Romainli 8:1 - Féké Testament 1947

¹ Mono on, kassénaï barabaï ba léna toula kli on ko̱ mi na an bila Jésus‐Christ tane tiya.

Romainli 8:1 ပူးပေါင်းရင်းမြစ်များ

2 Corinthienli 5:17

Da tokoré njoukouna mi kaou an bila Christ, kè ba féké njoukou. Tang fènli mi ta tou; mono on fènli bon mi tèn ba fékékè tou.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

Romainli 5:1

Mono on, ko̱ Ouone mi nding na gui guédék tou ka mboro tounassaon, na jing go̱ro̱ iki jing Ouone ka mbora Nanjou Jésus‐Christ,

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

Saint Jean 15:4

Oui bi an bili da mè bi an bil baï. Mahana ka wanando̱ko̱ di ko̱ tane ga ma baï léna lénakè ya, wara ko̱ kème sou mbo̱lo̱ bi di‐kiwila ya, mono mahana ka oui, tokoré ouime tane ga bi an bili ya, oui tane ga ma baï léna lénakè ya.

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

Romainli 8:14

Baï kli on bon ko̱ Esprit a Ouone mi miri kli, kli on ba goundi a Ouone.

1 Corinthienli 15:22

Da mahana ko̱ njoukouli bon mi hou ka bila Adam, mono mahana ka on kéng ka bila Christ, yé kli bon ma jing yana.

Galateli 5:16

Da mè sa mono: Oui sé ka mbora Esprit, da yé oui tane ma baï bouna fal nzala naïn‐mone ya.

Romainli 8:4

Mono on, an do baïnjaka guingna mi bi nonkè kala an bila on, ko̱ mi tane ga sé fal naïn‐mone ya, da sé ba fala Esprit.

Romainli 8:39

Maléba gangnafèn guè siya, maléba dinafèn guè tiya, maléba fèn mossona afékéli ka toul mi tane ma baï wala na jing sénahang a Ouone ya, on ko̱ mi na ka bila Christ‐Jésus, Nanjou na.

Galateli 5:25

Tokoré name yan ka mboro Esprit, dadaon name ndé sé ka mboro Esprit kéng.

Galateli 3:28

Da ka bilè, Juif maléba Grec tane tiya, koï maléba goune gangna tane tiya, wonron njoukou maléba waïn tane tiya, baï ko̱ oui bon ba njoukou mbéo bo̱l ka bila Christ‐Jésus.

Saint Jean 14:20

Ka séssé o̱kèo̱, yé oui ma toutou ko̱ mè makaou an bila Baba ni da oui an bili, da mè an bil baï.

Romainli 7:20

Da tokoré ko̱ mème nding fèn on ko̱ mème ji baï ndingnakè ya, tane ga ti ba mè fèni ba aféké mi ko̱ nding on ya, da ba békéfèn on ko̱ mi na an bili.

Romainli 7:17

Da mono kassénaï tane ti ba mè fèni ba aféké mi ko̱ nding on ya, da ba békéfèn on ko̱ mi na an bili.

2 Corinthienli 12:2

Mè toutou njoukou mbéo ka bila Christ jinguèl mane saka bo‐toulè‐séré, mahana ka kli‐mone mè tane ga tou ya, maléba tokoré mi tèn an bil kli‐mone, mè tane ga tou ya, Ouone mi ko̱ toutou mi bi njoukou on bo̱l tèn nonkala an saïkè.

Romainli 16:7

Oui name Andronicus da Junias, yine nili, da njou‐ndo̱ko̱ba voul jo̱bo̱ nili, kli on ko̱ ba loukou njoukouli an wora njou‐mboro‐pinali, da kli on ko̱ na an bila Christ ti dambèl hi mi.

Romainli 16:3

Oui name Prisca da Aquilas, ndo̱ko̱ba ndingna bakara nili ka bila Christ‐Jésus,

Romainli 5:16

Da tane ti ba ka mbora njoukou on mbéo ko̱ nding békéfèn, mi ko̱ toul ndo̱ko̱ aïn mi na ya; baï toul békéfèn mbéo bo̱l mi ko̱ walabaï gui ka hi barabaï, da toul ndo̱ko̱ ka bavè on mi gui nding njoukouli gui guédék an bil séla guingna nyèta.

Romainli 8:2

Baï ko̱ guingna Esprit a yana ka bila Christ‐Jésus mi sél mi an guingna békéfèn da houl.

Romainli 8:9

Da abaï, oui tane ga ti an bil naïn‐mone ya, da an bil Esprit, tokoré Esprit a Ouone mi bi an bil baï. Da tokoré njoukouna mi tane ti ka Esprit a Christ ya, njoukou aïn mi tane ti ba amè ya.

Romainli 8:11

Da tokoré Esprit a kè on ko̱ mi tome Jésus an wora houli mi bi an bil baï, kè on ko̱ tome Jésus‐Christ an wora houli, yé kè ma ndé hi yana hi kli‐mone poumna abaï kéng, mbo̱l Esprit a kè on ko̱ mi bi an bil baï.

Galateli 3:26

Baï ko̱ oui bon ba goundi a Ouone ka mboro tounassaon ka bila Christ‐Jésus.

Éphésienli 1:1

Paul, njou‐mboro‐pina a Christ‐Jésus ka mboro kaouna mara fal toula Ouone, mi pi takarata aïn hi njou‐lana‐bilaouli on ko̱ mi kaou an pou Éphèse, da kli on ko̱ mi kaou lodok ka bila Jésus‐Christ.