Saint Marc 16:19 - Féké Testament 1947

¹⁹ Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Saint Marc 16:19 ပူးပေါင်းရင်းမြစ်များ

1 Titili Takarata a Pierre ko̱ dé 3:22

kè on ko̱ makaou mboro wonron ndo̱ka Ouone baï ko̱ kème hé sé nonkala tou, da kè bou angeli da nanjoukaouli da njèranli baï kaouna bo̱ko̱ ndo̱kè.

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

Pinali a Njou‐Mboro‐Pinali 2:33

Mono on, Ouone mi bi ling‐è ti guè siya an mboro wonron ndo̱kè, da kème ya bina gonjaka baï Saint‐Esprit an mona Baba fènè, da kè mèn on mahana ko̱ ouime ko̱ da la.

Hébreuli 8:1

Da saou baï on ko̱ na sa ba on: Na makaou jing zaworo sacrificateur, ko̱ kaou mboro wonron ndo̱ko̱ kangala njaka bara a Gangna a Ouone an nonkalali.

Colossienli 3:1

Mono on, tokoré mi ndé tome oui jing hana jing Christ, oui nza fènli on ko̱ na an nonkala, an guèl on ko̱ Christ mi kaou an mboro wonron ndo̱ka Ouone.

Saint Jean 20:17

Jésus mi sa hi nè: Da ndo̱ko̱ moni ya; baï ko̱ mè tane ga hé sé guè mona Baba fènè ya. Da mo sé guè mona yine nili ka sa hi kli: Mè guè héna sé guè mona Baba ni tèn Baba baï, da Ouone ni tèn Ouone baï.

Hébreuli 6:20

Da guèl ko̱ Jésus ri baï na mahana ka njou?-?dana mbèlkè da tèn zaworo sacrificateur kambèlè, an mi ma ka mbora Melchisédek.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Saint Jean 6:62

Yé oui nding ba fèn tokoré ouime ko̱ Goune a njoukou mi hé sé guè nonkala an guèl on ko̱ kème kaou ndourou ti dambèl lé?

Saint Luc 9:51

Da baï mi gui mahana ka on, ko̱ name nè mi hèdi manabongkè tou an kème ourou an koukoula, ka sé guè nonkala, kè bi hang‐è rou baï séna guè pou Jérusalem.

Hébreuli 9:24

Baï ko̱ Christ tane ga ri bil guèl tangna fofoto on ya ko̱ ndo̱ka njoukou mi mosso, on ko̱ mi mahana ka ba gba mèrènkè a fèn on fènè, da kè ri bil nonkala fènè, an kè mi guè nona Ouone baï toula.

Hébreuli 7:26

On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

Hébreuli 4:14

Mono on baï ko̱ na jing loukou zaworo sacrificateur, Jésus, Goune a Ouone, kè on ko̱ ta sé nonkalali tou, dadaon an name ba tounassaon na pou.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Saint Jean 21:22

Jésus mi sa hi nè: Tokoré mème ji baï an kème kaou bo̱l tèn ko̱ mème kaïn féré gui, fèn aïn jing mo ba fèn lé? Mo gui fali.

Saint Jean 21:15

Da mono, afal ko̱ klime son laka on o̱tou, Jésus mi sa hi Simon Pierre: Simon, goune a Jonas, mome sé hang ni ta kli on lé? Kè sa hi nè: Ii, Nanjou, mo toutou ko̱ mème ji mo ta. Jésus sa hi nè: Mo ko̱ro̱ goune badoua nili.

Saint Jean 17:13

Da kassénaï mè guè mono, da mème sa baï aïn ko̱ mè pane mona njou‐koukoulali, mono, an klime jing jangnandaï ni mi mba an bil kli.

Saint Jean 16:28

Mè ourou gui ka mona Baba, da gui mona njou‐koukoulali tou. Kassénaï mè ma ourou an koukoula aïn da sé guè mona Baba.

Saint Jean 13:1

Da ambèl name gnèna laka Pâque, Jésus toutou ko̱ name nè mi hèdi tou, baï an kème ourou an koukoula aïn, ka féré sé guè mona Baba nè fènè, da kème sé hang dodok njoukou nèli an koukoula aïn da kème sé hang kli bo̱l tèn sèkèrèkè.

Saint Marc 16:20

Da klime sé, ka sa mboura manguèl bon. Da Nanjou mi nding pina jing kli ka mboro njèran pinali ko̱ mi gui fal, mi to̱ko̱ ko̱ baïnjaka ba babaï. Amen.

Saint Luc 22:69

Da afal ka name aïn, yé Goune a njoukou ma kaou an mboro wonron ndo̱ko̱ njèran a Ouone.

Pinali a Njou‐Mboro‐Pinali 1:22

tinassaonkè jing baptême a Jean bo̱l tèn name on ko̱ kème hé sé guè siya an woro na, an zéng akli on, dadaon njoukouna mbéo mi gui ba njou‐sana bongbaï jing na toul tomnahoul amè.