TAKARATA A JACQUES KO̱ DÉ 2:18 - Féké Testament 1947

¹⁸ Da yé njoukouna ma sa: Amo, mo jing tounassaon; da ami mè jing ba pinakèli. Mo to̱ko̱ tounassaon ni hi mi on ko̱ mi na tane pinakèli, da yé mè ma to̱ko̱ tounassaon ni hi mo ka mboro pina nili.

TAKARATA A JACQUES KO̱ DÉ 2:18 ပူးပေါင်းရင်းမြစ်များ

TAKARATA A JACQUES KO̱ DÉ 3:13

Guè an woro baï ko̱ mi jing cho̱kna da tounafèn nyèta lé? Dadaon an kème to̱ko̱ pina nèli ka mboro bèla séna nè jing bouna monè guè koukoula ka cho̱kna.

1 Timothée 1:5

Da hina bina baïnjaka on ba sénahang ko̱ mi gui ka tangna go̱ro̱, da bèla laou‐tounafèn tèn tounassaon ka babaï.

TAKARATA A JACQUES KO̱ DÉ 2:14

Yine nili njoukouna ma jing ba fèn, tokoré kème sa ba kème jing tounassaon da kème tane ga nding pinakèli ya lé? Yé tounassaon on mi ma baï kouna nè lé?

Galateli 5:6

Baï ko̱ ka bila Christ‐Jésus ina gassa maléba ina gassa ya, mi na bo̱on, da tounassaon on ko̱ mi nding an bila ka mboro sénahang ba gba fèn ka babaï.

Tite 2:7

jing fènli bon mo nding mahana ka on, an klime ko̱ mo mahana ka mèrènkè a bèla pina bon, da ka mboro to̱ko̱nafèn no mo to̱ko̱ mborokè guédék da jing mbonatoul.

Romainli 14:23

Da kè on ko̱ mi kaou ka ndouri kème kon barabaï kon toulè fènè ko̱ kème son laka, baï ko̱ kème tane ga son ka tounassaon ya. Da fènli on bon ko̱ mi tane ga gui ka tounassaon ya ba békéfèn.

Hébreuli 11:31

Ka mboro tounassaon mi ko̱ Rahab waïn‐maïn tane ga hou jing njoukouli ko̱ nding ka ndouri ya, baï ko̱ kè ya njou‐ndélali ka go̱ro̱ iki.

Hébreuli 11:33

Ko̱ ka mboro tounassaon mi ko̱ kli gnèrèn bilkaouli nyèta jing njèran, kli nding fèn guédék, kli jing bina gonjaka, kli tou njaka a mamouli.

Hébreuli 11:6

Baï ko̱ tane tounassaon, njoukou tane ma ya, an Ouone mi ko̱ nè bèl monè ta; baï ko̱ kè on ko̱ mi guè mona Ouone, ba baï nè an kème la nè bi laou‐è ko̱ kè makaou, da ko̱ kè ba njou‐hina toul ndo̱ko̱ hi kli on ko̱ nza nè.

1 Corinthienli 13:2

Da tokoré mème jing toul ndo̱ko̱ baï to̱ko̱na bong njaka Ouone, da mème tou didissi fènli bon, da tou fènli bon nguite, da tokoré mème yé jing tounassaon bon, ko̱ ma baï mbèkèna loukou kondi; da mème tane ti jing sénahang ya, mè ba bo̱on.

Romainli 3:28

Mono, na ko̱ko̱ ko̱ njoukou mi gui guédék mbo̱l tounassaon, da mi tane ti ka ba mboro ndingna pina guingna ya.

2 Corinthienli 7:1

Mono on, yindi ko̱ mème sé hang baï nyèta, baï ko̱ name jing bina gonjaka on, dadaon an name tourou go̱ro̱ na fèna jing fèn dakamli bon a naïn‐mone, tèn esprit na, da gui jing tangna go̱ro̱ fofoto ka ngou waou nona Ouone.

2 Corinthienli 5:17

Da tokoré njoukouna mi kaou an bila Christ, kè ba féké njoukou. Tang fènli mi ta tou; mono on fènli bon mi tèn ba fékékè tou.

Romainli 8:1

Mono on, kassénaï barabaï ba léna toula kli on ko̱ mi na an bila Jésus‐Christ tane tiya.

Romainli 4:6

Mahana ko̱ David mi ndé kon jangnandaï toula njoukou on kéng ko̱ Ouone mi kèn kon toulè mahana ko̱ kè ba guédék, da tane ti ka ba mbora pina ya.

Romainli 9:19

Mono, yé mo ma sa hi mi: Baïfèn da kème pane sana baï kon toula lé? Baï guème ko̱ ma baï sana mba badinafèn nè lé?