TAKARATA A JACQUES KO̱ DÉ 1:25 - Féké Testament 1947

²⁵ Da njoukou on ko̱ mi ènrèn guè bil guingna guédék, guingna séna ka laou, da laïbi ka mborokè, kè tane ti ba njoukou ko̱ la baï bo̱on ka yangnaran ya, da ba njoukou on ko̱ nding fèn, yé njoukou on ma jing jangnandaï ka mboro ndingna fèn nè.

TAKARATA A JACQUES KO̱ DÉ 1:25 ပူးပေါင်းရင်းမြစ်များ

Saint Luc 11:28

Da kè sa: Babaï, jangnandaï ta on ko̱ na jing kli on ko̱ la baïnjaka Ouone, da klime pèng!

Saint Jean 13:17

Tokoré ouime tou fèn aïnli da nding nè, yé oui jangndaï nyèta.

1 Titili Takarata a Pierre ko̱ dé 2:16

Oui ba séna ka laou baï fèn baï, da ti ba bouna séna ka laou baï fèn baï vèvè on ya, mahana ka loukou la bouna ko̱ mou joungna go̱ro̱, da sé mahana ka koïli a Ouone.

TAKARATA A JACQUES KO̱ DÉ 2:12

Oui sa baï ka nding fèn mabahana yé ba njoukouli on ko̱ yé mi wal baï kli mabong guingna séna ka laou,

Galateli 5:1

Christ mi sél sal guèfal a sola tou, baï séna ka laou na. Mono on oui kaou bouta jing séna ka laou on, oui yèng an hola mi ki wili oui ba aféké mahana ka koï ya.

1 Corinthienli 15:58

Mono, yine nili ko̱ mème sé hang baï ta, oui kaou wang, an fèna mi lang oui ya, oui taïnkon jing ndingna pina a Nanjou guèbassoko, baï ko̱ ouime toutou ko̱ bakara abaï mi tane ga na bo̱on ya, ka bila Nanjou.

1 Timothée 4:16

Mo pèng mono fèno, tèn to̱ko̱nafèn no, ka laïbi jing fèn aïnli, ko̱ jing pina on, yé mo ma kou mono fèno tèn kli on ko̱ mi la baï no.

2 Corinthienli 13:5

Oui foul fal go̱ro̱ baï fèn baï kong ba oui kaou ka mboro tounassaon ka babaï; oui lé mone baï fèn baï. Maléba oui fèn baï mi tane ga tou ya ko̱ Jésus‐Christ mi kaou an bil baï lé? Maléba ka touya laou baï tane mabong lénakè ya.

Romainli 11:22

Mono mo ko̱ bèla go̱ro̱ da pouna go̱ra Ouone: ko̱ mi pou go̱rè jing kli on ko̱ mi lé, da bèla go̱ra Ouone jing mo tokoré mome bi ka mboro bèla go̱rè pou; maléba kè ma ndé koung mo guèfal kéng.

Romainli 8:15

Baï ko̱ oui tane ga ya esprit koï baï féra ndingna waou ba aféké ya; da ouime ya ba esprit féra tèn dodok goune, ka bila Esprit on ko̱ name wan njaka guè siya ka sa: Abba! Baba!

Galateli 2:4

Da fèn on ba wo̱ko̱ yindi ko̱ mi gui ka fo̱li, mahana ka njou‐ana bong touna séna na ka laou na an bila Christ‐Jésus, an klime ba na tèn koï.

Saint Jean 8:36

Mono on, tokoré Goune fènè mi sél oui, oui ba kaouna koï ba aféké tane tiya.

Apocalypse 14:13

Da mè la bo̱ko̱ baï on ko̱ mi gui ka nonkala, ka sa: Mo dé bi takarata: Jangnandaï mi ba baï akli on ko̱ hou ka bila Nanjou, afal on! Ii, Esprit fènè mi sa an klime yan tana kli jing pina akli, baï ko̱ pina akli mi tong kli.

1 Timothée 2:15

Da yé kè ma kou ka mboro mboungna goune, tokoré klime laïbi ka tounassaon da sénahang tèn wala mone kli bi baï a Ouone, ka bou mone kli guè koukoula.

Romainli 7:12

Baï on guingna mi na ba tangna fofoto da bina baïnjaka guingna mi na ba tangna fofoto, guédék ka bèlta.

Pinali a Njou‐Mboro‐Pinali 26:22

Mono on, baï ko̱ Ouone mi lé mbèli mi ko̱ mè pane laïnabi bo̱l tèn name aïn, ka sa bongbaï an nona loukou njoukouli tèn lélé njoukouli, da mè tane ga sa baï hana ka toul ya, bo̱l ba baï on ko̱ prophèteli tèn Moïse mi sa ba ma nding baï guina,

Pinali a Njou‐Mboro‐Pinali 13:43

Da ko̱ njoukouli on mi ndoï an bil synagogue mi tèn kala tou, Juif hanali nyèta, da kli on ko̱ féré tèn ba Juifli ko̱ pèng bong njaka Ouone, mi tong fala Paul da Barnabas, klime sa kèna jing hana da wara kli baï laïnabi jing ndingna mbo̱l a Ouone.

Hébreuli 12:15

Oui pèng‐bèlta an njoukouna mi pènrèn ndingna mbo̱l a Ouone ya, baï saon a joungna go̱ro̱ mi ourou ka gui nza oui ya, da njoukouli nyèta gui dakame ka mboro aïn,

Pinali a Njou‐Mboro‐Pinali 2:42

Da kli pane laïnabi pèngna to̱ko̱nafèn a njou‐mboro‐pinali da kaou vo jing hana mbéo baï haouna mapa da hiouna Ouone.

Apocalypse 22:14

Jangnandaï mi ba baï akli on ko̱ tourou la akli mono on, an klime ma baï guina mona di yana, da ma baï rina ka njakakèli baï kana bil pou on!

Titili Takarata a Jean ko̱ dé 2:24

Da dadaon an fèn on ko̱ ouime ti la jinguèl ka titilikè mi bi an bil baï. Tokoré fèn on ko̱ ouime ti la ka titilikè tou mi bi an bil baï, yé oui kéng ma ndé bi an bila Goune tèn an bila Baba.

Colossienli 1:23

Tokoré oui mi laïbi pou da kaou wang jing tounassaon, da oui mi tane ga yèng oliya bèlabaï ya, ko̱ oui mi la jinguèl, ko̱ mi sa mbourakè hi njoukouli bon an bo̱ko̱ nonkala baï on, mi ko̱ Ouone hi mi, mè Paul ba njou‐bakara a Ouone.

Romainli 2:13

Baï ko̱ mi tane ti ba kli on ko̱ la guingna bo̱on, mi ko̱ gui guédék an nona Ouone ya, da ba kli on ko̱ bou fal bong guingna, yé kè ma ko̱ kli ba guédék.

Romainli 8:2

Baï ko̱ guingna Esprit a yana ka bila Christ‐Jésus mi sél mi an guingna békéfèn da houl.

Galateli 6:2

Oui hol hola a njoukou afékéli jing hana, da mahana on oui bou fal guèl njaka guingna a Christ bon tou.