Romainli 8:2 - Féké Testament 1947

² Baï ko̱ guingna Esprit a yana ka bila Christ‐Jésus mi sél mi an guingna békéfèn da houl.

Romainli 8:2 ပူးပေါင်းရင်းမြစ်များ

Romainli 6:14

Baï ko̱ békéfèn mi tane ma baï name gangna bi toul baï ya, baï ko̱ oui tane ga kaou bo̱ko̱ guingna ya, da oui kaou ba bo̱ko̱ ndingna mbo̱l.

2 Corinthienli 3:17

Da Nanjou ba Esprit fènè, da guèl on ko̱ Esprit a Nanjou mi na rou séna ka laou mana.

Romainli 6:18

Da afal ko̱ mi sél oui an bil békéfèn tou, oui tèn ba koïli a ndingna guédék.

2 Corinthienli 3:6

Kè on ko̱ mi ndé nding na mabongkè baï tèna njou‐bakarali a féké bina gonjaka an none hana kéng, tane ti ka ba mboro fèn déna ya, da ba a esprit fènè; baï ko̱ fèn déna on mi i, da esprit fènè mi ko̱ hi yana.

1 Corinthienli 15:45

Mahana ko̱ mi ndé dé kèng: Adam ba titili njoukou mi tèn ba laou yana. Da Adam a sèkèrèkè mi tèn ba esprit hina yana.

Saint Jean 8:36

Mono on, tokoré Goune fènè mi sél oui, oui ba kaouna koï ba aféké tane tiya.

Saint Jean 8:32

da oui ma tou babaï, da babaï ma sél oui.

Romainli 7:4

Mono baï on yine nili mi ndé hi oui baï houl jing guingna ka bil kli‐mona Christ, baï an ouime ma baï bo̱la jing njoukou aféké, tongna njoukou on ko̱ mi tome nè an wora houli, an name ma baï léna lénakè hi Ouone.

Romainli 6:22

Da kassénaï baï ko̱ mi sél oui an bil békéfèn tou, da ouime tèn ba koï a Ouone, léna abaï ba baï wala mone baï bi baï a Ouone da sèkèrèkè ba yana kambèlè.

Saint Jean 6:63

Kè ba esprit ho̱kè on mi ko̱ hi yana; ka naïn‐mone tane ga nding fèna mbéo ya. Da baïnjaka ni on ko̱ mème sa hi oui tou ba esprit da yana.

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Saint Jean 4:10

Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo.

Galateli 5:1

Christ mi sél sal guèfal a sola tou, baï séna ka laou na. Mono on oui kaou bouta jing séna ka laou on, oui yèng an hola mi ki wili oui ba aféké mahana ka koï ya.

Galateli 2:19

baï ko̱ ka mboro guingna mè hou jing guingna tou, an mème yan baï an Ouone.

Romainli 5:21

Da mahana ko̱ békéfèn mi na gangna an bil houl, mono on, yé ndingna mbo̱l ma baï ndé name gangna ka mboro ndingna guédék, ko̱ hi yana kambèlè, ka mbora Jésus‐Christ Nanjou na.

Romainli 7:21

Mono, mè jing guingna on: ko̱ mè fèni mi ji baï ndingna fèn bèlta, da békéfèn mi gna bi jing mi.

Apocalypse 22:1

Da kè to̱ko̱ hi mi loukou mbi yana, ko̱ o̱ mahana ka jo̱kanya ko̱ tèn an kangala njaka bara a Ouone da a Goune badoua on,

Romainli 3:27

Mono on jona mone an hane ndé? mi den tou. Ka mboro guingna ba fèn lé? Jing guingna ndingna pina lé? Haï, da jing ba guingna a tounassaon.

Apocalypse 11:11

Da afal name saï ka hanguèlkè tou, esprit yana ko̱ gui ka Ouone mba bil kli, da kli ourou siya ka bo̱ko̱ kli, da loukou waou i kli on ko̱ ko̱ kli.

Romainli 7:23

da mème ko̱ kène guingna ka toul an bil fèn monili, on ko̱ mi rou béré kira guingna laou ni, da bou mi ba koï guingna békéfèn on ko̱ na an bil fèn monili.

Romainli 8:1

Mono on, kassénaï barabaï ba léna toula kli on ko̱ mi na an bila Jésus‐Christ tane tiya.

Romainli 16:3

Oui name Prisca da Aquilas, ndo̱ko̱ba ndingna bakara nili ka bila Christ‐Jésus,

Galateli 6:2

Oui hol hola a njoukou afékéli jing hana, da mahana on oui bou fal guèl njaka guingna a Christ bon tou.

TAKARATA A JACQUES KO̱ DÉ 1:25

Da njoukou on ko̱ mi ènrèn guè bil guingna guédék, guingna séna ka laou, da laïbi ka mborokè, kè tane ti ba njoukou ko̱ la baï bo̱on ka yangnaran ya, da ba njoukou on ko̱ nding fèn, yé njoukou on ma jing jangnandaï ka mboro ndingna fèn nè.