TAKARATA A JACQUES KO̱ DÉ 4:8 - Féké Testament 1947

⁸ Oui dong guè bèl mona Ouone, da yé kè ma dong gui bèl mone baï. Oui tourou ndo̱ko̱ baï, oui njou‐békéfènli, oui tourou go̱ro̱ baï tang, oui njou‐laou séré séréli.

TAKARATA A JACQUES KO̱ DÉ 4:8 ပူးပေါင်းရင်းမြစ်များ

Hébreuli 10:22

An name guè monè jing go̱ro̱ on ko̱ na ka babaï, on ko̱ mi mba jing tounassaon, da kè wèn séme kon toul go̱ro̱ na baï toura béké laou‐tounafèn na tang da kè tourou kli‐mona ka bèla mbi,

Titili Takarata a Jean ko̱ dé 3:3

Da njoukou on ko̱ mi jing oliya aïn an bilè, kè on mi njomo monè fènè jing békéfèn nè, mahana ka kè ko̱ kaou tang fofoto.

Hébreuli 7:19

Baï guingna tane ga mosso fèna mbéo guédék ya, da kè bourou njaka mboro a oliya ko̱ bèl honta, da bo̱l on mi na guè mona Ouone.

2 Corinthienli 7:1

Mono on, yindi ko̱ mème sé hang baï nyèta, baï ko̱ name jing bina gonjaka on, dadaon an name tourou go̱ro̱ na fèna jing fèn dakamli bon a naïn‐mone, tèn esprit na, da gui jing tangna go̱ro̱ fofoto ka ngou waou nona Ouone.

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Saint Matthieu 12:33

Maléba oui sa di bèlta ko̱ lé bèla lénakè, maléba oui sa di poumna ko̱ mi lé poumna lénakè; baï ko̱ njoukou mi toutou di ka lénakè.

1 Timothée 2:8

Mono on, mè ji an njoukouli mi hiou Ouone manguèl bon, ka ndara ndo̱ko̱ kli bon tang fofoto guè siya tane hèrè jing ndingna ka ndouri ya.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

TAKARATA A JACQUES KO̱ DÉ 1:8

on ba njou‐laou séré, kème sé maï maï jing mboro nèli bon.

Pinali a Njou‐Mboro‐Pinali 15:9

da Ouone tane ga ko̱ na ka toul jing kli ya, baï ko̱ kème tourou go̱ro̱ kli ka mboro tounassaon.

Saint Matthieu 15:2

Baïfèn da njou‐séna bong noli mi moungnourou tang baï a tangchidoli lé? Baï ko̱ klime tane ga tourou ndo̱ko̱ kli ya ko̱ klime yé sona laka.

Saint Matthieu 27:24

Da ko̱ Pilate mi ko̱ on ko̱ kème sa jing kli pélé, da ko̱ njakana mi nding baï guina, kè ya mbi ka tourou ndo̱kè rou an nona ro̱kè njoukouli on, ka sa: An mi ba rongo jing séme a njou‐guédék aïn. Da on ba baï abaï fèn baï.

TAKARATA A JACQUES KO̱ DÉ 3:17

Da cho̱kna on ko̱ mi gui ka nonkala ka titilikè mi na tang fofoto, da afal mi jing vona go̱ro̱ ka pan, ka ji bo̱ko̱ baï rèkè dèk, ka mba jing haïo, da jing bèla lénakè ka tane lang ya, da tane mong fèn ya.