Romainli 4:14 - Féké Testament 1947

¹⁴ Baï tokoré kli on ko̱ kaou an bo̱ko̱ guingna, mi tèn ba njou‐yana péléli, mono on, tounassaon mi na bo̱on, da bina gonjaka on mi ndé na bo̱on.

Romainli 4:14 ပူးပေါင်းရင်းမြစ်များ

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

Hébreuli 7:28

Babaï, baï guingna mi di njoukouli ba zaworo sacrificateurli da kli‐mone kli mi na hèfèrè; da jing baïnjaka a lounafèn on ko̱ tong guingna, same Goune on fènè ko̱ bi nè guédék kambèlè.

Hébreuli 7:19

Baï guingna tane ga mosso fèna mbéo guédék ya, da kè bourou njaka mboro a oliya ko̱ bèl honta, da bo̱l on mi na guè mona Ouone.

Galateli 2:21

Mè tane ga pong ndingna mbo̱l a Ouone bou bo̱on ya. Baï tokoré ndingna guédék mi gui ka mboro guingna, mono on Christ mi hou bo̱on tou.

Romainli 4:16

Mono, baï on njou‐yana pélé mi gui ka mboro tounassaon, baï an mi ma ka ba mboro ndingna mbo̱l, mono an bina gonjaka mi tèn ka ba babaï jing mèran njoukouli bon, da tane ti ba akli on ko̱ kaou an bo̱ko̱ guingna ka ho̱ko̱ kli ya, da ba akli on ko̱ mi ndé jing tounassaon a Abraham kéng, kè on ko̱ ba baba na bon.

Romainli 3:31

Mono on, na ma aïli guingna ka mboro mbo̱l tounassaon lé? Tane ti on ya. Da name pou guingna bi.

Galateli 5:4

Oui wal jing Christ tou, oui bon on ko̱ mi nza baï guina guédék ka mboro guingna; oui yèng mboro ndingna mbo̱l tou.

1 Corinthienli 1:13

Christ mi wal monè tou lé? Klime bara Paul bi di‐croix baï toul baï lé? Maléba ouime ya baptême ka bil ling a Paul lé?