Romainli 8:3 - Féké Testament 1947

³ Baï fèn on ko̱ guingna mi tane ga ma baï ndingnakè ya, baï ko̱ njèran nè ka mboro naïn‐mone mi tane ga tiya, Ouone mi kon barabaï toul békéfèn an bil naïn‐mone, ko̱ kè pi dodok Goune nè ka tétéme naïn‐mone békéfèn, da baï toul békéfèn.

Romainli 8:3 ပူးပေါင်းရင်းမြစ်များ

Pinali a Njou‐Mboro‐Pinali 13:39

Ka mbora njoukou aïn njoukouli mbéo mbéo bon on ko̱ la bilaou mi gui guédék baï toul fènli bon on, ko̱ ouime tane ga ma baï guina guédék jinguèl ka mboro guingna Moïse ya.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Hébreuli 10:14

Baï kè ka mboro sacrifice mbéo, kè mosso kli gui guédék kambèlè, kli on ko̱ kè wal kli bi baï nè fènè.

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Romainli 6:6

Baï ko̱ yé name toutou baï aïn, ko̱ mi bara tang njoukou na an di‐croix jing nè tou, mono on, njèran kli‐mone a békéfèn mi limna guèfal, da mono an name pane kaouna koï békéfèn ba aféké tane tiya.

Galateli 3:21

Mono on guingna mi pong bina gonjaka a Ouone dé? Tane ti on ya. Da tokoré Ouone mi koung guingna on ko̱ ma baï hina yana, mono on, ka babaï njoukouli ti gui guédék jinguèl ka mboro guingna tou.

Romainli 8:32

Kè on ko̱ mi tane ga dèn dodok Goune nè ya, ka hi nè baï toula bon, yé kè ma hi fènli bon bo̱on hi na guèbambèl mahana jing nè kéng ya lé?

Romainli 3:20

Baï ko̱ ka mboro pina guingna tane ma baï ndingna naïn‐mone hana mbéo gui guédék an nonè ya, baï ka mboro guingna mi ko̱ none békéfèn wéré bi kala.

Hébreuli 2:14

Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

Philippienli 2:7

Da kème yèng jonafèn nè fènè bou, ka ya mone koï da tèn mahana ka kli‐mona njoukouli.

Hébreuli 10:12

Da Jésus afal ko̱ kè hi sacrifice bo̱ko̱ mbéo baï békéfènli kambèlè, kè kaou an mboro wonron ndoka Ouone kambèlè.

Hébreuli 4:15

Baï ko̱ na tane ti ka zaworo sacrificateur ya, on ko̱ mi tane ma baï ndingna haïo hi na ya; an guèl on ko̱ name kaou hèfèrè, da mi lé nè jing fènli bon mahana ka na, da kè tane ga nding békéfèn ya.

Hébreuli 2:17

Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.

Romainli 9:3

Da mè feni mi ma baï sana jo̱jo̱ jinguèl baï guina ba fèn poukouna, ka wal jing Christ baï toula yine nili, mèrèn nili ka naïn‐mone,

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Saint Jean 9:24

Da pharisienli mi di tang njou‐foukoura none on jinguèl, bo̱ko̱ séré, ka sa hi nè: Mo jone ba Ouone; na toutou njoukou aïn ba njou‐békéfèn.

Saint Marc 15:27

Da klime ndé bara njou‐riya séré jing nè kéng: aïn mbéo an mboro wonron ndo̱kè da kènkè an mboro waïn ndo̱kè.

Romainli 7:18

Baï ko̱ mème toutou bèlafèn hana mbéo mi tane ga ti an bili ya, on mi sa an bil naïn‐moni, mè ji bo̱ko̱kè, da ba baï ndingna bèlafèn mi tane ga ti jing mi ya.