Romainli 7:4 - Féké Testament 1947

⁴ Mono baï on yine nili mi ndé hi oui baï houl jing guingna ka bil kli‐mona Christ, baï an ouime ma baï bo̱la jing njoukou aféké, tongna njoukou on ko̱ mi tome nè an wora houli, an name ma baï léna lénakè hi Ouone.

Romainli 7:4 ပူးပေါင်းရင်းမြစ်များ

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Romainli 8:2

Baï ko̱ guingna Esprit a yana ka bila Christ‐Jésus mi sél mi an guingna békéfèn da houl.

Éphésienli 2:15

Baï ko̱ kème moungnourou baï ènran none hana jèkèdè jing naïn‐monè, guingna a bina baïnjaka guingna on ko̱ ba njèran baï, an kème ma baï ndingna kli séré tèn ba féké njoukou mbéo bo̱l ka bilè fènè, mono on, an kème nding go̱ro̱ iki gui.

Romainli 7:6

Da kassénaï ko̱ mi sél na an guingna, ko̱ name hou jing fèn on ko̱ dèn na jinguèl, da mono on, an name kaou koï ka mboro féké laou, da tane ti ka ba mboro tang fèn déna ya.

Galateli 5:18

Da tokoré Esprit mi miri oui, oui tane ti an bo̱ko̱ guingna ya.

Colossienli 1:22

da kassénaï Christ mi nding da oui mi kon ndo̱ko̱ fal hana jing nè, ka kli‐mone a naïn‐monè ka mboro houl, baï an kème ya oui guè monè tang fofoto, tane bila da ka rongo.

Romainli 6:22

Da kassénaï baï ko̱ mi sél oui an bil békéfèn tou, da ouime tèn ba koï a Ouone, léna abaï ba baï wala mone baï bi baï a Ouone da sèkèrèkè ba yana kambèlè.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

Romainli 6:14

Baï ko̱ békéfèn mi tane ma baï name gangna bi toul baï ya, baï ko̱ oui tane ga kaou bo̱ko̱ guingna ya, da oui kaou ba bo̱ko̱ ndingna mbo̱l.

Colossienli 2:14

Da kème taka takarata dofènli ko̱ mi sa kon toula, da ko̱ pong na guèfal tou, da kème sél on guèfal an mboro na, da kè bara ka pandé bi toul di‐croix.

Colossienli 1:10

baï séna ka mboro on ko̱ ma an nona Nanjou, ko̱ mi bi wélé toulè jing fènli bon, da oui lé lénakè jing bèla pina bon, da taïnkon ka mboro touna Ouone.

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Apocalypse 19:7

Yèng an name jangndaï da kaou ka sakanafèn nyèta, an name hi jonafèn hi nè; baï ko̱ name bina waïn voulou a Goune badoua tèn tou, da waïn nè mosso monè tou.

Romainli 6:2

Tane ti on ya: Na on ko̱ mi hou jing békéfèn tou, yé na ma pane bo̱ko̱ békéfèn ba aféké ane ndé?

Colossienli 2:20

Tokoré oui mi hou jinguèl jing Christ jing titili fènli an koukoula aïn tou, baïfèn da oui mi kaou mahana ko̱ oui mi pane an koukoula, baï tèna koï a dofènli on lé?

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Philippienli 4:17

Tane ga ti ba ko̱ mème nza toul ndo̱ko̱ ya, da mème nza lénakè on ko̱ ma taïn nguèra abaï kon.

Saint Jean 3:29

Kè ko̱ ya waïn nè tou, kè ba wa waïn; da bako̱la nè mi o baï lana baï nè, jangndaï nyèta baï lana mbo̱ko̱ baï a wa waïn on; mono, jangnandaï ni on mi mba.

Saint Matthieu 26:26

Da ko̱ klime pane sona laka, Jésus mi bi mapa; ka same, ka haou nè, da kè hi njou‐séna bongli, da sa: Oui ya, ka son, aïn ba kli‐moni.

Apocalypse 21:9

Da hana mbéo an zéng angeli difala‐séré on ko̱ mi yé jing dina tassi difala‐séré on ko̱ mba jing sèkèrèkè fèn békékèli difala‐séré, kè gui da sa hi mi, ka sa: Mo gui guèl aïn, mè ma to̱ko̱ hi mo waïn on, wain a Goune badoua.

Hébreuli 10:10

Ka mboro kaouna mara fal toulè kè sane na bi kala baï nè fènè, mbo̱l sacrifice a kli‐mona Jésus‐Christ, bo̱ko̱ mbéo baï kambèlè.

2 Corinthienli 11:2

Baï ko̱ noni mi sènta jing sèna nona Ouone baï toul baï, baï ko̱ mème baka oui bi tou hi ba wa mbéo bo̱l, mono on, an mème hi oui hi Christ mahana ka tikila ko̱ tang ta.

1 Corinthienli 10:16

Kopo samnafèn on ko̱ name same, on ba vona jing go̱ro̱ mbéo ka séme a Christ ya lé? Mapa on ko̱ name haou, on ba vona jing go̱ro̱ mbéo ka kli‐mona Christ ya lé?

Saint Jean 15:8

Ka mboro aïn mi ko̱ Baba ni mi ya jonafèn, tokoré ouime lé lénakè nyèta, mono yé oui ba njou‐séna bong nili.

Saint Jean 6:51

Mè ba mapa yana, on ko̱ mi diri gui tiya ka nonkala tou. Tokoré njoukouna mi son mapa aïn, kè ma yan kambèlè; da mapa aïn ko̱ mè ma hi, on ba naïn‐moni, baï hina yana hi njou‐koukoulali.

Saint Marc 4:20

Da aïnli ko̱ mi mèn kon bèla koukoula, ba kli on ko̱ mi la baïnjaka, ka ya an go̱ro̱, da lé lénakè hanali bongkè‐saï, da afékéli bongkè‐difala‐mbéo, da hanali té.

Romainli 6:11

Mono on, oui ndé ko̱ mone baï fèn baï, ko̱ mi hou jing békéfèn kéng, da oui fèn baï mi yan ba baï a Ouone ka bila Christ‐Jésus.

Romainli 7:3

Mono, tokoré wa nè mi pane ka none, da kème sé ka é wonron aféké, yé kli ma bi ling‐è ba waïn‐maïn; da tokoré wa nè mi hou, guingna on mi sél an toulè tou, da tokoré kème é wonron aféké, kè tane ti ba waïn‐maïn ya.