Romainli 8:16 - Féké Testament 1947

¹⁶ Esprit fènè mi sa bongbaï jing esprit na ko̱ na ba goundi a Ouone.

Romainli 8:16 ပူးပေါင်းရင်းမြစ်များ

Titili Takarata a Jean ko̱ dé 4:13

Ka mboro on ko̱ name toutou ba name bi an bilè, da kème bi an bila, baï ko̱ kème hi Esprit nè hi na tou.

2 Corinthienli 1:22

Kè on ko̱ mi ndé ba na bi jing fèn mbo̱la nè kéng ka baka na bi jing Saint‐Esprit an bil go̱ro̱ na.

2 Corinthienli 5:5

Da kè on ko̱ mi mosso na baï toul fèn on ba Ouone, kè on ko̱ mi baka na bi jing Esprit fènè.

Éphésienli 1:13

Da an bilè ko̱ oui kéng afal ko̱ ouime ndé la baïnjaka babaï, bèlabaï a yana‐baï‐toul abaï, da ouime ndé la bilaou‐è kéng ko̱ mi baka oui bi jing fèn mbo̱la Saint‐Esprit a bina gonjaka,

Romainli 8:26

Mono, ndé on kéng, Esprit fènè mi ndé lé mbèla, an guèl on ko̱ name kaou hèfèrè, baï ko̱ name tane ga tou fèn bèlta baï hiouna Ouone ka mborokè ya. Da Esprit fènè mi ko̱ hiou Ouone kon toula, ka léna hang‐è on ko̱ njoukou mi tane ma baï sanakè ya.

Éphésienli 4:30

Oui tane ho̱ko̱ laou a Saint‐Esprit a Ouone ya, da ko̱ ka bila kè on ko̱ mi baka oui bi jing fèn mbo̱la bo̱l tèn name chonakè.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

Romainli 8:23

Da tane ti ba on ka ho̱kè ya; da na fèna kéng ko̱ jing titili léna a Esprit, na fèna mi ndé lé hang na jing esprit na kéng, ka voro baï fèra tèn dodok goune, on ko̱ ba cho̱kna kli‐mona.

Titili Takarata a Jean ko̱ dé 5:10

Kè ko̱ mi la bilaou a Goune a Ouone kème jing bongbaï an bilè fènè; kè ko̱ mi tane ga la bilaou a Ouone ya, kème nding Ouone tèn njou‐bana wo̱ko̱, baï ko̱ kème tane ga la bilaou bongbaï on ko̱ Ouone mi sa toula Goune nè ya.

Saint Matthieu 5:9

Jangnandaï mi ba baï akli ko̱ hara njoukouli, baï ko̱ yé kli ma di kli ba goundi a Ouone!

Saint Luc 20:36

Baï kli ma hou ba aféké ya, baï ko̱ kli mahana ka ba angeli, da kli ba goundi a Ouone, ko̱ ba goundi a tomnahoulkèli.

Saint Jean 1:12

Da njoukouli on bon ko̱ mi ya nè ba akli tou, kè hi njèran hi kli baï guina goundi a Ouone, kli on ko̱ mi la bilaou ling‐è,

Pinali a Njou‐Mboro‐Pinali 5:32

Da na ba njou‐sana bongbaïli toul baï aïnli, tèn Saint‐Esprit kéng, kè on ko̱ Ouone mi hi kli on ko̱ mi la nè.

Romainli 8:14

Baï kli on bon ko̱ Esprit a Ouone mi miri kli, kli on ba goundi a Ouone.

Romainli 8:19

Baï ko̱ bina hang a fèn mossona mi voro maïya name bina nona goundi a Ouone kala.

Romainli 9:8

On mi sa kli on ko̱ ba goundi ka naïn‐mone kli, tane ti ba goundi a Ouone ya, da mi ko̱ goundi a bina gonjaka ba mèrèn nè.

Romainli 9:26

An guèl on ko̱ mi sa hi kli jinguèl a Ouone ko̱ yan.

2 Corinthienli 6:18

Da mè ma tèn ba Baba abaï, Da yé oui ma tèn ba goune wonron nili tèn goune waïn nili, Nanjou Njèran‐honta‐bon mi ko̱ sa.

Galateli 3:26

Baï ko̱ oui bon ba goundi a Ouone ka mboro tounassaon ka bila Christ‐Jésus.

Galateli 4:6

Da baï ko̱ oui ba goundi, Ouone mi pi Esprit a Goune nè kon bil go̱ro̱ na bon tou, on ko̱ mi hidifèn guè siya: Abba! Baba!

Titili Takarata a Jean ko̱ dé 3:1

Oui ko̱ sénahang on ko̱ Baba fènè mi hi na, baï an kème di na ba goundi a Ouone! Da na mono. Baï on ko̱ njou‐koukoulali mi tane ga tou na ya, ba baï ko̱ klime tane tou nè jinguèl ya.

Titili Takarata a Jean ko̱ dé 3:2

Oui ko̱ mème sé hang baï ta, kassénaï na ba goundi a Ouone. Da mi tane ga wéré nonkè bi kala hi na kong ba na ma tèn ane dé ya. Da name toutou on ko̱ kème gui, yé na ma tèn mabahana ka kè, baï ko̱ yé na ma ko̱ nè mahana ka on ko̱ kè makaou.

Titili Takarata a Jean ko̱ dé 3:10

Ka mboro on ko̱ kli ma toutou goundi a Ouone tèn goundi a zabolo. Njoukou on ko̱ mi tane pane jing ndingna guédék ya, kè tane ti ba a Ouone ya, maléba njoukou ko̱ mi tane ga sé hang a yine nè ya.

Apocalypse 21:7

Kè ko̱ mi gnèrèn baï njéna, yé kè ya pélé pouli bon, da mè ma tèn ba Ouone nè, da kè ma tèn ba goune ni.