Jude 1:1 - Féké Testament 1947

¹ Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.

Jude 1:1 ပူးပေါင်းရင်းမြစ်များ

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

1 Thessalonicienli 5:23

Da an Ouone a go̱ro̱ iki mi wal oui bi guédék baï nè fènè. Da mè hiou Ouone an kème pèng esprit da laou tèn kli‐mone baï bon, an ouime kaou ka rongo mahana ka on an name guina Nanjou na Jésus‐Christ!

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Saint Jean 14:22

Judas, tane ti ba Iscariot ya, mi sa hi nè: Nanjou, ka mboro hani da mo ma to̱ko̱ mo fèno hi na, da tane ti hi bilkaou koukoula aïn ya lé?

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Romainli 1:1

Paul, koï a Jésus‐Christ, ko̱ Ouone mi di nè ba njou‐mboro‐pina, da walè bi baï bèlabaï a Ouone,

Saint Jean 17:15

Mè tane ga hiou mo an mome téne kli tèn kala an wora njou‐koukoulali ya, da ba baï an mome pèng kli baï an klime tane hèdi békéfèn ya.

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Romainli 8:30

Da kli on ko̱ kème sane ka tang ambèl, kème ndé di kli kéng; da kli on ko̱ kème di, kème ndé nding kli gui guédék kéng; da kli on ko̱ kème nding kli gui guédék; kème ndé hi jonafèn hi kli kéng.

Romainli 6:22

Da kassénaï baï ko̱ mi sél oui an bil békéfèn tou, da ouime tèn ba koï a Ouone, léna abaï ba baï wala mone baï bi baï a Ouone da sèkèrèkè ba yana kambèlè.

1 Titili Takarata a Pierre ko̱ dé 1:2

ka mboro tounafèn a Ouone Baba ti dambèl, ko̱ wal kli bi baï nè ka mboro Esprit, an klime la baï bèlta, da an klime wèn séme a Jésus‐Christ toulkè: an ndingna mbo̱l da go̱ro̱ iki abaï mi taïnkon guèbambèl!

TAKARATA A JACQUES KO̱ DÉ 1:1

Jacques, koï a Ouone da a Nanjou Jésus‐Christ, mi pi takarata aïn hi mèrèn kadouk botoulè‐séré on ko̱ mi yaïli manguèl, woromon hi oui.

2 Tim 4:18

Yé Nanjou ma sél mi a béké pinali bon da kè ma kou mi baï an mème kan an bilkaou nè an nonkala. Mi hi jonafèn hi nè kambèlè go̱ kambèlè! Amen!

1 Thessalonicienli 2:12

Name wara oui an mone baï mi pou oui, da name sa bongbaï, mono on, dadaon an bong séna abaï mi mapélékè an nona Ouone, kè on ko̱ mi di oui guè dodok bilkaou nè tèn jonafèn nè.

Éphésienli 5:26

baï an kème wal église bi baï a Ouone baï ko̱ kème tourou nè ka mbi ka mboro baïnjaka fènè tou.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

1 Corinthienli 1:2

name pi takarata aïn hi église a Ouone ko̱ mi bi an pou Corinthe, kli on ko̱ Ouone mi wal bi fènè tou, ka bila Christ‐Jésus, ko̱ mi di kli ba njou‐lana‐bilaouli, mabahana jing kli on bon ko̱ mi di ling a Nanjou na Jésus‐Christ manguèl bon, Nanjou akli tèn ama:

Romainli 16:18

Baï ko̱ njoukouli mahana ka on mi tane ga nding bakara hi Christ Nanjou na ya, da an bil kli fèn kli, kli mong laou a njoukouli on ko̱ mi kaou ka rongo jing bèla njaka bong baï kli.

Romainli 9:24

Na mini, ko̱ kème ndé di na kéng tane ti ba an wora Juifli ka ho̱ko̱ kli ya, da ndé tèn an wora Gentili kéng.

Pinali a Njou‐Mboro‐Pinali 27:23

Baï ko̱ ange a Ouone, kè on ko̱ mè ba amè da ndé nding bakara hi nè kéng mi o bèl moni ka hangnachoung aïn,

Saint Luc 6:16

Jude yine a Jacques tèn Judas Iscariot kè on ko̱ tèn ba njou‐gabilyoï.

Pinali a Njou‐Mboro‐Pinali 20:32

Da kassénaï mè yèng oui bi ndo̱ka Ouone, da baïnjaka ndingna mbo̱l nè, on ko̱ mi ma baï pouna mone baï, da hi fèn yanapélé hi oui an wora kli on bon ko̱ Ouone mi wal bi baï nè fènè.

Pinali a Njou‐Mboro‐Pinali 1:13

Da ko̱ klime kan tou, kli hé sé guè laou gangna bil voulou, da guèl kaouna akli, ko̱ ba Pierre, Jean, Jacques, André, Philippe, Thomas, Barthélemy, Matthieu, Jacques goune a Alphée, Simon Zélote da Jude, yine a Jacques.

Saint Jean 17:19

Da baï toul kli mè fèni mi wal bi, baï an kli fèn kli mi ndé wal bi kéng ka mboro babaï.

Saint Jean 17:17

Mo wal kli bi baï no fèno ka mboro babaï: baïnjako̱ ba babaï.

Saint Jean 15:16

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

Saint Jean 12:26

Da tokoré njoukouna mi nding bakara hi mi, an kème gui fali; baï guèl on ko̱ mème kaou, yé njou‐bakara ni ma ndé kaou ndourou kéng. Tokoré njoukouna mi nding bakara hi mi, yé Baba fènè mi dik nè.

Saint Jean 6:39

Da baï kaouna mara fal toula kè on ko̱ mi pi mi mono, njoukouli bon on ko̱ kème hi kli hi mi, baï an mème tane bo̱l hana mbéo an ndo̱ko̱ ni ya, da mè ma tome kli ka sèkèrè name.

Saint Marc 3:18

da André; Philippe; Barthélemy; Matthieu; Thomas; da Jacques goune a Alphée; Thaddée, da Simon le Cananite;

Saint Matthieu 10:3

Philippe, da Barthélemy; Thomas, da Matthieu ko̱ ba njou‐mangna l’impôt; Jacques, goune Alphée, da Thaddée; Simon Cananite,

Saint Matthieu 13:55

Kè on ko̱ ba goune a njou‐sarapandé ya lé? Kli bi ling a ma nè ba Marie ya lé? da yine nèli ba Jacques, da Joseph da Simon tèn Jude ya lé?

Saint Marc 6:3

Kè ba njou?-?salapandé ya lé, goune a Marie, yine nèli ba Jacques, da Joses da Jude tèn Simon ya lé? Da njo̱‐waïn fèn nèli mi ndé kaou woro na ya lé? Da kè tèn jing kli ba fèn bèna.

Romainli 1:6

Da an woro kli on Jésus‐Christ mi ndé di oui kéng.

Jude 1:3

Oui on ko̱ mème sé hang baï nyèta, da ko̱ mème nza mborokè baï déna takarata hi oui toula yana‐baï‐toul ama bon, on kara mi baï déna hi oui, an mème wara oui baï laïnabi pouta an tounassaon ko̱ mi hi njou‐lana‐bilaouli ka mborokè bo̱ko̱ mbéo mapélékè baï kambèlè.

Jude 1:21

Oui pèng mone baï an bil sénahang a Ouone, ka voro ndingna haïo a Nanjou na Jésus‐Christ baï yana kambèlè.