Saint Marc 13:26 - Féké Testament 1947

²⁶ Da afal on, yé kli ma ko̱ Goune a njoukou mi yé guina an toul yiri mbame, jing loukou njèran da jonafèn.

Saint Marc 13:26 ပူးပေါင်းရင်းမြစ်များ

Apocalypse 1:7

Oui ko̱, kè gui an bil yiri mbame. Da yé none a njoukouli bon ma ko̱ nè, da kli on ko̱ toung nè jinguèl; da yé mèran njoukouli kadouk bon an koukoula ma lé léou baï toulè. Mahana ka on, Amen!

Saint Marc 14:62

Da Jésus mi sa: Mè mini. Da yé oui ma ko̱ Goune a njoukou mi yé kaouna mboro wonron ndo̱ko̱ njèran Ouone, da mi yé guina jing yiri mbame an nonkala.

Saint Matthieu 24:30

Da on, fèn to̱ko̱naké a Goune a njoukou ma tèn gui ka nonkala, da on mèran doukli bon an koukoula ma lé léou, da kli ma ko̱ Goune a njoukou mi yé guina an toul yiri mbame an nonkala, jing njèran da loukou jonafèn.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

Saint Matthieu 25:31

Da ko̱ Goune a njoukou mi gui jing jonafèn amè bon, da angeli bon jing nè, da on kè ma kaou kangala njaka bara a jonafèn amè.

Saint Marc 8:38

Baï ko̱ njoukouna ko̱ mi nding chonron baï touli da baï toul baïnjaka nili an wora mèrèn béké njou‐maïn aïnli, yé Goune a njoukou ma ndé nding chonron baï toulè kéng, ka name on ko̱ kème guè an bil jonafèn a Baba nè jing tangna fofoto angeli.

1 Thessalonicienli 4:16

Baï ko̱ yé Nanjou fènè ma diri gui ka nonkala, ka hidi fèn da bouka ka njaka archange da oul gaga mbo̱sso̱ a Ouone, da yé kli on ko̱ mi hou ka bila Christ ma tome houl ti dambèl.

Pinali a Njou‐Mboro‐Pinali 1:11

da sa hi kli: Oui njoukouli an guèl Galilée, baïfèn da ouime o ka zaili none baï ènrèn sé guè nonkala on lé? Jésus aïn ko̱ mi hé sé guè nonkala an woro baï, yé kè ma kaïn féré ba aféké mahana ka on ko̱ ouime ko̱ nè baï séna guè nonkala.

Saint Matthieu 16:17

Da Jésus mi féré sa, ka sa hi nè: Jangnandaï ba baï amo, Simon, goune a Jonas; baï ko̱ ti ba naïn‐mone da séme ya, ko̱ to̱ko̱ fèn on hi mo, da ba Baba ni, ko̱ kaou an nonkala.

Saint Matthieu 16:28

Babaï, mi mè sa hi oui, an wora kli on ko̱ mi o guèl aïn hanali ba houl tane tiya bo̱l tèn klime ko̱ Goune a njoukou mi yé guina an bilkaou nè.

Saint Marc 9:1

Da kème sa hi kli: Babaï, mi mè sa hi oui, an wora kli on ko̱ mi o guèl aïn, hanali ba houl tane tiya, ambèl ko̱ klime ko̱ guina bilkaou a Ouone jing njèran.

Saint Luc 21:27

Da on yé kli ma ko̱ Goune a njoukou mi yé guina an bil yiri mbame jing njèran tèn loukou jonafèn maïya.

2 Pierre 1:16

Baï ko̱ na tane ga sé fal bounabong tang baï ya, ko̱ na to̱ko̱ hi oui njèran da guina a Nanjou na Jésus‐Christ, da na ba njou‐ko̱na gangna nè ka dodok nona.