Romainli 12:1 - Féké Testament 1947

¹ Mono on yindi, mè sa jo̱jo̱ baï, ka mboro haïo a Ouone, oui hi kli‐mone baï hi Ouone mahana ka sacrifice ko̱ yan, tangna fofoto, ko̱ mi mapélékè jing Ouone, on ko̱ ba bouna fal fèn aïn ko̱ mi mangna oui.

Romainli 12:1 ပူးပေါင်းရင်းမြစ်များ

1 Titili Takarata a Pierre ko̱ dé 2:5

Da oui kéng, mahana ka kondi ko̱ mi ya, kè mosso oui baï guina voulou an Esprit baï guina tangna fofoto sacrificateurli, baï hina sacrificeli a Esprit on ko̱ mapélékè jing ba Ouone ka mboro Jésus‐Christ.

Romainli 6:13

Da oui tane jol fèn mone baïli hi békéfèn ya, mahana ka fèn béré a ndingna maï maï; da oui hi kli‐mone baïli fèn baï hi ba Ouone, mahana ka njoukouli on ko̱ mi tome an wora houli, da hi fèn mone baïli mahana ka fèn béré a ndingna guédék baï a Ouone.

Romainli 6:19

Mè sa mahana ka mbora njoukouli, baï ko̱ naïn‐mone baï mi na hèfèrè. Mahana ka on ko̱ ouime jo̱l fèn kli‐mone baïli jinguèl, tèn koï a ladidifèn da séla guingna, ko̱ kan baï séla guingna, mono on, oui ndé hi fèn mone baïli kassénaï tèn koï baï ndingna guédék, ko̱ mi kan baï wala mone baï bi baï a Ouone.

Romainli 12:2

Da oui tane féré laou baï ka mbora sakanaï ya, da oui komo, baï an ouime kaïn tèn jing féké laou‐kèrafèn, mono on, an ouime lé baï touna fèn on ko̱ mi na mara fal toula Ouone, fèn on ko̱ bèlta da mapélékè jing nè, da na guédék.

Éphésienli 4:1

Mono on, mè ko̱ ba njou‐jo̱bo̱ ka bila Nanjou, mè sa jo̱jo̱ baï nyèta an bong séna abaï mapélékè baïnjaka on ko̱ kème di oui jing rou,

Romainli 6:16

Oui tane ga tou ya, ko̱ kè on ko̱ ouime jo̱l mone baï fèn baï hi nè mahana ka koïli, baï lana baïnjakè, oui ba koïli a kè on ko̱ ouime la baïnjakè mahana ka koïli a békéfèn ko̱ kan houl, maléba koïli baï lana baï ko̱ kan ndingna guédék lé?

2 Corinthienli 4:16

Mono baï on, name tane ga bi hang na guè siya ya, da tongna ko̱ njoukou a kala mi bo, njoukou an bilkè mi kaïn tèn ba fékékè name bon name bon.

1 Thessalonicienli 4:1

Mono on baï toul gara baï on ko̱ mi pane yindi, mahana ko̱ name to̱ko̱ hi oui jinguèl ka mboro on ko̱ ma an ouime sé ka bina wélé toula Ouone, mahana ko̱ ouime sé, na sa jo̱jo̱ baï nyèta ka wara oui ka bila Nanjou Jésus, baï séna jing baï on mi ti nyèta guèbambèl.

2 Corinthienli 5:20

Mono on, na ba njou‐mboro pinali a Christ, mabahana ko̱ Ouone mi wara oui jing njaka na, name sa jo̱jo̱ baï ka bil ling a Christ: Oui ko̱ ndo̱ko̱ baï fal hana jing Ouone.

Éphésienli 5:10

ko̱ foul fal fèn bon ko̱ mi mapélékè an nona Nanjou;

Philippienli 2:17

Da tokoré mi si mi kon mahana ka offrande, fèn njona an toul sacrifice da ndingna bakara tounassaon abaï, mè kaou ka jangnandaï da ndé wal jing oui kéng.

1 Corinthienli 1:10

Da mème sa jo̱jo̱ baï yindi, ka bil ling a Nanjou na Jésus‐Christ an baïnjaka baï bon mi na mbéo bo̱l, tèn baï wala hana mi tane ti an woro baï ya, da oui kaou ri hana jing laou‐kèrafèn tèn mboro walabaï abaï.

Romainli 2:4

Maléba ko̱ mome pong nguèra bèla go̱rè da pana monè, da vonamboï nè, da mo tane ga toutou ko̱ bèla go̱ra Ouone mi ko̱ lang mo baï hèkèna békéfèn ya lé?

1 Titili Takarata a Pierre ko̱ dé 2:20

Baï tokoré oui mi nding békéfèn da jing barabaï baï toul békéfèn abaï, da oui pan mone baï jona mone an hane dé? Da tokoré ouime bou toul baï an bil to̱ko̱nassé on baï bèla fèn, da oui pan mone baï, on ba ndingna mbo̱l a nona Ouone.

Philippienli 4:18

Da mème jing fènli bon ta toulkè tou. Fèn nili mi nyè maïya ko̱ mème ya an ndo̱ka Épaphrodite fènli on ko̱ oui mi pi gui hi mi mahana ka yombo ko̱ baïnkè fon bèlta, da sacrifice on ko̱ mapélékè jing Ouone, da ko̱ mi bi wélé toulè ta.

2 Corinthienli 6:1

Baï ko̱ na ba njou‐ndo̱ko̱ba bakarali jing nè, name ndé sa jo̱jo̱ baï kéng baï an ouime tane ya ndingna mbo̱l a Ouone bo̱on ya.

Romainli 15:30

Da mè sa jo̱jo̱ baï, yindi, ka mbora Nanjou na Jésus‐Christ da ka mboro sénahang a Esprit, oui laïbi hiouna Ouone kon touli jing mi,

Romainli 15:16

Mono on, an mème tèn ba njou‐bakara a Christ‐Jésus hi mèran gentili, mahana ka pina sacrificateur, baï sana mboura bèlabaï a Ouone an gentili mi tèn ba offrande on ko̱ mapélékè, baï ko̱ Saint‐Esprit mi ko̱ wal kli bi aï a Ouone.

Philippienli 1:20

Ka mboro douna go̱ro̱ ni jing fèn on ko̱ mème oli, baï ko̱ yé chonron ba séna mi tane tiya, da tane waou ndo̱t kassénaï mahana ka guèbassoko mè ji jona Christ ka bil kli‐moni, tongna mème yan, maléba tokoré mème hou;

1 Timothée 2:3

Baï on mi bèlta da mapélékè an nona Ouone Njou‐yana‐baï‐toul ama.

1 Thessalonicienli 5:12

Da name sa jo̱jo̱ baï yindi, an ouime tou kli on ko̱ mi nding pina an woro baï, klime o toul baï ka bila Nanjou da wara oui.

Saint Luc 7:47

Mono on, mi mè sa hi mo: Békéfèn nè mi nyèta on, mè yèng bi mborokè; baï ko̱ kème sé hang ni nyèta. Da njoukou on ko̱ mi yèng bi mboro békéfèn nè tou, ko̱ mi nyè païn, kè sé hang païn on.

Hébreuli 13:22

Mè wara oui yindi, oui laïbi jing mi ka la baïnjaka warafèn; baï ko̱ mème dé takarata hi oui gounfènakè ka baïnjaka nyèta ya.

1 Timothée 5:4

Da tokoré waïn soré hanali mi yé jing goundi maléba goune zali, dadaon klime tou ambèl baï to̱ko̱na mboro baï pèngna baïnjaka a Ouone hi dodok njou‐voul klili, da féré nding bèlafèn on ko̱ kli mi jing hi baba klili, da ma klili, baï ko̱ fèn on mi mapélékè an nona Ouone.

1 Thessalonicienli 4:10

Baï ko̱ ouime nding on ka babaï jing yindi an guèl Macédoine bon. Da name wara oui yindi, oui nding on nyèta guèbambèl.

Romainli 9:23

da tokoré kème ji baï to̱ko̱na nguèra jonafèn nè kon toul ili haïo on, ko̱ kème badi da mbo ka tang ambèl baï toul jonafèn ya lé?

2 Corinthienli 4:1

Mono on, baï ko̱ name kaou jing bakara on, mahana ka on ko̱ name jing haïo, name joung hang na.

2 Corinthienli 10:1

Da mè Paul fèni, mè sa jo̱jo̱ baï mbo̱l bouna mone koukoula da ndingna pan bil a Christ, — mè on ko̱ mème pane jing oui go̱ro̱ ni kaou lome, da ko̱ mème tane ti jing oui ya, mè bi hang ni toul baï,

Philémon 1:9

Da baï toul sénahang, mè ji on ta baï sana jo̱jo̱ no baï ko̱ mè ba Paul hona njoukou da kassénaï ba ndé njou‐jo̱bo̱ a Christ‐Jésus kéng.

Philémon 1:10

Mè sa jo̱jo̱ no baï toula goune ni, Onésime kè on ko̱ mème mboung nè an bil sal réme nili.