Saint Marc 9:42 - Féké Testament 1947

⁴² Da njoukouna ko̱ mi nding fèn an hana mbéo an wora lélé goune aïnli ko̱ mi la bilaou mi bèn, dadaon baï nè an klime gna loukou kone nène bi solè, ka wou nè bou loukou mbi.

Saint Marc 9:42 ပူးပေါင်းရင်းမြစ်များ

Saint Matthieu 18:6

Da njoukouna ko̱ mi tèn ba fèn bèna jing hana mbéo an wora lélé goune aïnli, ko̱ mi la bilaou ni, dadaon baï nè, an klime gna loukou kone nène bi solè, ka wou nè bou loukou mbi an kème bine.

Saint Matthieu 18:10

Mè wara oui, an ouime jèk hana mbéo an wora lélé goune aïnli ya; baï ko̱ mè sa hi oui, ange aklili an nonkala mi ènrèn nona Baba ni guèbassoko, ko̱ kaou an nonkala.

2 Corinthienli 6:3

Name tane ga bou fèn bèna ka mboro mbéo ya, baï an klime tane ma baï sana kon toul bakara na ya.

Romainli 16:17

Mè sa jo̱jo̱ baï yindi, oui ènrèn mbora kli on, ko̱ mi nding fèn wala hana an zéng baï, da bou fèn bèna baï pongna to̱ko̱nafèn on ko̱ ouime lala jinguèl. Oui pong kli.

Romainli 14:13

Mono on, an name wal baï kon toul hana ba aféké ya; dadaon an ouime wal baï kon ba toul fèn aïn mbéo bo̱l, an njoukouna mi tane bou fèn bèna an domboro hi yine nè ya, maléba fèn fana an kème lé.

2 Pierre 2:2

Da yé hanali nyèta ma sé fal mboro nzala ndingna ladidifèn akli, da baï akli on mi njoukouli sa bèlya kon toula mboro a babaï.

Pinali a Njou‐Mboro‐Pinali 9:4

da kème lé bou koukoula, da kème la mbo̱ko̱ on ko̱ mi sa hi nè: Saul, Saul, baïfèn da mome sène mi lé?

1 Timothée 5:14

Mono on, mè ji an waïn soréli on ko̱ mi pane ba tikila, klime é wonron ka mboung goundi, da miri njou‐voul klili an mboro mi tane ti jing bakèo̱ baï ouina njaka kli ya;

Philippienli 1:10

Mono on, an ouime ma baï léna fènli ka toul sél kakaïyakè, baï ko̱ oui mi kaou déléng da baï ko̱ tènrèn none ndingna fèn abaï mi na bèlta bo̱l tèn name a Christ.

Romainli 15:21

Da mahana ko̱ mi dé: Kli on ko̱ mi tane ga sa baï mè hi kli ya, yé kli ma ko̱, Da kli on ko̱ mi tane ga la ya, yé kli ma tou bon.

Saint Matthieu 17:27

Da baï ko̱ na tane ga ti jing kli ba fèn bèna ya, mo sé guè loukou mbi, ka bou boï, da titili njouï ko̱ mi ba boï; mo bourou haou‐è, yé mo ko̱ mbo̱ri statère. Mo bi nè, da hi nè hi kli baï l’impôt ni da amo.