TAKARATA A JACQUES KO̱ DÉ 5:5 - Féké Testament 1947

⁵ Oui kaou an koukoula baï ndingna ba fèn gangnali, da baï ndingna ba fènli ko̱ na laou baï, da go̱ro̱ baï mi mba jing bèla fènli nyèta, ka name koungna sola njoukou.

TAKARATA A JACQUES KO̱ DÉ 5:5 ပူးပေါင်းရင်းမြစ်များ

1 Timothée 5:6

Da kè on ko̱ mi hi monè fènè bi jangnandaï a koukoula, kè ba njou‐houl tongna on ko̱ kème pane yana.

Saint Luc 16:25

Da Abraham mi sa: Goune ni, mo yangnaran ya, ko̱ mome pane yana a koukoula mo jing bèla fèn noli, da Lazare jing amè ba fèn ko̱ bèlya on. Da kassénaï go̱rè mi vo tou an guèl aïn, da mo kaou amo ba guèl to̱ko̱nassé.

Saint Luc 16:19

Jinguèl nguèra njoukou mbéo makaou. Kè bou bitibiti la da bèla la maïya. Da kè kaou ka jangnandaï, da laka mi nyèta guèbassoko.

Apocalypse 18:7

Mahana ko̱ kème jone monè fènè, da kè kaou jing fèn nguèra nè nyèta, mono on oui hi to̱ko̱nassé hi nè da go̱ro̱ séta mahana ka on, baï ko̱ kè kèrè ka laou‐è fènè. Mo ba waïn nanjoukaou, mè tane ti ba waïn choré ya, da mè ma ko̱ go̱ro̱ séta gounfènakè ya!

Jude 1:12

Kli ba kli on ko̱ ba fèn dakame an woro laka a sénahang abaï ko̱ kli son jing oui, njou‐kora badouali ko̱ mbé kli‐mone kli ka son ka mba tane waou. Kli ba yiri mbame, ko̱ ti jing mbi ya, koukouna kou kli toutoul; kli ba di ka njaka kéou ko̱ ti jing lénakè ya, houl bo̱ko̱ séré, lourou ka saonkèli;

2 Pierre 2:13

ka ko̱ko̱ sal békéfèn akli. Njoukouli on ko̱ ko̱ bèl mone kli ta baï ndingna fèn maï maï jing mone kli séssé mi o laou toul, njoukouli on ko̱ mi kaou ka bila da nongno sakafèn jing mongnafèn akli ko̱ kli son laka sénahang jing oui.

2 Tim 3:4

Njou‐jo̱la njoukouli, njou‐kaouna wangli, njou‐joungna mone klili maïya, njou‐jina jangnandaïli, da kli tane ga ji Ouone ya.

Romainli 13:13

An name sé ka mbonatoul an nona ro̱kè ka séssé tane ndingna fèn ka ndo̱l ya, tane houl houl vone ya, tane nzala ndingna békéfèn ya, tane ndingna maïn ya, tana njakana ya, maléba tane fanahang ya.