Saint Marc 10:14 - Féké Testament 1947

¹⁴ Da ko̱ Jésus mi ko̱ on, go̱rè mi sé nè, da kè sa hi kli: Oui yèng lélé goundi an klime gui moni, ka tane dèn kli bi ya; baï ko̱ bilkaou a Ouone ba baï akli on ko̱ mi mahana ka lélé goune aïnli.

Saint Marc 10:14 ပူးပေါင်းရင်းမြစ်များ

Saint Matthieu 19:14

Da Jésus mi sa: Oui yèng lélé goundi an klime gui moni, ka tane dèn kli bi ya; baï ko̱ bilkaou a nonkala ba baï akli on ko̱ mi mahana ka lélé goune aïnli.

Saint Matthieu 18:10

Mè wara oui, an ouime jèk hana mbéo an wora lélé goune aïnli ya; baï ko̱ mè sa hi oui, ange aklili an nonkala mi ènrèn nona Baba ni guèbassoko, ko̱ kaou an nonkala.

Saint Matthieu 18:4

Mono on, njoukouna ko̱ bou monè guè koukoula mahana ka lélé goune aïn, kè on ko̱ mi ta toula ba nèli an bilkaou a nonkala.

1 Titili Takarata a Pierre ko̱ dé 2:2

Mahana ka foï goundi ko̱ tèn, oui bi hang baï toul pame a Esprit on ko̱ mi na déléng, an ouime hon jing rou ka kan yana‐baï‐toul,

2 Tim 3:15

Da bo̱l tèn ko̱ mo mi pane ba joï goune, mo toutou tangna fofoto Takarata a Ouone, on ko̱ ma baï hina cho̱kna hi mo baï jingna yana‐baï‐toul ka mboro tounassaon on ko̱ mi na ka bila Christ‐Jésus.

Apocalypse 14:5

Da mi tane ga jing wo̱ko̱ mbéo an njaka kli ya, baï ko̱ kli kaou ka rongo.

2 Tim 1:5

Ko̱ laou ni mi déou toul tounassaon on ko̱ mi na an bilo̱ lodok, on ko̱ mi bi ka titilikè an bila za no Loïs, tèn an bila ma no Eunice da on mi kara mi ka babaï ko̱ mi ndé bi an bilo̱ kéng.

Éphésienli 4:26

Ko̱ hèrè mi mba oui, oui tane nding békéfèn ya, oui yèng an séssé mi tane ri kon toul hèrè an bil go̱ro̱ baï ya,

1 Corinthienli 14:20

Yindi, kèrafèn abaï mi tane tèn mahana ka a goundi ya, da jing joungna go̱ro̱ oui tèn mahana ka joï goune; da ka mboro kèrafèn oui ko̱ko̱ mahana ka njoukou.

1 Corinthienli 7:14

Baï wa on ko̱ mi tane ga la bilaou ya, an Ouone mi walè bi baï nè fènè, baï toula waïn nè, da waïn on ko̱ mi tane ga la bilaou ya Ouone mi walè bi baï nè fènè, baï toula wa nè; maléba tokoré mi tane ti on ya yé goune baïli ba dakame; da kassénaï kli ba tangna fofoto.

Romainli 11:28

Baï toul bèlabaï kli ba bakèlio̱ baï toul baï; da ka mboro on ko̱ Ouone mi sane kli, kème sé hang kli ta baï toula titili tangkoli.

Romainli 11:16

Da tokoré titili lénakèli mi na ba tangna fofoto, yé garakè bon ba tangna fofoto kéng; da tokoré saonkè mi yé ba tangna fofoto wana ndo̱ko̱kèli ba tangna fofoto kéng.

Pinali a Njou‐Mboro‐Pinali 3:25

Oui ba goundi a prophèteli da goundi a tangko baïli on, ko̱ Ouone mi hi bina gonjaka an none hana hi kli ka tang ambèl ko̱ kème sa hi Abraham: Mbo̱l mèrèn no yé mèran njoukouli bon an toula koukoula ma jing samnafèn.

Pinali a Njou‐Mboro‐Pinali 2:39

Baï bina gonjaka on ba baï toul baï, tèn goune baïli, da baï an njoukouli bon on ko̱ mi kaou dita, yé njoukouli bon on kéng ko̱ Nanjou Ouone na ma di kli.

Saint Marc 8:33

Da Jésus mi ki monè ka ko̱ njou‐séna bong nèli, ka ba baï hi Pierre, ka sa: Mo sé kaïn ni Satan, baï ko̱ kèrafèn no mi tane ti toul fènli a Ouone ya, da ba toula fènli a njoukouli.

Saint Marc 3:5

Da ko̱ Jésus mi ènrèn kli gui ki go̱rè mi sé nè maïya baï ko̱ go̱ro̱ kli mi na bang, da kème sa hi njoukou on: Mo ndara ndo̱ko̱. Da kème ndara ndo̱kè, da ndo̱kè mi haï tou.

Saint Matthieu 5:3

Jangnandaï mi ba baï a foïna njoukouli ka ba esprit, baï ko̱ yé bilkaou a nonkala ba akli!

Saint Matthieu 5:10

Jangnandaï mi ba baï akli ko̱ njoukouli mi to̱ko̱ssé hi kli baï toul ndingna guédék, baï ko̱ yé bilkaou a nonkala ba akli!

Saint Jean 3:3

Jésus mi féré sa, ka sa hi nè: Babaï, babaï, mi mè sa hi mo, tokoré njoukou ko̱ mi tane ga tèn ba fékékè ya, kè ba ko̱na bilkaou a Ouone tane tiya.

Saint Jean 3:5

Jésus mi féré sa: Babaï, babaï, mi mè sa hi mo, tokoré njoukou ko̱ mi tane ga tèn ka mbi da Esprit ya, kè ba rina an bilkaou a Ouone tane tiya.