Jude 1:3 - Féké Testament 1947

³ Oui on ko̱ mème sé hang baï nyèta, da ko̱ mème nza mborokè baï déna takarata hi oui toula yana‐baï‐toul ama bon, on kara mi baï déna hi oui, an mème wara oui baï laïnabi pouta an tounassaon ko̱ mi hi njou‐lana‐bilaouli ka mborokè bo̱ko̱ mbéo mapélékè baï kambèlè.

Jude 1:3 ပူးပေါင်းရင်းမြစ်များ

1 Timothée 6:12

Mo rou bèla rouna a tounassaon, ching yana kambèlè, ko̱ mi di mo baï yanakè jinguèl, da mo sa bèla bongbaï bi kala an nona njou‐lana bongbaïli nyèta.

Philippienli 1:27

Dadaon bong séna abaï mi mabong bèlabaï a Christ, baï ko̱, tokoré mème guè baï ko̱na oui, maléba mème tane tiya, mè voro baï lana bong pina abaï ko̱ oui mi laïbi jing esprit mbéo, ka laou mbéo ka chomna bo̱ko̱ tounassaon bèlabaï jing hana.

Jude 1:20

Da oui on, ko̱ mème sé hang baï nyèta, oui pou mone baï ka mboro tangna fofoto tounassaon abaï da hiou Ouone ka Saint‐Esprit.

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

Tite 1:4

Mè pi takarata aïn hi Tite, dodok goune ni, ko̱ name ndé jing tounassaon jing hana. An Ouone Baba da Christ‐Jésus Njou‐yana‐baï‐toul ama, mi hi ndingna mbo̱l da go̱ro̱ iki hi mo.

Apocalypse 2:10

Mo ngou waou fènli on ko̱ ma to̱ko̱ssé hi mo koukoulion ya. Mo ko̱, koukoulion zabolo ma wou hanali mbéo mbéo an woro baï an voul jo̱bo̱, an on mi lé oui, da mo ma to̱ko̱ssé name bo. Mo laïbi lodok bo̱l tèn houl, da mè ma hi mbélé couronne yana hi mo.

2 Tim 1:13

Mo pèng mèran bèla baïnjaka on pou ko̱ mo mi la an njaka ni, ka tounassaon da sénahang on ko̱ mi na ka bila Christ‐Jésus.

1 Timothée 1:18

Mè yèng bina baïnjaka on bi njako̱ goune ni Timothée, ka mboro bong njaka a Ouone ko̱ mi to̱ko̱ mboro hi mo ka titilikè, baï ko̱ ka mboro baï on, mo ma baï rouna bèla rouna béré on.

Galateli 2:5

Da na tane ga ji bo̱ko̱kè jing kli ka l’heure mbéo ya, ka pong mingna baï akli, an babaï a bèlabaï mi laïbi jing oui.

Hébreuli 13:22

Mè wara oui yindi, oui laïbi jing mi ka la baïnjaka warafèn; baï ko̱ mème dé takarata hi oui gounfènakè ka baïnjaka nyèta ya.

Pinali a Njou‐Mboro‐Pinali 9:22

Da Saul mi gui njèrèn ta guèbambèl. Da laou a Juifli on ko̱ bi an pou Damas mi dou maïya, baï ko̱ kème sa saonkè hi kli ko̱ Jésus ba Christ.

1 Thessalonicienli 2:2

Da ko̱ oui toutou afal ko̱ name to̱ko̱ssé da klime nding fèn chonron jing na jinguèl an pou Philippes, name nding ndo̱t ka bila Ouone na, baï sana bèlabaï a Ouone hi oui, ka bil joungna hang abaï nyèta.

1 Corinthienli 15:3

Baï ko̱ titili fènli bon ko̱ mème sa mboura hi oui, mème hi ba fèn on hi oui ko̱ mème ndé ya kéng, ko̱ Christ mi hou baï toul békéfèn nali, mahana ko̱ Takarata a Ouone mi sa;

Pinali a Njou‐Mboro‐Pinali 4:12

Da yana‐baï‐toul tane ti bila njoukou aféké ya, baï ko̱ ling aféké an bo̱ko̱ nonkala tane tiya ko̱ hi an jéng an njoukouli ko̱ ma kou na.

Pinali a Njou‐Mboro‐Pinali 18:28

Da kème samba Juifli an nona ro̱kè njèrèn ta ka to̱ko̱ ka ba mboro Takarata a Ouone ko̱ Jésus ba Christ.

Pinali a Njou‐Mboro‐Pinali 17:3

ka wéré nonkè bi kala ka sa saonkè ko̱ on ba babaï ko̱ dadaon Christ mi to̱ko̱ssé da tome an wora houli. Da ba Jésus on mono ko̱ mème sa mboura hi oui, da kè fènè mi sa kè ba Christ.

Jude 1:17

Da oui on, ko̱ mème sé hang baï nyèta, oui bi hang baï toul baïnjaka on ko̱ njou‐mboro pinali a Nanjou na Jésus‐Christ mi sa jinguèl,

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

1 Titili Takarata a Pierre ko̱ dé 5:12

Mè pi goune takarata aïn ndo̱ka Silvain, kè on an noni ba yine na lodok. Mè wara oui, ka sa bongbaï ko̱ on ba gba ndingna mbo̱l a Ouone; oui laïbi ona jing rou.

Colossienli 1:2

name pi takarata aïn hi njou‐lana‐bilaouli, da yindi lodok ka bila Christ ko̱ mi bi pou Colosses, Ouone Baba na mi hi ndingna mbo̱l da go̱ro̱ iki hi oui!

Philippienli 1:1

Paul kira Timothée, njou‐koïli a Christ‐Jésus, mi pi takarata aïn hi njou‐lana‐bilaouli bon an bila Christ‐Jésus ko̱ bi an pou Philippes, jing njou‐ona toul pinali a église da njou‐bakara a église.

Éphésienli 1:1

Paul, njou‐mboro‐pina a Christ‐Jésus ka mboro kaouna mara fal toula Ouone, mi pi takarata aïn hi njou‐lana‐bilaouli on ko̱ mi kaou an pou Éphèse, da kli on ko̱ mi kaou lodok ka bila Jésus‐Christ.

Galateli 6:11

Oui ko̱ takarata ko̱ nonkè mi honta, ba mè fèni mi ko̱ dé jing dodok ndo̱ko̱ ni hi oui.

Pinali a Njou‐Mboro‐Pinali 28:28

Mono on dadaon an ouime tou on ko̱ mi pi yana‐baï‐toul a Ouone on hi mèran gentili, an klime ndé la kéng.

Pinali a Njou‐Mboro‐Pinali 20:27

Baï ko̱ mème tane ga pong ya baï to̱ko̱na hi oui, badinafèn bon a Ouone.

Galateli 3:28

Da ka bilè, Juif maléba Grec tane tiya, koï maléba goune gangna tane tiya, wonron njoukou maléba waïn tane tiya, baï ko̱ oui bon ba njoukou mbéo bo̱l ka bila Christ‐Jésus.

Pinali a Njou‐Mboro‐Pinali 6:7

Da baïnjaka Ouone mi ti guèbambèl da njou‐séna bongli mi taïnkon nyèta an pou Jérusalem, da ro̱kè sacrificateurli nyèta mi la bilaou.

Pinali a Njou‐Mboro‐Pinali 9:13

Da Ananias mi féré sa: Nanjou mè lala baï a njoukou aïn an njaka njoukouli nyèta, ko̱ kème nding fèn bèlya jing njou‐lana bilaou noli an pou Jérusalem.

Hébreuli 6:9

Da tongna ko̱ name sa mahana ka aïn, oui on ko̱ name sé hang baï nyèta da laou na mi pane jing oui baï vora bèla fèn on honta, da fèn on ko̱ sé jing yana‐baï‐toul.

2 Pierre 2:21

Dadaon bèlta baï a kli da tokoré klime tane ga tou mboro guédék jinguèl ya, da afal ko̱ klime tou mborokè tou, kli ki féré fal mbora tangna fofoto bina baïnjaka guingna on ko̱ mi hi kli.

Jude 1:1

Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.