TAKARATA A JACQUES KO̱ DÉ 5:16 - Féké Testament 1947

¹⁶ Mono on, oui hèkè békéfèn abaïli bi kala jing hana, ka hiou Ouone baï toul hana, baï an mone baï mi haï. Sana jo̱jo̱ Ouone ka laou a njou‐guédék mi bassa ta ka pina nè.

TAKARATA A JACQUES KO̱ DÉ 5:16 ပူးပေါင်းရင်းမြစ်များ

Saint Matthieu 21:22

Da fènli on ko̱ ouime oui, ka mboro hiouna Ouone, ka la bilaou, yé oui jing.

Saint Jean 9:31

Na toutou ko̱ Ouone mi tane la baï a njou‐békéfènli ya, da tokoré njoukouna mi hiou Ouone da kaou mara fal toulè, kè on Ouone mi la nè.

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Titili Takarata a Jean ko̱ dé 3:22

Da fèn on ko̱ name oui, na mi ya an ndo̱kè, baï ko̱ name pèng bina baïnjaka guingna nèli, ka nding fènli on ko̱ mi bi wélé toulè.

Pinali a Njou‐Mboro‐Pinali 19:18

Da njoukou hanali nyèta an wora kli on mi la bilaou tou, klime gui ka hèkè békéfèn kli bi kala kéng ka sa ndingna fènli a kli.

1 Thessalonicienli 5:17

Oui laïbi hiouna Ouone.

Hébreuli 12:13

Da oui mosso domboro tane ta baï a bo̱ko̱ baï, mono on bo̱ko̱ on ko̱ mi komoron mi dé domboro kli ya, da monè haï bèlta;

1 Thessalonicienli 5:25

Yindi, oui hiou Ouone baï toula.

Saint Matthieu 3:6

Kè nding baptême hi kli an bil mbi Jourdain ko̱ klime hèkè békéfèn aklili bi kala.

Hébreuli 13:18

Oui hiou Ouone kon toula, baï na toutou ko̱ laou‐tounafèn na na bèlta ka ji séna ka mboro on mane jing fènli bon.

Hébreuli 11:7

Ka mboro tounassaon mi ko̱ Noé, ko̱ Ouone wara nè toul fènli ko̱ kè pane ga ko̱ ya, kè ngou waou nona Ouone, da kè mosso kombone baï kouna njou‐voulèli; da ka mboro on kè sa baï kon toula njou‐koukoulali, da tèn njou‐yana pélé a guédék on ko̱ mi na ka mboro tounassaon.

Romainli 5:19

Mono on, mahana ka mboro fana baï a njoukou mbéo bo̱l, ko̱ njoukouli nyèta mi tèn ba njou‐békéfènli tou, da mono ndé on kéng, yé ka mboro lana baï a njoukou mbéo bo̱l, njoukouli nyèta mi gui guédék.

Romainli 3:10

Mahana ko̱ mi dé: Njoukouna mbéo mi tane ti guédék ya, Hana mbéo tiya:

Hébreuli 11:4

Ka mboro tounassaon mi ko̱ Abel hi sacrifice hi Ouone ko̱ bèl honta a Caïn; ka mboro on mi sa bongbaï nè ko̱ kè ba guédék. Ouone sa bongbaï toul toul ndo̱ko̱ a Abel, da ka mboro on kè pane sanakè tongna ko̱ kè hou tou.

Pinali a Njou‐Mboro‐Pinali 10:38

ka mboro on ko̱ Ouone mi mèn Saint‐Esprit, da njèran kon toula Jésus an pou Nazareth, kè on ko̱ mi sé manguèl baï ndingna bèlafèn, da baï séla kli on bon ko̱ zabolo mi ya kli ka koï, baï ko̱ Ouone mi kaou jing nè.

1 Thessalonicienli 5:23

Da an Ouone a go̱ro̱ iki mi wal oui bi guédék baï nè fènè. Da mè hiou Ouone an kème pèng esprit da laou tèn kli‐mone baï bon, an ouime kaou ka rongo mahana ka on an name guina Nanjou na Jésus‐Christ!

Colossienli 1:9

Baï on na kéng, ka titili name on ko̱ name la baï on, na laïbi hiouna Ouone ka sa jo̱jo̱ nè baï toul baï, baï an ouime gui mba ka touna nguite, baï kaouna mara fal toulè jing cho̱kna bon tèn tounafèn bon a Esprit,

Saint Luc 9:6

Da kli ourou da sé bil pouli bon ka sa mboura bèlabaï, da haï mona njou‐jangmali manguèl bon.

Saint Marc 1:5

Da njoukouli bon an guèl Judée, tèn kli bon an pou Jérusalem mi guè monè; da kè nding baptême hi kli an bil mbi Jourdain, ko̱ klime hèkè békéfèn aklili bi kala.

Pinali a Njou‐Mboro‐Pinali 8:24

Da Simon mi féré sa, ka sa: Oui hiou Nanjou baï touli, baï an fèna mbéo ko̱ ouime sa mi tane gui moni ya.