Romainli 5:1 - Féké Testament 1947

¹ Mono on, ko̱ Ouone mi nding na gui guédék tou ka mboro tounassaon, na jing go̱ro̱ iki jing Ouone ka mbora Nanjou Jésus‐Christ,

Romainli 5:1 ပူးပေါင်းရင်းမြစ်များ

Romainli 15:13

Da kassénaï Ouone oliya on mi kon oui ka mba ka jangnandaï bon tèn go̱ro̱ iki ka mboro tounassaon, baï an ouime oli guèbambèl ka njèran a Saint‐Esprit!

Saint Jean 16:33

Mè sa fèn aïnli hi oui, baï an ouime jing go̱ro̱ iki an bili. Oui ma to̱ko̱ssé nyèta an bilkaou koukoula aïn, da oui kaou ka go̱ro̱ iki, baï ko̱ mème gnèrèn bilkaou koukoula aïn tou.

Colossienli 1:20

Da mbo̱l kè, kème ji an fènli bon mi kon ndo̱ko̱ fal hana jing nè, baï ko̱ kème hi go̱ro̱ iki tou, ka mboro séme an toul di‐croix nè, da ka mboro amè, tongna fènli an koukoula maléba fènli an nonkalali.

Romainli 6:23

Baï ko̱ cho̱ko̱kè a békéfèn ba houl; da toul ndo̱ko̱ ka bavè a Ouone ba yana kambèlè ka bila Christ‐Jésus, Nanjou na.

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

2 Thessalonicienli 3:16

Da an Nanjou a go̱ro̱ iki fènè mi hi go̱ro̱ iki hi oui guèbassoko ka mboro bon! An Nanjou mi na jing oui bon!

Saint Jean 14:27

Mè yèng go̱ro̱ iki hi oui, da mè hi go̱ro̱ iki hi oui. Mè tane ga hi oui mahana ko̱ bilkaou koukoula mi hi ya. Laou baï mi hou mbi ya, da laou baï mi tane sé siya ya.

Romainli 4:5

da kè on ko̱ mi tane nding pina ya, da kè la bilaou a kè on ko mi nding njou‐pongna Ouone gui guédék, mi kèn tounassaon amè kon toulè, mahana ko̱ kè ba guédék.

Colossienli 3:15

An go̱ro̱ iki a Christ mi na gangna an bil go̱ro̱ baï, baï fèn on ko̱ Ouone mi di oui baï guina kli‐mone mbéo. Da oui kaou koukoula hi nè.

Romainli 15:33

An Ouone a go̱ro̱ iki mi kaou jing oui bon! Amen!

Pinali a Njou‐Mboro‐Pinali 10:36

Baïnjaka on ko̱ kème pi hi goundi a Israël baï sana mboura bèlabaï a ikina go̱ro̱ ka mbora Jésus‐Christ, kè on ko̱ ba Nanjou a njoukouli bon.

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

1 Thessalonicienli 5:23

Da an Ouone a go̱ro̱ iki mi wal oui bi guédék baï nè fènè. Da mè hiou Ouone an kème pèng esprit da laou tèn kli‐mone baï bon, an ouime kaou ka rongo mahana ka on an name guina Nanjou na Jésus‐Christ!

Romainli 5:18

Da mono ka mboro séla guingna mbéo bo̱l, barabaï mi yaïli kon toula njoukouli bon, mono ndé on kéng, ka mboro ndingna guédék mbéo bo̱l, toul ndo̱ko̱ ka bavè mi gui mane njoukouli bon, ka nding kli gui guédék on ko̱ mi hi yana.

Saint Luc 19:42

ka sa: Tokoré mome toutou on kéng kassénaï ba name amo, yé fènli ko̱ ma hi longna pou hi mo! Da kassénaï kli moumou an nono tou.

Romainli 1:7

Mème pi takarata aïn hi kli on bon ko̱ bi an pou Rome, kli on ko̱ Ouone mi sé hang kli ta, da di kli ba njou‐lana‐bilaouli: An Ouone Baba na da Nanjou Jésus‐Christ mi hi ndingna mbo̱l da go̱ro̱ iki hi oui!

Saint Luc 19:38

ka sa: Same nanjoukaou ko̱ mi gui ka ling a Nanjou: Longna pou ba nonkala da jonafèn an nonkala an sèkèrè guèl ndèk.

Galateli 2:16

da name toutou ko̱ njoukou mi gui guédék tane ti ka ba mboro ndingna pina guingna ya, da ka ba mboro tounassaon a Jésus‐Christ, mono on na fèna mi la Christ‐Jésus bi laou na tou, an name gui guédék ka mboro tounassaon a Christ, da tane ti ka ba mboro ndingna pina guingna ya, baï ko̱ ka mboro ndingna pina guingna yé naïn‐mone hana mbéo ba guina guédék tane tiya.

Saint Jean 20:31

Da fèn aïnli mi dé an bil takarata tou, baï an ouime la bilaou ko̱ Jésus ba Christ ka babaï, Goune a Ouone; da ko̱ ouime la on bi laou baï, oui ma jing yana ka ling‐è.

Romainli 10:10

Baï njoukou on ko̱ mi tou saon ka laou‐è mi kan guédék, da ka sana bi kala ka njaka mi ko̱ njoukou jing yana‐baï‐toul. Baï ko̱ Takarata a Ouone mi sa:

Romainli 3:30

da yé kè ma nding njou‐ina gassali gui guédék ka mboro tounassaon, da njou‐ina gassali ya ka mboro mbo̱l tounassaon.

Romainli 1:17

Baï ko̱, an bil baï on, mi to̱ko̱ guédék a Ouone bi kala mbo̱l tounassaon mi kan tounassaon, mahana ko̱ mi dé: Da yé njou‐guédék ma yan mbo̱l tounassaon.

Hébreuli 13:20

Da Ouone a go̱ro̱ iki, kè on ko̱ tome loukou njou‐ko̱ra badouali, ko̱ ba Nanjou na Jésus, an wora houli ka mboro séme a bina gonjaka an none hana kambèlè,

Éphésienli 2:7

Baï an kème to̱ko̱ kakaïya nguèra ndingna mbo̱l nè ka sakali on ko̱ mi nding baï guina ka mboro pana bilè jing na ka bila Christ‐Jésus.

Galateli 3:25

Da kassénaï ko̱ tounassaon mi gui tou, na tane ga kaou bo̱ko̱ ndo̱ka njou‐pèngnakè ba aféké ya.

Romainli 10:15

Da tokoré mi tane ga pi kli ya, kli ma baï sana mboura ane mèlé? Mahana ko̱ mi dé: Bo̱ko̱ kli mi bèl maïya, Kli on ko̱ sa mboura toul bèlabaï ikina go̱ro̱, Kli on ko̱ sa mboura toul bèlabaï!

Romainli 9:30

Mono on, yé na sa ba fèn lé? mèran gentili on ko̱ mi tane ga sé mboro guédék ya, da klime jing guédék, tongna guédék on ko̱ mi gui ka mboro tounassaon.

Saint Luc 2:14

Jonafèn hi Ouone an nonkala an sèkèrè guèl ndèk. Da go̱ro̱ iki an koukoula an wora njoukouli ko̱ kème ko̱ kli bèl monè ta!

Romainli 3:22

Mono guédék a Ouone ka mboro tounassaon a Jésus‐Christ, ba akli on bon ko̱ la bilaou. Sélkè mi tane tiya.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

Romainli 5:11

Da tane ti ba fèn on ka ho̱kè ya, da name ndé jangndaï ka bila Ouone ka mbora Nanjou na Jésus‐Christ, da mbo̱l kè ko̱ kassénaï name jing fèn ko̱na ndo̱ko̱ na fal hana.

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,