Saint Matthieu 12:41 - Féké Testament 1947

⁴¹ Njoukouli a pou Ninive ma ourou siya ka guè mona mèran njoukou aïnli ka name walabaï, da kon barabaï toul kli, baï ko̱ njou‐Ninive mi hèkè békéfèn akli jinguèl, ko̱ Jonas mi sa mboura hi kli; da mono, njoukouna ko̱ mi ta toula Jonas makaou guèl aïn.

Saint Matthieu 12:41 ပူးပေါင်းရင်းမြစ်များ

Saint Matthieu 12:42

Waïn hana mi ko̱ tèn ba nanjoukaou ka mbora sud, ma ourou siya ka guè mona mèran njoukou aïnli, ka name walabaï, da kon barabaï toul kli, baï ko̱ waïn on mi ourou an sèkèrè guèl ndèk an koukoula, baï lana cho̱kna a Salomon; da mono, njoukouna ko̱ mi ta toula Salomon makaou guèl aïn.

Hébreuli 11:7

Ka mboro tounassaon mi ko̱ Noé, ko̱ Ouone wara nè toul fènli ko̱ kè pane ga ko̱ ya, kè ngou waou nona Ouone, da kè mosso kombone baï kouna njou‐voulèli; da ka mboro on kè sa baï kon toula njou‐koukoulali, da tèn njou‐yana pélé a guédék on ko̱ mi na ka mboro tounassaon.

Romainli 2:27

Da njou‐ina gassa ya ka bo̱ko̱di nè, tokoré kème bou fal bong njaka guingna bon, yé kè ma wal baï kon toulo̱ ya lé, mo on ko̱ mi jing takarata guingna, da baï ina gassa, da mome ko̱ ba njou‐séla guingna lé?

Saint Jean 3:31

Kè on ko̱ mi diri gui tiya ka nonkala mi ko̱ ta afékéli bon;

Saint Matthieu 12:6

Da mè sa hi oui, hana mbéo mana ko̱ ta temple an guèl aïn.

Saint Jean 4:12

Mo ta baba na Jacob, ko̱ mi hi lo̱ko̱ mbi njona aïn hi na lé? ko̱ kè fènè mi njo jing goune wonron nèli da ndaïya nèli mi ndé njo kéng lé?

Saint Luc 11:32

Njoukouli a pou Ninive ma ourou siya, ka guè mona mèran njoukou aïnli, ka name walabaï, da kon barabaï toul kli, baï ko̱ njou‐Niniveli mi hèkè békéfèn akli jinguèl ko̱ Jonas mi sa mboura hi kli; da mono, njoukouna ko̱ mi ta toula Jonas makaou guèl aïn.

Saint Matthieu 23:36

Babaï, mi mè sa hi oui, yé fènli on bon ma lé toula mèran njoukou aïnli.

Saint Matthieu 17:17

Da Jésus mi féré sa, ka sa: O! mèran njoukou aïnli ko̱ kaou ka ba ndouri, da sé maï maï, yé mè kaou jing oui bongkè di ane dé? da yé mè panran oui bo̱ko̱ ro̱ko̱ ane dé? Mo ya nè gui moni.

Saint Matthieu 16:4

Béké mèran njou‐maïnli mi nza ba fèn to̱ko̱nakè, da hina fèn to̱ko̱nakè hana mbéo hi kli tane tiya, wara fèn to̱ko̱nakè a Jonas ya. Da kème yèng kli ka ourou.

Saint Matthieu 12:45

Da kè sé ka ya esprit afékéli difala‐séré ko̱ ba békékè ta nè, da kli ri sé guè bilkè ka bi pou kli rou; da afal on njoukou aïn mi gui bèlya ta ambèl bon. Da on, yé mi tèn béké mèran njoukou aïnli mahana.

Saint Matthieu 12:39

Da kème féré sa, ka sa hi kli: Béké mèran njou‐maïnli mi nza ba fèn to̱ko̱nakè; da hina fèn to̱ko̱nakè hana mbéo hi kli tane tiya, wara fèn to̱ko̱nakè a prophéte Jonas ya.