TAKARATA A JACQUES KO̱ DÉ 2:5 - Féké Testament 1947

⁵ Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

TAKARATA A JACQUES KO̱ DÉ 2:5 ပူးပေါင်းရင်းမြစ်များ

Saint Matthieu 5:3

Jangnandaï mi ba baï a foïna njoukouli ka ba esprit, baï ko̱ yé bilkaou a nonkala ba akli!

Saint Luc 6:20

Da Jésus bi nonè guè siya, ka ko̱ njou‐séna bong nèli, ka sa: Jangndaï mi ba baï abaï ko̱ ba foïna njoukouli, baï ko̱ yé bilkaou a Ouone ba baï abaï!

Apocalypse 2:9

Mè toutou to̱ko̱nassé amo, da foïna amo ba mo kaou jing nguèra, da poukounafèn akli on ko̱ sa kli ba Juifli, da kli tane ti on ya, da kli ba synagogue a Satan.

2 Corinthienli 8:9

Baï ko̱ ouime toutou ndingna mbo̱l a Nanjou na Jésus‐Christ, tongna on ko̱ kème nguèrè jinguèl, kème tèn ba foïna njoukou baï toul baï, mono on an ouime ma baï jingna nguèra ka mboro foïna nè.

Saint Luc 12:21

Mono on, kè mahana ka kè on ko̱ mang fèn nguèra nè baï monè fènè, da kè tane ti jing nguèra a Ouone ya.

1 Titili Takarata a Pierre ko̱ dé 1:4

baï an name jing fèn yana pélé on ko̱ poume ya, maléba ti dakame ya, da ko̱ tane yéli ya, ko̱ mi pèng nonkala baï abaï.

TAKARATA A JACQUES KO̱ DÉ 1:12

Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

Hébreuli 11:26

an nonè kè ko̱ poukouna on ko̱ klime poukou Christ ba loukou nguèra ta nguèra a Égypte, baï kè voro toul ndo̱ko̱li on ko̱ kè ma jing.

Saint Luc 12:32

Oui nding waou ya, douk a lélékè, baï ko̱ on mi na hang a Baba abaï baï hina bilkaou on hi oui.

1 Corinthienli 2:9

Da mahana ko̱ mi dé: Fènli on ko̱ none mi tane ga ko̱ ya, da soukou mi tane ga la ya, da mi tane ga gui an bil go̱ra njoukou ya, fènli on Ouone mi mosso tou baï toula kli on ko̱ mi sé hang‐è.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

Apocalypse 21:7

Kè ko̱ mi gnèrèn baï njéna, yé kè ya pélé pouli bon, da mè ma tèn ba Ouone nè, da kè ma tèn ba goune ni.

TAKARATA A JACQUES KO̱ DÉ 1:9

Da dadaon an yine on ko̱ kaou guèl bouna monè guè koukoula mi jangndaï baï toul loukou guèlè.

2 Tim 4:8

Afal, kassénaï on mi pèng mbélé couronne a guédék bi koro mi, ko̱ yé Nanjou njou‐walabaï guédék ma hi mi ka name o̱kèo̱, da tane ti ba mè ka ho̱ko̱ ni ya da ba kli bon on ko̱ mi ndé sé hang guina nè kéng.

2 Corinthienli 6:10

mahana ka njou‐go̱ro̱ sétali da name jangndaï guèbassoko; mahana ka njou‐foïnali, da name nguèrè njoukouli nyèta; da mahana ka njoukouli ko̱ mi tane ti jing fèna ya, da name jing fènli bon.

Apocalypse 3:18

Mè wara mo baï zéna l’or an ndo̱ko̱ ni ko bi an hèlè tou. Mono on an mo mi tèn ba njou‐nguèra, da zé pouki la, an mo mi bou la, an klime ko̱ chonron séna bolok amo bi kala ya, da zé ndame bina toul nono, mono on, an mone ko̱ guèl.

1 Timothée 6:18

An mome sa bi njaka kli an klime nding bèlafèn, an klime nguèrè jing bèla pina, an klime nding ko̱ko̱ ta ka laou kli ka wal fèn aklili.

Saint Luc 16:25

Da Abraham mi sa: Goune ni, mo yangnaran ya, ko̱ mome pane yana a koukoula mo jing bèla fèn noli, da Lazare jing amè ba fèn ko̱ bèlya on. Da kassénaï go̱rè mi vo tou an guèl aïn, da mo kaou amo ba guèl to̱ko̱nassé.

Saint Matthieu 11:5

njou‐foukoura nondi mi ko̱ guèl, da njou‐komoron ka bo̱ko̱ kli mi sé siya, mona njou‐ndo̱wèli mi gui tang ta, da njou‐chomna soukouli mi la baï, da houli mi tome, kli sa mboura bèlabaï hi foïna njoukouli.

2 Pierre 1:11

Baï on kè ma yèng mborokè ko̱ hi nguèra hi oui baï rina jing rou bilkaou kambèlè a Nanjou na da njou‐yana‐baï‐toul ama ko̱ ba Jésus‐Christ.

2 Tim 4:18

Yé Nanjou ma sél mi a béké pinali bon da kè ma kou mi baï an mème kan an bilkaou nè an nonkala. Mi hi jonafèn hi nè kambèlè go̱ kambèlè! Amen!

2 Thessalonicienli 1:5

Fèn on mi bi saon walabaï guédék a Ouone kala. Mono on, an mi wal baï ko̱ oui ma bilkaou a Ouone on ko̱ ouime to̱ko̱ssé baï toulkè.

Éphésienli 3:8

Kème hi ndingna mbo̱l on hi mi, mè ko̱ ba lélé njoukou ta garakèli bon an wora njou‐lana‐bilaouli, an mème sa mboura hi mèran gentili nguèra a Christ, ko̱ njoukouli mi nza saon touna sèkèrèkè pélé,

Romainli 8:17

Da tokoré na ba goundi a Ouone, na ba goune yana fèn péléli; goune yana fèn péléli a Ouone, da ndo̱ko̱ba yana fèn péléli jing Christ; tokoré name ndé to̱ko̱ssé jing nè, mono on, na ma ndé ya jonafèn mabahana jing nè kéng.

Saint Luc 16:22

Da baï mi gui mahana ka on ko̱ foïna njoukou on mi hou, angeli mi bi nè sé guè goudi a Abraham. Da nguèra njoukou on mi ndé hou kéng, da kli goro nè.

TAKARATA A JACQUES KO̱ DÉ 1:16

Oui tane mong mone baï fèn baï ya, yine nili on ko̱ mème sé hang baï ta.

1 Thessalonicienli 2:12

Name wara oui an mone baï mi pou oui, da name sa bongbaï, mono on, dadaon an bong séna abaï mi mapélékè an nona Ouone, kè on ko̱ mi di oui guè dodok bilkaou nè tèn jonafèn nè.

Éphésienli 1:18

mono on an none a go̱ro̱ baï mi bourou baï ko̱na guèl bèlta, baï an ouime tou fèn on ko̱ ba fèn oliya baï ko̱ kème di oui, da an ouime tou fèn on ko̱ ba nguèra jonafèn an fèn yana pélé nè ka bila njou‐lana‐bilaouli,

2 Corinthienli 4:15

Baï ko̱ fènli on bon mi tèn ba baï toul baï, baï an ndingna mbo̱l ko̱ mi taïnkon guèbambèl ka mbora ro̱kè njoukouli, mi nding kaouna koukoula hi Ouone taïnkon guèbambèl baï toul jonafèn a Ouone.

Saint Jean 7:48

Zaworo hanali maléba pharisien hanali mi la bilaou‐è lé?

Saint Luc 22:29

da mè ji baï hina bilkaou hi oui, mahana ko̱ Baba ni mi hi mi,

Saint Marc 7:14

Da Jésus mi kaïn di ro̱kè njoukouli on guè monè, ka sa hi kli: oui bon oui la baï ni, ka tou nguite.

Pinali a Njou‐Mboro‐Pinali 7:2

Da Étienne mi sa: Yindi da babali, oui la! Ouone a jonafèn mi tèn gui mona tangko na Abraham, ko̱ kème pane pou Mésopotamie, ka tang ambèl ko̱ kème bi an pou Charran,

TAKARATA A JACQUES KO̱ DÉ 1:19

Oui toutou on, yine nili, ko̱ mème sé hang baï ta. Dadaon an njoukouli mane mbéo mbéo bon mi la baï gata, ka tane sa baï gata ya, tane joungna hèrè gata ya;