Saint Matthieu 11:26 - Féké Testament 1947

²⁶ Babaï, Baba, mè jone mo toul fèn on ko̱ mome ko̱ bèl mono ta.

Saint Matthieu 11:26 ပူးပေါင်းရင်းမြစ်များ

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Éphésienli 3:11

ka mboro badinafèn on kambèlè, ko̱ kème badi jinguèl ka tang ambèl baï ndingnakè ka bila Christ‐Jésus Nanjou na.

Éphésienli 1:11

Name ndé tèn ba njou‐yana péléli ka bilè kéng, baï ko̱ mi ti sane na ka tang ambèl ka mboro badinafèn nè ko̱ kème nding fènli bon ka bong kèrafèn nè ko̱ mi na mara fal toulè,

Éphésienli 1:9

da kème to̱ko̱ hi na didissi baï on ko̱ mi na mara fal toulè, ko̱ mi na hang‐è bèlta ko̱ kème badi ti dambèl ka bilè fènè,

Romainli 9:18

Mono, Ouone mi nding haïo hi kli on ko̱ kème ji, da bati laou a kli on ko̱ kème ji.

Saint Luc 10:21

Ka l’heure o̱kèo̱ Jésus jangndaï ka esprit, da kè sa: Mè kaou koukoula hi mo, O Baba, Nanjou an nonkala da an koukoula, baï ko̱ mome mou fèn aïnli jing cho̱kna njoukouli tèn kli on ko̱ tou fèn ta, da mo to̱ko̱ saon fèn aïnli hi ba joï goundi, babaï Baba, mè jone mo toul fèn on ko̱ mome ko̱ bèl mono ta.

Saint Luc 22:42

Kè sa: Baba tokoré mome jiji, mo ya kopo aïn guèfal hi mi! da tane ti ba baï kaouna mara fal touli fèni ya da ba baï kaouna mara fal toulo̱.

Saint Luc 23:34

Da Jésus sa: Baba, mo yèng bi mboro békéfèn akli, baï ko̱ klime tane tou fèn ko̱ klime nding ya. Da kli wal la nè ka rou mbadé rou.

Saint Jean 11:41

Da mono, kli bourou kone saou guèfal tou. Da Jésus mi bi nonè da ènrèn guè sé nonkala, ka sa: Baba, mè kaou koukoula hi mo baï ko̱ mome la baï ni tou.

Saint Jean 12:27

Kassénaï laou ni mi hou mbi, da yé mè ma sa ba fèn lé? Baba sél mi guèfal, ka l’heure aïn. Da rokokè mono ko̱ mème gui ka l’heure aïn.

Saint Jean 12:28

Baba hi jonafèn ka ling‐o: Da mono bounaka mi ba gui ka nonkala ka sa: Mè hi jonafèn hi nè tou, da mè ma kaïn hi jonafèn hi nè ba aféké.