Saint Marc 12:6 - Féké Testament 1947

⁶ Mono on garakè mi pane mbéo bo̱l jing nè, ko̱ ba goune wonron nè pomboï mbéo on ko̱ kème sé hang‐è nyèta. Kème pi nè ka sèkèrèkè guè mone kli, ka sa ba: Yé kli ma dik goune ni.

Saint Marc 12:6 ပူးပေါင်းရင်းမြစ်များ

Saint Jean 1:34

Da mè ko̱ tou, da sa bongbaï ko̱ kè on ba Goune a Ouone.

Saint Matthieu 3:17

Da mono, bounaka mi ba gui ka nonkala, ka sa: Kè ba Goune ni, ko̱ mème sé hang‐è nyèta, ko̱ mi bi wélé touli ta.

Titili Takarata a Jean ko̱ dé 4:9

Da ka mboro on ko̱ sénahang a Ouone mi wéré nonkè bi kala hi na jinguèl, baï ko̱ Ouone mi pi pomboï Goune nè gui koukoula aïn, baï an name jing yana mbo̱lkè.

Hébreuli 1:6

Da aféké, ko̱ kème mboung boutaïn goune an koukoula aïn, kè sa: Dadaon an angeli a Ouone bon mi hiou nè!

Saint Jean 5:23

da baï an njoukouli bon mi dik Goune, mahana ko̱ klime dik Baba. Kè on ko̱ mi tane ga dik Goune ya, kè tane ga dik Baba ya kéng, ko̱ mi pi nè.

Saint Jean 3:35

Baba fènè mi sé hang a Goune on ta, da kème hi fènli bon bi ndo̱kè tou.

Saint Jean 1:49

Nathanaël mi sa hi nè: Rabbi, mo ba Goune a Ouone, mo ba nanjoukaou a Israël.

Saint Jean 1:18

Njoukouna mbéo tane ga ko̱ Ouone ya; pomboï Goune, ko̱ na hang a Baba, kè mini ko̱ to̱ko̱ nè hi na.

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Saint Luc 9:35

Da bounaka mi ba gui ka bil yiri mbame on, ka sa: Kè on ba Goune ni, ko̱ mème sé hang‐è nyèta: oui la nè!

Saint Luc 3:22

da Saint‐Esprit mi diri gui da kaou laou toulè bél monè mi na mahana ka nguédé. Da bounaka mi ba gui ka nonkala: Mo ba Goune ni ko̱ mème sé hang‐o̱ nyè ta; mo bi wélé touli ta.

Saint Marc 9:7

Da yiri mbame mi gui goukou kli da bounaka mi ba gui ka bil yiri mbame on, ka sa: Kè on ba Goune ni ko̱ mème sé hang‐è nyèta: oui la nè!

Saint Marc 1:11

Da bounaka mi ba gui ka nonkala: Mo ba Goune ni, ko̱ mème sé hang‐o̱ nyèta, mo bi wélé touli ta.

Saint Matthieu 26:63

Da Jésus mi kaou ka njakè. Da zaworo sacrificateur sa hi nè: Mè lou fèn ka ling a Ouone ko̱ yan, mo sa hi na, tokoré mome ba Christ, Goune a Ouone.

Saint Matthieu 17:5

Da ko̱ kème pane sana baï on, yiri mbame on mi gui ka goukou toul kli ko̱ mi cha ta. Da mono, bounaka mi ba gui ka bil yiri mbame on, ka sa: Kè on ba Goune ni ko̱ mème sé hang‐è nyèta, ko̱ mi bi wélé touli ta: oui la nè!

Saint Matthieu 11:27

Baba ni hi fènli bon bi ndo̱ko̱ ni tou, da njoukouna mbéo mi tane tou Goune ya bo̱l ba Baba fènè, maléba tane ga tou Baba ya bo̱l ba Goune fènè, da kè on ko̱ Goune fènè mi ji baï to̱ko̱na nè hi nè.

Saint Matthieu 1:23

Oui ko̱, tikila ko̱ mi mbabil tou, kè ma mboung ba goune wonron, Da yé kli bi ling‐è ba Emmanuel, on mi sa ba Ouone jing na.

Saint Marc 12:5

Da kè kaïn pi aféké an bo̱ko̱ saïkè, da klime i nè; da gara afékéli nyèta ko̱ kème pi kli, klime wan hanali ka i afékéli.

Saint Marc 12:7

Da njou‐ko̱ra wakali mi sa jing hana: Kè on ba njou‐yanapélé; oui gui, an name i nè, ka ya fèn pélé tèn ba ama.

Takarata Saïkè a Jean ko̱ dé 1:1

Tangchido mi dé takarata hi Gaïus ko̱ mè ji nè ta, ko̱ mè sé hang‐è ka babaï.