Romainli 4:16 - Féké Testament 1947

¹⁶ Mono, baï on njou‐yana pélé mi gui ka mboro tounassaon, baï an mi ma ka ba mboro ndingna mbo̱l, mono an bina gonjaka mi tèn ka ba babaï jing mèran njoukouli bon, da tane ti ba akli on ko̱ kaou an bo̱ko̱ guingna ka ho̱ko̱ kli ya, da ba akli on ko̱ mi ndé jing tounassaon a Abraham kéng, kè on ko̱ ba baba na bon.

Romainli 4:16 ပူးပေါင်းရင်းမြစ်များ

Éphésienli 2:8

Baï ko̱ ka mboro ndingna mbo̱l mi ko̱ oui kou tou ka mboro tounassaon, da fèn on mi tane ti ba abaï fèn baï ya, on ba toul ndo̱ka Ouone,

Galateli 3:22

Da Takarata a Ouone mi gna fènli bon bi bo̱ko̱ békéfèn tou. Mono on, kli on ko̱ mi tou saon ma baï jingna bina gonjaka on ko̱ mi gui ka mboro tounassaon ka bila Jésus‐Christ.

Romainli 9:8

On mi sa kli on ko̱ ba goundi ka naïn‐mone kli, tane ti ba goundi a Ouone ya, da mi ko̱ goundi a bina gonjaka ba mèrèn nè.

Tite 3:7

Mono on baï an name gui guédék ka mboro ndingna mbo̱l nè, an name ma baï tèna njou‐yanapéléli ka mboro oliya a yana kambèlè.

Éphésienli 2:5

da tongna on ko̱ name ba houl ka mboro séla guingna na, kème féré yana hi na ka bila Christ, (ko̱ mi kou na ka mboro ndingna mbo̱l),

Romainli 15:8

Baï ko̱ mè sa, mi hi Christ tèn ba njou‐bakara a njou‐ina gassali baï toul babaï a Ouone. Mono on an kème ma baï pouna bi bina gonjakali on ko̱ Ouone mi hi tangko nali tèn ba babaï.

Romainli 5:1

Mono on, ko̱ Ouone mi nding na gui guédék tou ka mboro tounassaon, na jing go̱ro̱ iki jing Ouone ka mbora Nanjou Jésus‐Christ,

2 Pierre 1:10

Mono baï on, yindi, oui nza go̱ro̱ baï nyèta baï touna dina a baï tane ka babaï, da baï touna mboro on ko̱ Ouone sane hi oui ka babaï; baï ko̱ tokoré ouime nding fèn aïnli oui ma bèn ya.

Romainli 4:11

Da kè ya fèn to̱ko̱na a ina gassa, mahana ka fèn mbo̱la a guédék, ka tounassaon on ko̱ mi na jing nè, ko̱ kème pane ga i gassa ya, mono on, an kème tèn ba baba akli on bon ko̱ mi la bilaou, ko̱ klime tane ga i gassa ya, baï ko̱ mi ndé kèn kon toul kli ko̱ kli ba guédék kéng,

Saint Luc 19:9

Da Jésus sa hi nè: Kassénaï, yana baï toul mi gui bil voulo̱ tou, baï ko̱ kè ba goune a Abraham kéng.

Romainli 3:22

Mono guédék a Ouone ka mboro tounassaon a Jésus‐Christ, ba akli on bon ko̱ la bilaou. Sélkè mi tane tiya.

Romainli 3:30

da yé kè ma nding njou‐ina gassali gui guédék ka mboro tounassaon, da njou‐ina gassali ya ka mboro mbo̱l tounassaon.

Galateli 3:14

Mono on, an samnafèn a Abraham mi gui toula mèran gentili ka bila Christ‐Jésus, an name jing bina go̱njaka a Esprit fènè ka mboro tounassaon.

Galateli 3:16

Da Ouone mi bi gonjakè hi Abraham tèn mèrèn nè. Kè tane ga sa on ya: Jing mèrènkèli, mahana ko̱ kème sa hi afékéli nyèta, da kème sa hi ba mèrèn mbéo bo̱l ko̱ ba Christ.