱ Baba fènè mi tane ga hi nè hi nè ya.

1 Timothée 3:9

Kli pèng didissi baï a tounassaon jing laou‐tounafèn ko̱ mi na tang fofoto.

1 Corinthienli 13:2

Da tokoré mème jing toul ndo̱ko̱ baï to̱ko̱na bong njaka Ouone, da mème tou didissi fènli bon, da tou fènli bon nguite, da tokoré mème yé jing tounassaon bon, ko̱ ma baï mbèkèna loukou kondi; da mème tane ti jing sénahang ya, mè ba bo̱on.

Saint Marc 4:11

Da kème sa hi kli: Ba baï abaï baï touna didissi fèn toul bilkaou a Ouone; da ba baï akli on ko̱ kaou kala, mi ko̱ fènli bon ko̱ to̱ko̱ ka ba ébèlbaïli,

Colossienli 2:2

baï an klime bi hang kli guè tiya, ko̱ klime vo jing hana ka sénahang, da klime jing nguèra cho̱kna on ko̱ mba, an klime tou didissi baï a Ouone nguite on ko̱ ba Christ,

Éphésienli 6:19

Da oui ndé hiou Ouone kon touli kéng, baï an mème sa baï ka mboro mboura njaka ni, baï to̱ko̱na didissi fèn a bèlabaï ndo̱t tane waou.

1 Corinthienli 4:7

Baï guème ko̱ mosso mo ta hana lé? Fèn an ndo̱ko̱ ko̱ mome tane ga ya ya lé? Da tokoré mome ya, baïfèn da mome jone ba mono mahana ko̱ mome tane ga ya fèn on ya lé?

1 Corinthienli 4:1

An njoukou mi foul fal na mahana ka njou‐bakarali a Christ da njou‐onabong didissi fènli a Ouone.

Saint Jean 7:17

Da tokoré njoukouna mi ji baï kaouna mara fal toulè, kè ma tou kong ba to̱ko̱nafèn on ba a Ouone maléba mème ko̱ sa ka ba mboro ni fèni.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Éphésienli 1:18

mono on an none a go̱ro̱ baï mi bourou baï ko̱na guèl bèlta, baï an ouime tou fèn on ko̱ ba fèn oliya baï ko̱ kème di oui, da an ouime tou fèn on ko̱ ba nguèra jonafèn an fèn yana pélé nè ka bila njou‐lana‐bilaouli,

Pinali a Njou‐Mboro‐Pinali 16:14

Da waïn hana mbéo, ko̱ ling‐è ba Lydie, kè ba waïn an pou Thyatire, kème jo̱l bitibiti la, da kè ba waïn ko̱ hiou ba Ouone, da ko̱ kème la baï na, Nanjou bourou go̱rè baï lana baï on ko̱ Paul mi sa.

Saint Matthieu 13:10

Da njou‐séna bongli mi gui, da sa hi nè: Baïfèn da mo sa hi kli, ka ba ébèlbaïli lé?

Saint Matthieu 20:23

Da kè sa hi kli: Ka babaï, yé oui ma njo kopo ni; da baï kaouna mboro wonron ndo̱ko̱ ni malèba mboro waïn ndo̱ko̱ ni, ti ba baï ni baï hinakè ya, yé Baba ni mi to̱ko̱ guèl kaouna hi kli, ko̱ kème mosso baï kli.

Saint Marc 10:40

da baï kaouna mboro wonron ndo̱ko̱ ni maléba mboro waïn ndo̱ko̱ ni, tane ti ba baï ni baï hinakè ya; da ba baï akli on ko̱ mi badi ka mosso guèl mahana ka on baï toul kli.

Romainli 11:25

Baï ko̱ mè ji an ouime toutou didissi baï on yindi, mono an ouime tane bi hang baï toul tounafèn abaï fèn baï ya, baï ko̱ go̱ra njoukou hanali an wora njou‐Israëli mi na wang bo̱l tèn ko̱ Gentili mi mba bilkè nyè mabongkè tou.