Romainli 3:5 - Féké Testament 1947

⁵ Da tokoré ndingna maï maï ama mi bi saon guédék a Ouone kala, yé na sa ba fèn lé? Ouone mi nding maï maï ko̱ kème gui jing hèrè lé? (Mè sa mahana ka mbora njoukouli.)

Romainli 3:5 ပူးပေါင်းရင်းမြစ်များ

Romainli 6:19

Mè sa mahana ka mbora njoukouli, baï ko̱ naïn‐mone baï mi na hèfèrè. Mahana ka on ko̱ ouime jo̱l fèn kli‐mone baïli jinguèl, tèn koï a ladidifèn da séla guingna, ko̱ kan baï séla guingna, mono on, oui ndé hi fèn mone baïli kassénaï tèn koï baï ndingna guédék, ko̱ mi kan baï wala mone baï bi baï a Ouone.

Galateli 3:15

Yindi, mè sa ka mbora njoukouli, da tokoré baï bina gonjaka an none hana a njoukouli mana, da klime ji bo̱ko̱kè jing hana ka babaï, njoukouna ba sélakè kon tane tiya, maléba kèna aféké kon toulkè tiya.

1 Corinthienli 9:8

Mè sa fènli on ka ba mbora njoukouli ka ho̱kè lé? Maléba guingna mi tane ga ndé sa on kéng ya lé?

Romainli 7:7

Mono on, yé na ma sa ba fèn lé? Guingna ba békéfèn lé? Tane ti on ya. Da tokoré guingna mi tane ga to̱ko̱ hi mi ya, mè tane ga tou békéfèn ya, baï tokoré guingna mi tane ga sa ba: Mo fan hang ya, mè tane ga toutou on ko̱ ba fanahang ya.

Romainli 4:1

Mono on, yé na sa Abraham tangko na ka mboro naïn‐mone mi jing ba fèn lé?

Romainli 2:5

Da ka mboro name wang a go̱ro̱, ko̱ mi tane ji baï hèkèna békéfèn ya, mo mang ba hèrè kon toulo̱ fèno, ka name hèrè tèn name wéra none walabaï guédék a Ouone.

Apocalypse 18:20

Oui jangndaï baï toulè, mo nonkala, da oui njou‐lana‐bilaouli, da oui njou‐mboro‐pinali, da oui prophèteli. Baï ko̱ Ouone mi wal baï walabaï, no, kon toulè.

Apocalypse 15:3

Da kli di sing a Moïse, koï a Ouone, da sing a Goune badoua a Ouone on, ka sa: Ndingna pina amo ba loukoukè da kak aïya fèn, o Nanjou, Ouone Njèran‐hota‐bon! Ka mboro no mo ba guédék da babaï, mo nanjoukaou a pime pouli.

1 Corinthienli 15:32

Mahana ko̱ mème to̱ro̱ jinguèl jing naïnli, ka mbora njoukouli an pou Éphèse, mè ma jing ba fèn jing rou tokoré houli mi tane tome ya lé? An name son ka njo baï ko̱ yépélé na ma hou.

Romainli 12:19

Yindi on ko̱ mème sé hang baï ta, oui tane féré gnana abaï fèn baï ya, da oui yèng mboro hi hèrè a Ouone; baï ko̱ mi dé: Nanjou mi sa: Baï ni baï féra gnana, yé mème ko̱ féré gnanakè.

Romainli 6:1

Da mono on, yé na ma sa ba fèn lé? Yé na ma pane kaouna bo̱ko̱ békéfèn an ndingna mbo̱l mi taïnkon guèbambèl lé?

Romainli 3:19

Da na toutou baïli on bon ko̱ guingna mi koung, mi koung hi kli on ko̱ kaou an bo̱ko̱ guingna, baï ko̱ njaka bon ma tou bi rou, da yé koukoula bon ma baï kaouna bo̱ko̱ walabaï a Ouone.

Romainli 3:7

Baï tokoré babaï a Ouone mi taïnkon nyèta ka hi jonafèn hi nè, ka mboro bana wo̱ko̱ ni, baïfèn da on mi pane walabaï hi mi mahana ko̱ mè ba njou‐békéfèn lé?

Romainli 5:8

Da Ouone mi bi saon sénahang‐è fènè jing na bi kala, ko̱ name pane ba njou‐békéfénli jinguèl, da Christ mi hou baï na tou.

Romainli 8:31

Mono on, yé na ma sa ba fèn baï toul fèn aïnli lé? Tokoré Ouone mi yé jing na guème ko̱ ma baï pongna na lé?

Romainli 9:30

Mono on, yé na sa ba fèn lé? mèran gentili on ko̱ mi tane ga sé mboro guédék ya, da klime jing guédék, tongna guédék on ko̱ mi gui ka mboro tounassaon.

2 Corinthienli 6:4

Da jing fènli bon name sa bèlta kon toula mahana ka njou‐bakarali a Ouone, jing laïnabi an bil to̱ko̱nassé, da ka mboro fèn on ko̱ nak na, da jing fèn ko̱ mba njaka na,

2 Corinthienli 7:11

Da mono mbé go̱ro̱ séta abaï on ko̱ ma an nona Ouone, mi hi sèna none hi oui nyèta, ka babaï ko̱ ouime ji baï mossona mboro baï guina guédék gata, go̱ro̱ baï mi sé oui nyèta ka babaï, da waou mi i oui nyèta ka babaï, oui bi hang baï nyèta baï guina bèlta ka babaï, oui jang baï ndingna fèn maïya ka babaï, oui sa kon toul békéfènli bon. Da jing baïli on bon oui to̱ko̱ ko̱ ouime gui tangta jing fèn on bon.

Galateli 2:18

Baï tokoré mème kaïn nza fènli on bon ko̱ mème bèngnèrèn tou, mè wéré nonkè bi kala tang ka babaï ko̱ mè ba njou‐séla guingna;