Romainli 3:4 - Féké Testament 1947

⁴ Tane ti on ya. Oui yèng ka ko̱ Ouone ba babaï, da njoukouli bon ba njou‐bana wo̱ko̱li, mahana ko̱ mi dé: An klime ko̱ mo ba guédék ka mboro baïnjako̱, Da ko̱ mome tèn gui guèl walabaï mo ma sa mba kli.

Romainli 3:4 ပူးပေါင်းရင်းမြစ်များ

Galateli 2:17

Da tokoré name nza mborokè baï guina guédék ka bila Christ, na fèna ko̱ ba ndé njou‐békéfènli kéng. Mono on Christ ba njou‐bakara békéfèn lé? Tane ti on ya.

Hébreuli 6:18

Da baï ka mboro fènli on séré ko̱ mi na pouta jing fènli on ko̱ Ouone ma baï bana wo̱ko̱ jing rou ya, na bi hang na guè tiya ko̱ mi hi njèran hi na ko̱ na ngou guèl lénambèl mona ka mboro chingna oliya on, ko̱ mi na ambèl mona.

Tite 1:2

baï hina oliya yana kambèlè, ko̱ Ouone, kè on ko̱ mi tane ma baï bana wo̱ko̱ ya, mi bi gonjakè ka titilikè ambèl hi name mossona koukoula,

Saint Jean 3:33

Kè on ko̱ mi la bongbaï nè tou, kè ji bo̱ko̱ baï on, ko̱ Ouone ba babaï;

Apocalypse 3:7

Mo dé takarata aïn hi ange a église a Philadelphie: Kè on ko̱ ba Tangna fofoto da ba Babaï, kè on ko̱ clélé a David mana ndo̱kè, kè on ko̱ bourou da yé njoukou mbéo ma tou njakakè birou ya, kè on ko̱ ma tou njakakè da yé njoukou mbéo ma bourou ya, kè sa fèn on:

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

Romainli 9:14

Mono on, yé name sa ba fèn lé? Ouone mi nding maï maï lé? Tane ti on ya.

Titili Takarata a Jean ko̱ dé 5:10

Kè ko̱ mi la bilaou a Goune a Ouone kème jing bongbaï an bilè fènè; kè ko̱ mi tane ga la bilaou a Ouone ya, kème nding Ouone tèn njou‐bana wo̱ko̱, baï ko̱ kème tane ga la bilaou bongbaï on ko̱ Ouone mi sa toula Goune nè ya.

Galateli 2:21

Mè tane ga pong ndingna mbo̱l a Ouone bou bo̱on ya. Baï tokoré ndingna guédék mi gui ka mboro guingna, mono on Christ mi hou bo̱on tou.

Romainli 6:15

Mono on, ba fèn lé? Yé na ma nding békéfèn baï ko̱ name tane ga kaou bo̱ko̱ guingna ya, da kaou ba bo̱ko̱ ndingna mbo̱l lé? Tane ti on ya.

Romainli 3:31

Mono on, na ma aïli guingna ka mboro mbo̱l tounassaon lé? Tane ti on ya. Da name pou guingna bi.

Saint Matthieu 11:19

Da Goune a njoukou mi gui kè son fèn ka njo, da kli sa: Oui ko̱ njoukou aïn ko̱ son laka ta, da njo vin ta, ka ba bako̱la jing njou‐mangna l’impôtli da njou‐bèkèfènli. Pina a cho̱kna bon sa baï toul cho̱kna ko̱ mi na guédék.

Galateli 6:14

Da ami, on mi dita jing mi baï joungna moni gounfènakè ya, bo̱l ba di‐croix a Nanjou na Jésus‐Christ, baï ka mbora kè on koukoula aïn mi bara an ki‐croix baï ni tou, da mème bara an di‐croix an koukoula on tou.

Romainli 11:1

Mono on mè sa: Ouone njomo njoukou nèli tou lé? Tane ti on ya! Baï ko̱ mè ba ndé njoukou a Israël kéng, ko̱ ba mèran Abraham, ka douk a Benjamin.

2 Corinthienli 1:18

Da Ouone ba lodok, baïnjaka on ko̱ name sa hi oui mi tane ti ba ii da haï ya.

Romainli 11:11

Mono on, mè sa: Klime bèn baï an klime lé lé? Tane ti on ya! Baï ko̱ klime lé, yana‐baï‐toul mi gui mona mèran gentili baï zara kli an klime passèra.

Romainli 7:7

Mono on, yé na ma sa ba fèn lé? Guingna ba békéfèn lé? Tane ti on ya. Da tokoré guingna mi tane ga to̱ko̱ hi mi ya, mè tane ga tou békéfèn ya, baï tokoré guingna mi tane ga sa ba: Mo fan hang ya, mè tane ga toutou on ko̱ ba fanahang ya.

Romainli 6:2

Tane ti on ya: Na on ko̱ mi hou jing békéfèn tou, yé na ma pane bo̱ko̱ békéfèn ba aféké ane ndé?

Saint Luc 20:16

Yé kè gui ka i njou‐kora wakali on, da kè ma hi waka lénadi hi njou‐afékéli. Da ko̱ klime la baï on kli sa: Yèng an mi gui mahana ka aïn ya.

Romainli 7:13

Mono on, fèn on ko̱ mi bèlta mi féré tèn ba fèn houl jing mi lé? Tane ti on ya. Da ba békéfèn on mi to̱ko̱ ko̱ nonkè ba békéfèn nding fèn baï an mème hou, ka mboro fèn on ko̱ bèlta, an tènrèn none békéfèn ka mboro bina baïnjaka guingna mi wéré nonkè bi kala ka babaï, ko̱ on bon mi bèlya maïya.

1 Corinthienli 6:15

Oui tane ga tou on ko̱ kli‐mone baï ba fèn mondi a Christ ya lé? Baï ko̱ mono on yé mè ya fèn mondi a Christ ka mosso kli tèn ba fèn mondi an waïn maïn lé? Tane ti on ya.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.