Saint Marc 16:16 - Féké Testament 1947

¹⁶ Kè ko̱ mi la bilaou da ya baptëme ma kou, da kè ko̱ tane la bilaou ya, barabaï ma lé toulè.

Saint Marc 16:16 ပူးပေါင်းရင်းမြစ်များ

Saint Jean 3:36

Kè on ko̱ la bilaou a Goune on jing yana kambèlè; da kè ko̱ tane ga la bilaou a Goune on ya, kè ba ko̱na yana tane tiya, yé hèrè a Ouone pane toulè.

Pinali a Njou‐Mboro‐Pinali 2:38

Da Pierre mi sa hi kli: Oui hèkè békéfèn abaï, da oui mbéo mbéo bon mi ya baptême ka bil ling a Jésus‐Christ baï jingna yèngna bi mboro békéfèn abaïli; da yé oui ma ya toul ndo̱ko̱ Saint‐Esprit.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

Saint Jean 8:24

Da mono ko̱ mème sa hi oui: Oui ma hou an bo̱ko̱ békéfèn baïli; baï tokoré ouime tane ga la bilaou ba mè ba kè on ya, yé oui ma hou an bo̱ko̱ békéfèn baïli.

Saint Jean 6:29

Jésus mi féré sa, ka sa hi kli: Pina Ouone mini ko̱ ba lana bilaou a kè on ko̱ Ouone mi pi tou.

Saint Jean 3:5

Jésus mi féré sa: Babaï, babaï, mi mè sa hi mo, tokoré njoukou ko̱ mi tane ga tèn ka mbi da Esprit ya, kè ba rina an bilkaou a Ouone tane tiya.

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Saint Jean 20:31

Da fèn aïnli mi dé an bil takarata tou, baï an ouime la bilaou ko̱ Jésus ba Christ ka babaï, Goune a Ouone; da ko̱ ouime la on bi laou baï, oui ma jing yana ka ling‐è.

Apocalypse 20:15

Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.

Saint Jean 6:35

Jésus sa hi kli: Mè ba mapa yana. Kè ko̱ mi gui moni nzala ba ina nè tane tiya, da kè ko̱ mi la bilaou ni, yé po̱ko̱ mbi ba ina nè tane tiya.

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Saint Marc 1:15

Da klime sa: Name mapélékè tou, da bilkaou a Ouone mi hèdi tou. Oui hèkè békéfèn baï, ka la bilaou bèlabaï.

Pinali a Njou‐Mboro‐Pinali 22:16

Da kassénaï baïfèn da mome kaou zada lé? Mo ourou siya, ka ya baptême, da tourou békéfèn noli guèfal ka mboro dina ling a Nanjou.

Saint Jean 6:40

Baï kaouna mara fal toula Baba mono, njoukouli on bon ko̱ mi ko̱ Goune nè, da la bilaou‐è ma jing yana kambèlè; da mè ma tome nè ka sèkèrè name.

1 Titili Takarata a Pierre ko̱ dé 1:21

ko̱ mbo̱l kè oui ba njou‐lana bilaouli a Ouone, ko̱ tome nè an wora houli, da hi jonafèn hi nè, an tounassaon abaï da oliya mi na bila Ouone.

Pinali a Njou‐Mboro‐Pinali 2:41

Da kli on ko̱ ya baïnjakè, kli ya baptême; ka name o̱kèo̱, ro̱ko̱na laou an njoukouli on ko̱ mi taïnkon jing kli hèdi ténakè‐bongkè‐saï.

Saint Luc 8:12

Da kli on ko̱ mi ta lé bèl domboro, kli mahana ka njoukouli on ko̱ la, da zabolo gui da ya baïnjaka a go̱ro̱ kli, an klime tane la bilaou ka kou ya.

Saint Matthieu 28:19

Da on, oui sé ka mosso njou‐séna bongli an bil pime pouli bon, ka nding baptême hi kli, ka bil ling a Baba da ka Goune tèn ka Saint‐Esprit,

Apocalypse 21:8

Da kli on ko̱ ngou waou, da tane ga la bilaou ya, da kli ko̱ sène fèn ta da njou‐ina njoukouli, da njou‐ndingna maïnli, da njou‐hala ngalali da njou‐téna ndamli, da njou‐bana wo̱ko̱li bon, kli ma jing guèl akli an bil étang ko̱ jang jing hèlè da soufre, ko̱ ba houl a bo̱ko̱ sérékè.

Pinali a Njou‐Mboro‐Pinali 13:39

Ka mbora njoukou aïn njoukouli mbéo mbéo bon on ko̱ la bilaou mi gui guédék baï toul fènli bon on, ko̱ ouime tane ga ma baï guina guédék jinguèl ka mboro guingna Moïse ya.

Romainli 4:24

da ndé baï toula kéng, ko̱ yé Ouone ma kèn on kon toula, ko̱ la bilaou a kè on ko̱ tome Jésus, Nanjou na, an wora houli,

2 Thessalonicienli 2:12

Mono on, an barabaï mi lé toula kli on bon ko̱ mi tane ga la babaï bilaou kli jinguèl ya, da kli ko̱ ndingna maï maï bèl mone kli ta.

2 Thessalonicienli 1:8

baï féra gnana hi njoukouli on ko̱ mi tane ga tou Ouone ya, tèn kli on ko̱ mi pong bèlabaï a Nanjou na Jésus,

Pinali a Njou‐Mboro‐Pinali 13:46

Da Paul kira Barnabas mi sa baï ndo̱t bi none kli, ka sa: On ba baï toul baï baï to̱ko̱na baïnjaka Ouone hi oui ti dambèl; da ba baï ko̱ ouime pong baï aïn tou, oui fèn baï mi wal baï, ko̱ oui tane ga mapélékè baï yana kambèlè ya, mono na ma ki ka sé guè mona mèran gentili.

Romainli 3:6

Tane ti on ya, maléba yé Ouone ma wal baï hi njou‐koukoulali ane dé?