Romainli 1:3 - Féké Testament 1947

³ baï toula Goune nè ko̱ tèn ka mèran David ka mboro naïn‐mone.

Romainli 1:3 ပူးပေါင်းရင်းမြစ်များ

Saint Matthieu 1:1

Takarata a sarang a tangko a Jésus-Christ, Goune a David, goune a Abraham.

Galateli 4:4

Da ko̱ namkè mi mabongkè tou, Ouone mi pi Goune nè gui koukoula ko̱ waïn mi mboung nè, da kème tèn an bo̱ko̱ guingna.

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Saint Jean 1:49

Nathanaël mi sa hi nè: Rabbi, mo ba Goune a Ouone, mo ba nanjoukaou a Israël.

Saint Luc 1:35

Ange mi féré sa, ka sa hi Marie: Saint‐Esprit ma gui to̱ulo̱, da tétéme njèran a Sèkèrè Guèl Ndèk ma goukou mo. Mono baï on ko̱ mo ma bi ling a Tangna‐fofoto fèn on ko̱ mo ma mboung nè ba Goune a Ouone.

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Romainli 9:5

kli on ko̱ ba titili tangkoli, da Christ mi tèn an bil mèrèn kli, ka mboro naïn‐mone, kè on ko̱ o toul fènli bon, Ouone on ko̱ mi jing samnafèn kambèlè. Amen!

Saint Jean 20:28

Thomas mi féré sa, ka sa hi nè: O! Nanjou ni da Ouone ni!

Saint Jean 10:30

Mè da Baba ba mbéo.

Saint Matthieu 1:16

Jacob mboung Joseph, ko̱ ba wa a Marie, ko̱ mboung Jésus, ko̱ ling‐è ba Christ.

2 Tim 2:8

Mo bi laou‐o̱ toula Jésus‐Christ, kè ba mèran David, ko̱ mi tome an wora houli bong bèlabaï ni,

1 Corinthienli 1:9

Ouone ba lodok, kè on ko̱ mi di oui baï vona ka go̱ro̱ mbéo jing Goune nè Jésus‐Christ Nanjou na.

Pinali a Njou‐Mboro‐Pinali 2:30

Mono on, baï ko̱ kè ba prophète, da kème toutou ko̱ Ouone mi bi gonjaka hi nè ka serment, yé kè ma hi njoukou mbéo ka mèrèn nè, baï kaouna toul kangala njaka bara nè,

Saint Jean 20:31

Da fèn aïnli mi dé an bil takarata tou, baï an ouime la bilaou ko̱ Jésus ba Christ ka babaï, Goune a Ouone; da ko̱ ouime la on bi laou baï, oui ma jing yana ka ling‐è.

Saint Jean 10:36

Oui sa baï an kè on ko̱ Baba fèni mi walè bi, da pi nè gui mona njou‐koukoula li: Mo poukou ba Ouone! Baï ko̱ mè sa: Mè ba Goune a Ouone dé?

Saint Jean 5:25

Babaï, babaï, mi mè sa hi oui, name ma gui o̱, da kan kassénaï tou, ko̱ houli ma la mbo̱ka Goune a Ouone da kli on ko̱ mi la mbo̱kè, yé kli ma yan.

Saint Luc 1:69

Kè hi bèla njèran Njou‐yana‐baï‐toul hi na. An bil voula David, njou‐bakara nè,

Saint Matthieu 27:43

Kè vourou laou‐è bou mona Ouone; yèng a Ouone mi lé mbèlè kassénaï, tokoré kème jiji nè, baï ko̱ kème sa ba kè ba Goune a Ouone.

Saint Matthieu 26:63

Da Jésus mi kaou ka njakè. Da zaworo sacrificateur sa hi nè: Mè lou fèn ka ling a Ouone ko̱ yan, mo sa hi na, tokoré mome ba Christ, Goune a Ouone.

Saint Matthieu 15:22

Da mono, waïn Cananéenne mi ourou an koukoula an ndourou, ka gui, da wan njaka, ka sa: Nanjou mo Goune a David, mo nding haïo hi mi! Zabolo mi to̱ko̱ssé hi goune waïn ni nyèta.

Saint Matthieu 12:23

Da laou a ro̱kè njoukouli bon mi sé siya, kli sa: Njoukou aïn ba goune a David ya lé?

Saint Matthieu 9:27

Da ko̱ Jésus mi ourou ka ta ka soko, njou‐foukoura nondi séré mi sé falè, kli wan njaka guè siya, ka sa: Mo nding haïo hi na, mo Goune a David!

Saint Matthieu 3:17

Da mono, bounaka mi ba gui ka nonkala, ka sa: Kè ba Goune ni, ko̱ mème sé hang‐è nyèta, ko̱ mi bi wélé touli ta.

Saint Matthieu 1:6

Isaï mboung David. Nanjoukaou David mboung Salomon jing waïn a Urie;

Apocalypse 2:18

Da mo dé takarata aïn hi ange a église a Thyatire: Goune a Ouone, kè on ko̱ nonè na mahana ka léme sél hèlè, da bo̱kè mahana ka mbo̱sso̱ ko̱ o̱ ta, kè sa fèn on:

2 Jean 1:7

Da kassénaï njou‐rongna njoukouli nyèta sé an bilkaou koukoula aïn, kli on ko̱ tane sa bi kala ko̱ Jésus‐Christ mi gui ka naïn‐mone ya. On ba njou‐mongna njoukouli da antichrist.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

Titili Takarata a Jean ko̱ dé 5:5

Guème ko̱ gnèrèn bilkaou koukoula aïn baï njéna lé, tokoré mi tane ti ba kè on ko̱ mi la bilaou ko̱ Jésus ba Goune a Ouone ya lé?

Titili Takarata a Jean ko̱ dé 5:1

Njoukou on ko̱ mi la bilaou ko̱ Jésus ba Christ, Ouone mi mboung nè, da njoukou on ko̱ mi sé hang a Ouone ko̱ mboung nè, njoukou on mi ndé sé hang a kè on ko̱ Ouone mi mboung nè kéng.

Titili Takarata a Jean ko̱ dé 4:15

Kè on ko̱ mi sa bi kala ko̱ Jésus ba Goune a Ouone, Ouone mi bi an bilè, da kème bi an bila Ouone.

Titili Takarata a Jean ko̱ dé 3:23

Da on ba bina baïnjaka guingna nè: dadaon an name la bilaou ling a Goune nè Jésus‐Christ, da sé hang hana, mabahana ka bina baïnjaka on ko̱ kème bi hi na tou.

Titili Takarata a Jean ko̱ dé 3:8

Kè on ko̱ mi nding békéfèn, kè ba a zabolo, baï ko̱ zabolo mi ti nding békéfèn jinguèl ka titilikè. Baï on mi ko̱ Goune a Ouone mi gui baï bona pina a zabolo.

Titili Takarata a Jean ko̱ dé 1:3

fèn on ko̱ name ko̱ tou, ka la tou, mi ko̱ name ndé sa hi oui kéng, baï an oui bon mi tou baï vona ka go̱ro̱ mbéo jing na. Da ka babaï, vona ka go̱ro̱ mbéo na mi na jing ba Baba fènè da jing Goune nè Jésus‐Christ.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Romainli 1:9

Baï ko̱ Ouone ko mème nding bakara hi nè, ka laou ni baï toul bèlabaï a Goune, nè, mi ko̱ sa bongbaï ni, ko̱ mème hanran di ling baï guèbassoko ko̱ mème hiou nè.

Pinali a Njou‐Mboro‐Pinali 9:20

Da koukoulion, kème sa mboura bèlabaï an bil synagogueli mane mbéo mbéo, ko̱ Jésus ba Goune a Ouone.

Pinali a Njou‐Mboro‐Pinali 8:36

Da ko̱ klime pane séna guè domboro kli tèn mbi hana, da founa on mi sa: Mo ko̱ mbi mi naï, fèn mi ko̱ dèn an mème ya baptême lé?

Pinali a Njou‐Mboro‐Pinali 3:13

Ouone a Abraham da a Isaac, da a Jacob, da Ouone a tangko nali mi hi jonafèn hi njou‐bakara nè Jésus tou, kè on ko̱ ouime souti nè da njomo nè an nona Pilate, ko̱ kème badi baï yèngna nè.

Saint Jean 7:42

Takarata a Ouone mi sa: Christ ma gui ka ba mèran David ya lé? da kè ma gui an pou Bethléhem, pou a David, ko̱ kème bi ndourou jinguèl ya lé?

Saint Jean 1:34

Da mè ko̱ tou, da sa bongbaï ko̱ kè on ba Goune a Ouone.

Romainli 4:1

Mono on, yé na sa Abraham tangko na ka mboro naïn‐mone mi jing ba fèn lé?

Romainli 9:3

Da mè feni mi ma baï sana jo̱jo̱ jinguèl baï guina ba fèn poukouna, ka wal jing Christ baï toula yine nili, mèrèn nili ka naïn‐mone,

1 Corinthienli 10:18

Oui ko̱ njou‐Israëli ka mboro naïn‐mone; kli on ko̱ mi son fèn sacrifice, kli tane ga vo jing hana ka go̱ro̱ mbéo an autel on ya lé?

1 Timothée 2:5

Baï ko̱ Ouone ba mbéo bo̱l, da njou‐vonabaï mbéo bo̱l kèng an hanguèl a Ouone jing njoukouli, kè fènè njoukou Christ‐Jésus,