Romainli 10:18 - Féké Testament 1947

¹⁸ Da mè sa: Klime lala tou ya lé? Kli lala ka babaï! Tiribaï kli mi ti ka sèrè mane toul koukoula bon, Da baïnjaka kli mi sé bo̱l tèn guè mona sèkèrè njou‐koukoulali bon.

Romainli 10:18 ပူးပေါင်းရင်းမြစ်များ

Romainli 1:8

Ka titilikè, mè kaou koukoula hi Ouone ni, baï toul baï bon, ka mbora Jésus‐Christ, baï ko̱ klime sa toula tounassaon a baï ko̱ mi ti manguèl an mona njou‐koukoulali bon.

Saint Matthieu 24:14

Da kli ma sa mboura bèlabaï a bilkaou on an toul koukoula bon, baï sana bongbaï hi pime pouli bon. Da mono sèkèrèkè ma tèn.

1 Thessalonicienli 1:8

Baï ko̱ baïnjaka a Nanjou mi tane ga ti ka ba mone baï an guèl Macédoine tèn an guèl Achaïe ka ho̱kè ya, da tiri tounassaon ka mbora Ouone abaï mi ti manguèl bon, mono on name tane ga ji sana baï aféké ya.

Colossienli 1:23

Tokoré oui mi laïbi pou da kaou wang jing tounassaon, da oui mi tane ga yèng oliya bèlabaï ya, ko̱ oui mi la jinguèl, ko̱ mi sa mbourakè hi njoukouli bon an bo̱ko̱ nonkala baï on, mi ko̱ Ouone hi mi, mè Paul ba njou‐bakara a Ouone.

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Saint Marc 16:15

Da kème sa hi kli: Oui sé toula koukoula bon, ka sa mboura bèlabaï hi mèran njoukouli bon.

Saint Matthieu 28:19

Da on, oui sé ka mosso njou‐séna bongli an bil pime pouli bon, ka nding baptême hi kli, ka bil ling a Baba da ka Goune tèn ka Saint‐Esprit,

Saint Matthieu 26:13

Babaï, mi mè sa hi oui, mane an guèli bon ko̱ kli ma sa mboura bèlabaï aïn, an toula koukoula bon, yé kli ma ndé sa baï aïn kéng, toul fèn on ko̱ waïn aïn mi nding, baï yangnaran kè ya.

Saint Matthieu 4:8

Da zabolo mi do̱li nè sé guè toul gangna souraguèl nyèta, da kè to̱ko̱ bilkaouli a koukoula hi nè bon jing jonafèn akli,

Romainli 15:19

Jing njèran a fèn to̱ko̱nakèli tèn fèn sakamli ka mboro njèran a Esprit a Ouone, mono on mè tissaonkè an pou Jérusalem da an bil sél koukoula afékéli ko̱ mi diya an bèlkè bo̱l tèn an guèl Illyrie, da mè sa mboura toul bèlabaï a Christ yaïli manguèl bon.

Pinali a Njou‐Mboro‐Pinali 28:23

Da ko̱ klime kèn namkè hi nè tou, kli gui nyèta guè monè an bil voulè. Da kème to̱ko̱ saon baï on hi kli, ka sa bongbaï toul bilkaou a Ouone, ka wara kli an toul baï a Jésus ko̱ mi dé an bil guingna Moïse da mi dé an bil prophèteli tinassaonkè ka toula pélé bo̱l tèn bèlaléou.

Saint Marc 16:20

Da klime sé, ka sa mboura manguèl bon. Da Nanjou mi nding pina jing kli ka mboro njèran pinali ko̱ mi gui fal, mi to̱ko̱ ko̱ baïnjaka ba babaï. Amen.

Pinali a Njou‐Mboro‐Pinali 26:20

da mème ti to̱ko̱ bongbaï aïn hi njoukouli an pou Damas ti dambèl, da afal tèn njoukouli an pou Jérusalem kéng tèn bil sél koukoula an guèl Judée bon, da ndé tèn mèran pime pouli kéng, ba an klime hèkè békéfèn kli da ki go̱ro̱ kli guè mona Ouone, jing ndingna pina on ko̱ mi mapélékè hèkèna békéfènli.

Pinali a Njou‐Mboro‐Pinali 1:8

Da yé oui ma ya njèran ko̱ Saint‐Esprit mi gui toul baï, da yé oui ma sa bongbaï ni pou Jérusalem, da an guèl Judée, da an guèl Samarie, da do̱li sé bo̱l tèn sèkèrè guèl ndèk an koukoula aïn.