Romainli 8:9 - Féké Testament 1947

⁹ Da abaï, oui tane ga ti an bil naïn‐mone ya, da an bil Esprit, tokoré Esprit a Ouone mi bi an bil baï. Da tokoré njoukouna mi tane ti ka Esprit a Christ ya, njoukou aïn mi tane ti ba amè ya.

Romainli 8:9 ပူးပေါင်းရင်းမြစ်များ

Galateli 4:6

Da baï ko̱ oui ba goundi, Ouone mi pi Esprit a Goune nè kon bil go̱ro̱ na bon tou, on ko̱ mi hidifèn guè siya: Abba! Baba!

1 Corinthienli 3:16

Oui tane ga tou ya, ko̱ oui ba temple a Ouone, da Esprit a Ouone mi bi an bil baï ya lé?

2 Tim 1:14

Bèla fèn on ko̱ mi hi bi ndo̱ko̱ baï pèngnakè, mo pèng bèlta ka mboro Saint‐Esprit on ko̱ mi bi an bila.

1 Corinthienli 6:19

Maléba oui tane ga tou ya ko̱ kli‐mone baï ba temple a Saint‐Esprit ko̱ mi na an bil baï, ko̱ ouime ya nè an mona Ouone, da mone baï mi tane ti ba abaï fèn baï ya lé?

Romainli 8:11

Da tokoré Esprit a kè on ko̱ mi tome Jésus an wora houli mi bi an bil baï, kè on ko̱ tome Jésus‐Christ an wora houli, yé kè ma ndé hi yana hi kli‐mone poumna abaï kéng, mbo̱l Esprit a kè on ko̱ mi bi an bil baï.

Saint Jean 14:17

Kè on ko̱ ba Esprit a babaï, ko̱ bilkaou koukoula aïn mi tane ga ma baï yana nè ya, baï ko̱ kème tane ga ko̱ nè ya, da tane ga tou nè ya. Da abaï, oui toutou nè, baï ko̱ kème bi jing oui, da kè ma bi an bil baï.

Éphésienli 1:13

Da an bilè ko̱ oui kéng afal ko̱ ouime ndé la baïnjaka babaï, bèlabaï a yana‐baï‐toul abaï, da ouime ndé la bilaou‐è kéng ko̱ mi baka oui bi jing fèn mbo̱la Saint‐Esprit a bina gonjaka,

Galateli 5:24

Da kli on ko̱ ba a Christ‐Jésus mi bara naïn‐mone kli bi di‐croix tou, jing nzala naïn‐mone akli tèn jinafèn aklili.

Éphésienli 2:22

da ka bilè mi ndé za oui kéng baï tèna voul kaouna a Ouone ka bila Esprit fènè.

Romainli 8:2

Baï ko̱ guingna Esprit a yana ka bila Christ‐Jésus mi sél mi an guingna békéfèn da houl.

Saint Jean 3:6

Kè ko̱ naïn‐mone mi mboung kè ba naïn‐mone, da kè ko̱ Esprit mi mboung kè ba esprit.

Philippienli 1:19

Baï ko̱ mème toutou ba fèn aïnli ma féré baï ni ba yana‐baï‐toul, mbo̱l sana jo̱jo̱ Ouone abaï da lénambèl a Esprit a Jésus‐Christ.

Titili Takarata a Jean ko̱ dé 4:13

Ka mboro on ko̱ name toutou ba name bi an bilè, da kème bi an bila, baï ko̱ kème hi Esprit nè hi na tou.

Saint Luc 11:13

Da on, tokoré ouime ko̱ ba békékè mi toutou baï hina bèla toul ndo̱ko̱ hi goune abaïli, yé Baba abaï an nonkala ma ji bo̱ko̱kè nyèta baï hina Saint‐Esprit hi kli on ko̱ mi oui nè ya lé?

Titili Takarata a Jean ko̱ dé 4:4

Lélé goune nili, oui ba a Ouone, da ouime gnèrèn kli jing njèran tou, baï ko̱ kè on ko̱ kaou an bil baï, kème ta kè on ko̱ mi kaou an koukoula aïn.

1 Corinthienli 15:23

Da njoukouli mane mbéo mbéo bon ka sarang amè fènè Christ ba titili lénakè, da afal kli on ko̱ ba a Christ ka name guina amè.

Titili Takarata a Jean ko̱ dé 3:24

Njoukou on ko̱ pèng bina baïnjaka guingna nèli mi bi an bilè da kème bi an bila njoukou on. Da name toutou ko̱ kème bi an bila, ka mboro Esprit on ko̱ kème hi na tou.

2 Corinthienli 6:16

Da temple a Ouone ma gui mbéo jing fèn ndamli ane dé? Baï ko̱ na ba temple a Ouone yana, mahana ko̱ Ouone mi sa: Yé mè ma bi an bil kli, da mè ma sèrè an bil kli, da yé mè ma tèn ba Ouone akli, da kli ma tèn ba njoukou nili.

Saint Jean 3:34

baï kè ko̱ Ouone mi pi nè, kè sa baïnjaka Ouone, baï ko̱ Ouone mi tane ga lé Esprit hi nè ya.

1 Titili Takarata a Pierre ko̱ dé 1:11

Da kli koro ka nza baï aïn ba fèn, maléba namkèli ba fèn ko̱ Esprit a Christ on ko̱ na bil kli mi to̱ko̱ baï on, ko̱ kè sa bongkè ka kome jinguèl toul to̱ko̱nassé a Christ, da jonafèn ko̱ ma tèn afal.

Apocalypse 20:15

Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

2 Corinthienli 10:7

Oui ènrèn fèn on ko̱ mi na an none baï. Tokoré njoukouna mi kèrè ka laou‐è ba kè ba a Christ, dadaon an kème kèrè fal baï on ba aféké ka laou‐è fènè, baï mahana ko̱ kè ba a Christ na ba a Christ kéng.

Saint Jean 14:23

Jésus mi féré sa, ka sa hi nè: Tokoré njoukouna mi sé hang ni, yé kè ma pèng bong baïnjaka ni, da Baba ma sé hang‐è, da na ma guè monè, ka bi jing nè.

Pinali a Njou‐Mboro‐Pinali 16:7

Da ko̱ klime gui hèdi bèl pou an guèl Mysie, kli ré baï séna guè guèl Bithynie; da Esprit a Jésus mi dèn kli.

Romainli 7:5

Baï tokoré ko̱ name pane jing naïn mone jinguèl, nzala békéfèn, on ko̱ mi gui ka mboro guingna, mi joukourou an bil fèn monali baï léna lénakè ko̱ hi houl.

Romainli 8:1

Mono on, kassénaï barabaï ba léna toula kli on ko̱ mi na an bila Jésus‐Christ tane tiya.

1 Corinthienli 6:17

Da kè on ko̱ mi ba mbo̱lo̱ jing Nanjou ba mbéo jing nè ka esprit.

Éphésienli 3:17

Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.