Romainli 12:3 - Féké Testament 1947

³ Mbo̱l ndingna mbo̱l on ko̱ mi hi mi, mè sa hi oui mane mbéo mbéo bon, ko̱ ka u jing oui, an kème bi hang‐è fènè ka tane joung monè ta guèlkè ya, da kème bi hang‐è baï bouna monè guè koukoula, mabong tounassaon on ko̱ Ouone mi lé hi njoukouli mane mbéo mbéo bon.

Romainli 12:3 ပူးပေါင်းရင်းမြစ်များ

Galateli 6:3

Baï tokoré njoukouna mi kèrè ka laou‐è ko̱ kè ba loukou njoukou ko̱ kè ba njoukou bo̱on, kè mong monè fènè.

1 Titili Takarata a Pierre ko̱ dé 5:5

Mono, oui ko̱ ba bala goundi, oui kaou bo̱ko̱ ndo̱ko̱ tangchidoli. Ka babaï, oui bon, oui mba laou baï bi rou ka bou mone baï guè koukoula baï ndingna bakara hi hana; baï Ouone pong njou‐gnaïnali, Da kè hi ndingna mbo̱l hi njoukouli on ko̱ bou mone kli guè koukoula.

Romainli 12:16

Oui kèrè té bil hana mabahana. Oui tane bi hang baï toul loukou fèn ya, da sé fal kli on ko̱ mi kaou lome. Oui tane bi hang baï toul tounafèn abaï fèn baï ya.

1 Titili Takarata a Pierre ko̱ dé 5:8

Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.

TAKARATA A JACQUES KO̱ DÉ 4:6

Da kème hi ndingna mbo̱l guèbambèl, baï on ko̱ Takarata a Ouone mi sa: Ouone mi pong njou‐gnaïna, Ka hi ndingna mbo̱l hi njoukouli on ko̱ bou mone kli guè koukoula.

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

1 Corinthienli 7:17

Da mahana ko̱ Nanjou mi hi njoukouli mane mbéo mbéo bon, da mahana ko̱ Ouone mi di njoukouli mane mbéo mbéo bon, dadaon ma an klime sé mahana ka on. Da mème sa mahana ka on bi njaka égliseli bon.

Tite 2:12

da mi to̱ko̱ hi na an name njomo pongna Ouone tèn nzala a koukoula a saka naï, baï pèngna mona jing mbonatoul, da ndingna guédék, da baï pèngna bong njaka Ouone ka saka naï kassénaï.

Tite 2:2

Dadaon an hona njoukouli mi mang mone kli, mbonatoul, ho̱ko̱na, njèran jing tounassaon da sénahang tèn laïnabi.

2 Corinthienli 12:7

Baï an mème tane joung moni ya baï toul kakaïya fènli on ko̱ mi wéré nonkè hi mi, da mi hi ngassadi hi mi bi naïn‐moni, an njou‐mboro pina a Satan mi wan mi, mono on mi dèn mi an mème tane joung moni ya.

Romainli 11:20

On bèlta; ko̱ mi koung kli guèfal baï ko̱ klime kaou ka ndouri da amo, mo o mbo̱l tounassaon no. Mo tane kèrè joungna mono ya, da ngou waou.

Romainli 1:5

mbo̱lkè da name jing ndingna mbo̱l da pina a njou‐mboro‐pina, baï jingna njoukouli an wora mèran pime pouli bon an klime la ka mboro tounassaon, baï toul ling‐è.

1 Titili Takarata a Pierre ko̱ dé 1:13

Baï on, oui gna ga bi kèrè kaou kèrafèn abaï da mang mone baï, oui oli guédék baï toula ndingna mbo̱l on ko̱ mi gui mone baï ka name wéra none a Jésus‐Christ bi kala.

Tite 2:4

Mono on, an klime wara tikilali an hang kli mi na toula wa klili, da an hang kli mi na toula goune klili,

1 Corinthienli 15:10

Da mbo̱l ndingna mbo̱l a Ouone, mè makaou yé ba on ko̱ mè makaï, da jing ndingna‐mbo̱l nè on ko̱ kème hi mi, mi tane ga na bo̱on ya, da mème nding pina ta toul kli bon, da mi tane ti ba mè ya, da ba mbo̱l ndingna mbo̱l a Ouone ko̱ mi na jing mi.

Saint Jean 3:34

baï kè ko̱ Ouone mi pi nè, kè sa baïnjaka Ouone, baï ko̱ Ouone mi tane ga lé Esprit hi nè ya.

Éphésienli 4:16

Ko̱ mi hi kli‐mone bon baï dossina bi hana ka mborokè, da mara pou bi mana da baï jingna njèran ka mboro hourou mone mana mbéo mbéo bon, mabong pina a fèn mondi mbéo mbéo bon, baï an kli‐mone mi hon ka pou bi fènè jing sénahang.

Saint Luc 18:11

Da pharisien on mi o baï hiouna Ouone mahana ka on, guè toulè fènè: Ouone, mè kaou koukoula hi mo baï ko̱ mème tane ga ti mahana ka njoukou afékéli ya, kli on ko̱ ba njou‐sènafènli, maléba njou‐vaïnafènli maléba njou‐maïnli, maléba mahana ka njou‐mangna l’impôt aïn ya.

Tite 2:6

Mono on, mo wara bala goundi an klime mang mone kli,

1 Timothée 2:15

Da yé kè ma kou ka mboro mboungna goune, tokoré klime laïbi ka tounassaon da sénahang tèn wala mone kli bi baï a Ouone, ka bou mone kli guè koukoula.

1 Timothée 2:9

Da mono on kéng, mè ji an waïnli mi bou fèn ling on ko̱ mi mabongkè tane ti ba fèn on ko̱ mi hi chonron none ya, da chok baï pèngna mone kli, da tane ndé toul kli ya, ka bou l’or maléba zaou perle nyèta ya, maléba bouna la on ko̱ cho̱ko̱kè mi nyèta ya.

1 Timothée 1:14

Da ndingna mbo̱l a Nanjou na mi taïnkon nyèta guèbambèl jing tounassaon da sénahang on ko̱ mi na ka bila Christ‐Jésus.

Éphésienli 3:4

Da ko̱ ouime kèn, oui ma tou cho̱kna ni jing didissi baï a Christ.

2 Corinthienli 12:13

Baï ko̱ gara égliseli mi ta toul baï jing ba fèn, tokoré mi tane ti ba mè fèni ko̱ mi fourou mone baï ya lé? Oui yèng bi mboro pènran ndo̱ko̱ ni on.

1 Corinthienli 3:10

Da ka mboro ndingna mbo̱l a Ouone ko̱ kème hi mi tou, mème mosso bètè voulou mahana ka cho̱kna njou‐onatoul zana voulou, da njoukou aféké mi za voulou bi toulkè. Da an njoukouli mane mbéo mbéo bon mi ènrèn mboro on ko̱ klime guè zana bi toulkè.

Romainli 11:25

Baï ko̱ mè ji an ouime toutou didissi baï on yindi, mono an ouime tane bi hang baï toul tounafèn abaï fèn baï ya, baï ko̱ go̱ra njoukou hanali an wora njou‐Israëli mi na wang bo̱l tèn ko̱ Gentili mi mba bilkè nyè mabongkè tou.

Takarata Saïkè a Jean ko̱ dé 1:9

Mè dé takarata hi église jinguèl; da Diotrèphe ko̱ ji tana kli bon, kè pame na ya.

Colossienli 2:13

Da oui ko̱ ba houl jinguèl ka mboro séla guingna abaïli, da ina gassa ya a naïn‐mone baïli, kè mi kaïn féré hi yana hi oui mabahana jing nè, da kème yèng bi mboro séla guingna nali bon tou.

Colossienli 1:29

Mono baï on, mi ko̱ mème ndé nding pina on kéng, da mème rou mbo̱l njèran nè ko̱ mi njéta an bili.

Éphésienli 3:2

ko̱ ouime lala ka babaï baï toul pina onatoul ndingna mbo̱l a Ouone ko̱ kème hi mi baï toul baï.

2 Corinthienli 10:13

Da ama, na tane ji baï jona mona ta toul fèn léna ama ya; da mabong sélkè on ko̱ Ouone mi to̱ko̱ hi na, mahana ka fèn léna, baï kana bo̱l tèn mone baï.

Philippienli 2:13

baï ko̱ ba Ouone mi ko̱ nding an bil baï, an ouime ji bo̱ko̱kè da nding fèn on, ko̱ mi na hang‐è bèlta.