TAKARATA A JACQUES KO̱ DÉ 3:17 - Féké Testament 1947

¹⁷ Da cho̱kna on ko̱ mi gui ka nonkala ka titilikè mi na tang fofoto, da afal mi jing vona go̱ro̱ ka pan, ka ji bo̱ko̱ baï rèkè dèk, ka mba jing haïo, da jing bèla lénakè ka tane lang ya, da tane mong fèn ya.

TAKARATA A JACQUES KO̱ DÉ 3:17 ပူးပေါင်းရင်းမြစ်များ

TAKARATA A JACQUES KO̱ DÉ 3:15

Cho̱kna on mi tane ti ba cho̱kna ko̱ gui ka nonkala ya, da ba a koukoula, an naïn‐mone tèn a zabolo.

Romainli 12:9

Oui yèng an sénahang abaï mi tèn ba gba sénahang ka laou. Oui pong békéfèn ka foura mone; oui ching fèn on ko̱ bèlta.

TAKARATA A JACQUES KO̱ DÉ 1:17

Bèla toul ndo̱ko̱ bon tèn toul ndo̱ko̱ guédék bon mi diri gui ka ba nonkala, ka gui ka mona Baba a takanafènli, kè on ko̱ tane ma baï komona ya, da tane ti mahana ka tétéme ko̱ ki ya.

TAKARATA A JACQUES KO̱ DÉ 1:5

Da tokoré njoukouna an woro baï mi nak jing cho̱kna, dadaon an kème oui Ouone, kè on ko̱ mi hi njoukouli bon bo̱on, da tane ga ba baï hi kli ya, da yé kè ma hi nè.

Titili Takarata a Jean ko̱ dé 3:18

Lélé goundi, an name tane sé hang jing ba baïnjaka maléba ka ba léme sél bo̱on ya, da jing ba fèn ndingnakè jing babaï da.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Saint Matthieu 5:8

Jangnandaï mi ba baï akli ko̱ go̱ro̱ kli mi na tang fofoto, baï ko̱ yé kli ma ko̱ Ouone!

Titili Takarata a Jean ko̱ dé 3:3

Da njoukou on ko̱ mi jing oliya aïn an bilè, kè on mi njomo monè fènè jing békéfèn nè, mahana ka kè ko̱ kaou tang fofoto.

Saint Luc 21:15

Baï ko̱ mè ma hi njaka da cho̱kna hi oui, ko̱ bakèlio̱ jing oui ma baï sana mba oui tane tiya ka oui njaka baï ya.

Saint Luc 6:36

Oui nding haïo hi njoukouli mahana ko̱ Baba abaï mi nding haïo.

Hébreuli 12:14

Oui nza mboro baï kaouna ka go̱ro̱ iki jing njoukouli bon, da oui kaou jing tangna go̱ro̱ fofoto, baï a njoukou on ko̱ mi tane ti jing rou ya, tane ma baï ko̱na Nanjou ya.

2 Tim 2:24

Da tane ma an njou‐koï a Nanjou mi njaka ya, da kème nding fèn vo jing njoukouli bon, ka ma baï to̱ko̱nafèn hi njoukouli, da tou baï bouna toulè jing to̱ko̱nassé;

1 Titili Takarata a Pierre ko̱ dé 2:1

Mono on, oui kon joungna go̱ro̱ bon pa, da vaïnafèn bon da ro̱ko̱nafèn bon da fanahang da béké baïli bon.

TAKARATA A JACQUES KO̱ DÉ 2:4

— ouime tane ko̱ njoukou ta hana an woro baï ya, da ouime tèn ba njou‐walabaïli jing kèrafèn bèlya an bil go̱ro̱ baï ya lé?

Hébreuli 12:11

Kassénaï, mi ko̱ wana on bon tane ga hi jangnandaï ya, da on ba fèn baï hina go̱ro̱ séta; da afal da wana on mi lé lénakè mbarou jing go̱ro̱ iki a guédék, baï a kli on ko̱ ba pou ka mborokè.

Colossienli 1:10

baï séna ka mboro on ko̱ ma an nona Nanjou, ko̱ mi bi wélé toulè jing fènli bon, da oui lé lénakè jing bèla pina bon, da taïnkon ka mboro touna Ouone.

Romainli 15:14

Da on mi kara mi kéng yine nili, ko̱ go̱ro̱ baï fèn baï mi mba ka bèlafèn bon da mba ka tounafèn bon, da ouime ndé ma baï wara hana kéng.

1 Corinthienli 12:8

Baï ko̱ ka mboro Esprit fènè Ouone mi hi njoukou mbéo baïnjaka cho̱kna; da kème hi njoukou aféké baïnjaka tounafèn, ka ba mboro Esprit on mbéo bo̱l;

TAKARATA A JACQUES KO̱ DÉ 4:8

Oui dong guè bèl mona Ouone, da yé kè ma dong gui bèl mone baï. Oui tourou ndo̱ko̱ baï, oui njou‐békéfènli, oui tourou go̱ro̱ baï tang, oui njou‐laou séré séréli.

1 Timothée 5:21

Mè wara mo an nona Ouone da Christ‐Jésus tèn angeli on ko̱ kème sane, an mo mi bou fal fèn aïnli ka go̱ro̱ on ko̱ mi badi ka kome ya, mo tane nding fèna mbéo ya ka mboro sénahang a njoukouna ta toul aféké.

Pinali a Njou‐Mboro‐Pinali 11:24

Baï ko̱ kè ba bèla njoukou, da mba ka Saint‐Esprit da ka tounassaon, da njoukouli nyèta mi taïnkon jing Nanjou.

Saint Matthieu 23:28

Mahana ka on, oui kéng fong njou‐guédékli an nona njoukouli, da an bil go̱ro̱ baï oui mba ka mongnafènli da séla guingna.

1 Thessalonicienli 2:7

Da name kaou ka pana bil an woro baï; mahana ko̱ ma mi mbé dodok goune nèli fènè.

Philippienli 4:8

Mono baï toul gara baï on yindi, fèn mi ko̱ ba babaï, fèn mi ko̱ ba fèn dikna, fèn mi ko̱ ba guédék, fèn mi ko̱ na tangta, fèn mi ko̱ ba sénahang, fèn mi ko̱ bèla tiri baïli kon toulkè, da tokoré mbonatoul mana, da mi ma baï jonakè, oui bi hang baï toul fènli on.

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Pinali a Njou‐Mboro‐Pinali 9:36

Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta.

Saint Jean 1:47

Jésus mi ko̱ Nathanaël ko̱ gui monè da sa baï toulè: Mo ko̱ njou‐Israël ka babaï, ko̱ mi tane ga ro̱ko̱ fèn ya.

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Tite 3:2

klime tane poukou njoukouna mbéo ya, klime fa baï jing hana ya, klime kaou vomboï, da bou mone kli guè koukoula jing njoukouli bon,

Tite 1:15

Fènli bon mi tangta jing kli on ko̱ tangta; da akli on ko̱ mi tèn ba fèn dakame, da kaou ka ndouri, fènli bon mi na ba dakame da laou kèrafèn akli tèn laou‐tounafèn akli mi na ba dakame.

Romainli 12:18

Tokoré mi mabongkè baï no mana ndourou baï kaouna ka go̱ro̱ iki jing njoukouli bon.

Éphésienli 5:9

Baï ko̱ léna a takanafèn ba bila bèlafèn bon, da guédék tèn babaï bon,

2 Corinthienli 10:1

Da mè Paul fèni, mè sa jo̱jo̱ baï mbo̱l bouna mone koukoula da ndingna pan bil a Christ, — mè on ko̱ mème pane jing oui go̱ro̱ ni kaou lome, da ko̱ mème tane ti jing oui ya, mè bi hang ni toul baï,

2 Corinthienli 9:10

Da kè on Ko̱ mi hi mèrènfèn hi njou‐mèna mèrènfèn, Tèn mapa baï laka sona nè, yé kè ma nding bakara hi oui, ka taïn mèrènfèn abaï kon guèbambèl baï mènakè, da taïn léna a guédék abaï nyèta guèbambèl.

Saint Matthieu 5:9

Jangnandaï mi ba baï akli ko̱ hara njoukouli, baï ko̱ yé kli ma di kli ba goundi a Ouone!

2 Corinthienli 6:6

ka mboro tangna go̱ro̱, ka mboro tounafèn, da jing kaouna vomboï da jing pana bil, da ka bila Saint‐Esprit, tèn gba sénahang,

2 Corinthienli 7:11

Da mono mbé go̱ro̱ séta abaï on ko̱ ma an nona Ouone, mi hi sèna none hi oui nyèta, ka babaï ko̱ ouime ji baï mossona mboro baï guina guédék gata, go̱ro̱ baï mi sé oui nyèta ka babaï, da waou mi i oui nyèta ka babaï, oui bi hang baï nyèta baï guina bèlta ka babaï, oui jang baï ndingna fèn maïya ka babaï, oui sa kon toul békéfènli bon. Da jing baïli on bon oui to̱ko̱ ko̱ ouime gui tangta jing fèn on bon.

TAKARATA A JACQUES KO̱ DÉ 2:13

baï ko̱ walabaï mi tane ti jing haïo ya an toula njoukou on ko̱ mi tane ga nding haïo ya. Haïo mi ko̱ jangndaï kon toula walabaï.

1 Titili Takarata a Pierre ko̱ dé 2:18

Njou‐bakarali kaou bo̱ko̱ ndo̱ko̱ a njou‐to̱ko̱nafèn noli ka ngou waou, ti ba kli on ko̱ bèl da pan mone kli ho̱kè ya, da akli ko̱ fèn ndingna akli lata kéng.