Romainli 15:1 - Féké Testament 1947

¹ Da na on ko̱ mi njèrèn ta, dadaon an name hol fèn ko̱ ta toula hèfèrè njoukou, da tane ti ba baï bina wélé toul kli‐mona fèna ya.

Romainli 15:1 ပူးပေါင်းရင်းမြစ်များ

1 Thessalonicienli 5:14

Da name wara oui yindi, oui ba baï hi kli on ko̱ mi sé maï maï, oui pou mone kli on ko̱ go̱ro̱ klime sé siya, da lé mbèla kli on ko̱ mi tane ti njèrèn ya, da pan mone baï jing njoukouli bon.

Romainli 14:1

Da oui pame kè on ko̱ mi tane ti njèrèn jing tounassaon ya, da tane ti ba baï ouina nè jing njakana ya.

1 Corinthienli 9:22

Da jing njoukouli on ko̱ mi tane njèrèn ya, mème tèn mahana ka njoukou on ko̱ mi njèrèn ya, baï an mème jing njoukouli on ko̱ mi njèrèn ya. Da mème tèn mane fènli bon hi njoukouli bon, baï an mème kou njoukou hanali mbéo mbéo mane mboro bon.

Titili Takarata a Jean ko̱ dé 2:14

Mè ti dé takarata hi oui jinguèl, babali, baï ko̱ ouime tou nè tou, kè on ko̱ mi kaou jinguèl ka titilikè. Mè ti dé takarata hi oui jinguèl bala goundi, baï ko̱ ouime njèrèn ta, da baï ko̱ baïnjaka a Ouone mi bi an bil baï, tèn baï ko̱ ouime gnèrèn njou‐békékè tou.

2 Tim 2:1

Mono on, goune mi, mono mi pou mo ka ndingna mbo̱l on ko̱ mi na ka bila Christ‐Jésus.

Romainli 4:20

Da baï ko̱ laou‐è mi pane toul bina gonjaka a Ouone, kè tane ga kaou ka ndouri ya, da kème kaou wang ka tounassaon, ka hi jonafèn hi Ouone.

Éphésienli 6:10

Da mono, gara baï on ko̱ pane, mone baï mi pou oui ka bila Nanjou, jing mboro bassana njèran nè.

2 Corinthienli 12:10

Mono baï on, mè ko̱ on bèl moni ko̱ mème kaou hèfèrè ko̱ njoukouli mi sène mi, ko̱ fènli mi nak mi, ko̱ to̱ko̱nassé mi to̱ko̱ mi, da ko̱ fènli mi mba njaka ni, baï toula Christ; baï tokoré ko̱ mème kaou hèfèrè, mono on, mè njèrèn ta.

1 Corinthienli 4:10

Ama, na ba njou‐ngawali baï toula Christ, da abaï oui jing cho̱kna ka bila Christ; ama, name tane ti njèrèn ya da abaï oui njèrèn ta. Njoukouli mi dik oui da klime jèk na!

Romainli 14:2

Njoukou mbéo mi jing tounassaon baï sona fènli bon; da njoukou on ko̱ mi tane ga ti njèrèn ya, kè son ba ngoï haï ka ho̱kè bo̱l.

Philippienli 2:4

Da oui mbéo mbéo bon mi nza ba mboro dodok fèn abaï ya, da oui mbéo mbéo bon mi ndé nza fèn baï toula njoukou aféké kéng.