Romainli 4:11 - Féké Testament 1947

¹¹ Da kè ya fèn to̱ko̱na a ina gassa, mahana ka fèn mbo̱la a guédék, ka tounassaon on ko̱ mi na jing nè, ko̱ kème pane ga i gassa ya, mono on, an kème tèn ba baba akli on bon ko̱ mi la bilaou, ko̱ klime tane ga i gassa ya, baï ko̱ mi ndé kèn kon toul kli ko̱ kli ba guédék kéng,

Romainli 4:11 ပူးပေါင်းရင်းမြစ်များ

Romainli 3:22

Mono guédék a Ouone ka mboro tounassaon a Jésus‐Christ, ba akli on bon ko̱ la bilaou. Sélkè mi tane tiya.

Saint Luc 19:9

Da Jésus sa hi nè: Kassénaï, yana baï toul mi gui bil voulo̱ tou, baï ko̱ kè ba goune a Abraham kéng.

Hébreuli 11:7

Ka mboro tounassaon mi ko̱ Noé, ko̱ Ouone wara nè toul fènli ko̱ kè pane ga ko̱ ya, kè ngou waou nona Ouone, da kè mosso kombone baï kouna njou‐voulèli; da ka mboro on kè sa baï kon toula njou‐koukoulali, da tèn njou‐yana pélé a guédék on ko̱ mi na ka mboro tounassaon.

2 Corinthienli 1:22

Kè on ko̱ mi ndé ba na bi jing fèn mbo̱la nè kéng ka baka na bi jing Saint‐Esprit an bil go̱ro̱ na.

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

Éphésienli 4:30

Oui tane ho̱ko̱ laou a Saint‐Esprit a Ouone ya, da ko̱ ka bila kè on ko̱ mi baka oui bi jing fèn mbo̱la bo̱l tèn name chonakè.

Éphésienli 1:13

Da an bilè ko̱ oui kéng afal ko̱ ouime ndé la baïnjaka babaï, bèlabaï a yana‐baï‐toul abaï, da ouime ndé la bilaou‐è kéng ko̱ mi baka oui bi jing fèn mbo̱la Saint‐Esprit a bina gonjaka,

Galateli 6:16

Go̱ro̱ iki da haïo mi gui mona kli on bon ko̱ mi sé ka mboro aïn, da toula Israël a Ouone!

Galateli 5:5

Baï ko̱ ka mbora Esprit fènè mbo̱l tounassaon, name voro oliya a guédék.

Galateli 3:29

Da tokoré oui ba a Christ, mono on oui ba mèran Abraham, da njou‐yana péléli ka mboro bina gonjaka.

Galateli 3:22

Da Takarata a Ouone mi gna fènli bon bi bo̱ko̱ békéfèn tou. Mono on, kli on ko̱ mi tou saon ma baï jingna bina gonjaka on ko̱ mi gui ka mboro tounassaon ka bila Jésus‐Christ.

Galateli 3:7

Mono, oui toutou njoukouli on ko̱ mi kan tounassaon ba goundi a Abraham ka babaï.

Romainli 10:11

Njoukou on ko̱ mi la bilaou‐è chonron ba séna nè tane tiya.

Romainli 10:6

Da ko̱ guédék ka mboro tounassaon mi sa on: Mo kèrè ka laou‐o̱ ya: Yé guème ma sé guè nonkala lé? on mi sa ba bina Christ ka diri nè guè tiya.

Romainli 10:4

Baï ko̱ Christ ba sèkèrè guingna, baï hina guédék hi njoukouli bon on ko̱ mi la bilaou.

Saint Jean 6:35

Jésus sa hi kli: Mè ba mapa yana. Kè ko̱ mi gui moni nzala ba ina nè tane tiya, da kè ko̱ mi la bilaou ni, yé po̱ko̱ mbi ba ina nè tane tiya.

Apocalypse 9:4

Da mi sa hi kli an klime nding wonron jing pa an koukoula maléba dorome fèn maléba di ya, da jing ba njoukouli on ko̱ fèn mbo̱la a Ouone tane ti njaka moung kli ya.

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

Romainli 9:30

Mono on, yé na sa ba fèn lé? mèran gentili on ko̱ mi tane ga sé mboro guédék ya, da klime jing guédék, tongna guédék on ko̱ mi gui ka mboro tounassaon.

Romainli 9:6

Da ti ba an baïnjaka Ouone mi gui bo̱on ya. Baï ko̱ ka mèran Israël bon tane ti ba dodok Israël ya.

Romainli 3:26

Da baï to̱ko̱na guédék nè ka saka naï, mono on, ko̱ kè ba guédék, da njou‐ndingna guédék, kli on ko̱ mi jing tounassaon a Jésus.

Saint Jean 8:33

Klime féré sa hi nè: Na ba mèran Abraham, da na tane ga kaou koï hi njoukouna bo̱ko̱ mbéo ya; mo sa ba fèn: Yé babaï ma sél oui lé?

Saint Jean 6:47

Babaï, babaï, mi mè sa hi oui, kè ko̱ mi la bilaou ni, kème jing yana kambèlè.

Saint Jean 6:40

Baï kaouna mara fal toula Baba mono, njoukouli on bon ko̱ mi ko̱ Goune nè, da la bilaou‐è ma jing yana kambèlè; da mè ma tome nè ka sèkèrè name.

Saint Jean 3:36

Kè on ko̱ la bilaou a Goune on jing yana kambèlè; da kè ko̱ tane ga la bilaou a Goune on ya, kè ba ko̱na yana tane tiya, yé hèrè a Ouone pane toulè.

Saint Matthieu 16:16

Da Simon Pièrre mi féré sa, ka sa: Mo ba Christ, Goune a Ouone ko̱ yan.

Saint Matthieu 8:11

Da mè sa hi oui, yé njoukouli nyèta ma ourou ka mboro tènassé da mboro linassé, da ma kaou table jing Abraham, da Isaac tèn Jacob, an bilkaou a nonkala.

Romainli 9:33

Mahana ko̱ mi dé: Oui ko̱, mè bou kone on ko̱ ba kone bèna an guèl Sion, Da loukou kone on ko̱ ba fèn bèna. Da njoukou on ko̱ mi la bilaou‐è yé chonron ba séna nè tane tiya.

Saint Jean 3:33

Kè on ko̱ mi la bongbaï nè tou, kè ji bo̱ko̱ baï on, ko̱ Ouone ba babaï;

Romainli 3:30

da yé kè ma nding njou‐ina gassali gui guédék ka mboro tounassaon, da njou‐ina gassali ya ka mboro mbo̱l tounassaon.

Romainli 4:10

Mono on, kassé hane mi ko̱ kè kèn on kon toulè lé? Afal ko̱ kème i gassa tou, maléba ambèl on ko̱ kème tane ga i gassa ya lé? Tane ti ba on ko̱ kème i gassa tou ya, da ba on ko̱ kème tane ga i gassa ya.