TAKARATA A JACQUES KO̱ DÉ 1:22 - Féké Testament 1947

²² Da oui nding fèn on ko̱ baïnjaka mi to̱ko̱ hi oui, da tane ti ba baï lanakè bo̱on ya, baï mongna ba mone baï fèn baï.

TAKARATA A JACQUES KO̱ DÉ 1:22 ပူးပေါင်းရင်းမြစ်များ

Romainli 2:13

Baï ko̱ mi tane ti ba kli on ko̱ la guingna bo̱on, mi ko̱ gui guédék an nona Ouone ya, da ba kli on ko̱ bou fal bong guingna, yé kè ma ko̱ kli ba guédék.

Saint Jean 13:17

Tokoré ouime tou fèn aïnli da nding nè, yé oui jangndaï nyèta.

TAKARATA A JACQUES KO̱ DÉ 4:17

Mono njoukou on ko̱ mi toutou baï ndingna bèlafèn da tane ga nding ya, on ba békéfèn nè.

Titili Takarata a Jean ko̱ dé 2:3

Tokoré name pèng bina baïnjaka guingnali, ka mboro on na toutou ko̱ name tou nè.

Saint Luc 11:28

Da kè sa: Babaï, jangnandaï ta on ko̱ na jing kli on ko̱ la baïnjaka Ouone, da klime pèng!

Saint Matthieu 12:50

Baï ko̱, kè on ko̱ mi kaou mara fal toula Baba ni ko̱ kaou nonkala, kè ba yine ni, da njo̱ waïn fèn ni, da ma ni.

Colossienli 3:17

Da fènli bon on ko̱ ouime nding, tokoré baïnjaka maléba fèn ndingna, oui nding fènli bon, ka bil ling a Nanjou Jésus, da oui kaou koukoula hi Ouone Baba ka mboro nè.

Apocalypse 22:7

Da oui ko̱ mè gui gata. Jangnandaï mi ba baï a kè on ko̱ pèng baïnjaka on a bong njaka Ouone an takarata aïn!

Titili Takarata a Jean ko̱ dé 3:7

Lélé goundi, an njoukouna mbéo mi tane mong oui ya. Kè on ko̱ mi pane ndingna guédék, kè ba guédék, mahana ka kè fènè ko̱ ba guédék.

TAKARATA A JACQUES KO̱ DÉ 1:26

Tokoré njoukouna mi kèrè ka laou‐è ko̱ kè ba njou‐lana baï a Ouone, da tane ga miri léme sélè ya, kème mong ba go̱rè, da tènrèn baï a Ouone a njoukou aïn mi na bo̱on.

Galateli 6:7

Oui mong mone baï fèn baï ya: njoukouna tane ma baï gaïna Ouone ya! Baï fèn on ko̱ njoukou mi mèn, yé kè ma ndé lourou fèn on kéng.

Takarata Saïkè a Jean ko̱ dé 1:11

Mo on ko̱ mè sé hang‐o̱ nyèta; mo sé fal fèn ko̱ bèlya ya, da mo sé fal fèn ko̱ bèlta. Kè ko̱ nding bèlta ba a Ouone, kè ko̱ nding bèlya tane ga ko̱ Ouone ya.

Galateli 6:3

Baï tokoré njoukouna mi kèrè ka laou‐è ko̱ kè ba loukou njoukou ko̱ kè ba njoukou bo̱on, kè mong monè fènè.

1 Corinthienli 6:9

Oui tane ga tou on, ko̱ yé njou‐maïnli ba yana pélé bilkaou a Ouone tane tiya ya lé? Oui tane mong mone baï ya: njou romli maléba njou‐téna ndamli, maléba njou‐maïnli, maléba njou‐ndingna békéfènli jing kli‐mone kli fèn kli; maléba njou‐name ka louwa njoukouli,

Saint Matthieu 28:20

ka to̱ko̱ hi kli baï bouna fal fènli bon ko̱ mème sa bi njaka baï. Da mono mè ma kaou jing oui name bon bo̱l tèn sèkèrè name a koukoula.

Titili Takarata a Jean ko̱ dé 1:8

Tokoré name sa ba békéfèn name tiya, name mong ba mona fèna, da babaï mi tane ti bila ya.

Philippienli 4:8

Mono baï toul gara baï on yindi, fèn mi ko̱ ba babaï, fèn mi ko̱ ba fèn dikna, fèn mi ko̱ ba guédék, fèn mi ko̱ na tangta, fèn mi ko̱ ba sénahang, fèn mi ko̱ bèla tiri baïli kon toulkè, da tokoré mbonatoul mana, da mi ma baï jonakè, oui bi hang baï toul fènli on.

1 Corinthienli 15:33

Oui tane mong mone baï ya; baï ko̱ baï sèra jing béké njou‐ndo̱ko̱bali ma bo mboro ndingna bèla dofènli.

Apocalypse 12:9

Da kli wou loukou choï on diri guè tiya, tang choï on jinguèl, kè on ko̱ kli bi ling‐è ba Zabolo da Satan, njou‐mongna njoukouli bon a koukoula, kli wou nè diri gui koukoula, da kli wou ange nèli diri gui koukoula jing nè kéng.

2 Pierre 2:13

ka ko̱ko̱ sal békéfèn akli. Njoukouli on ko̱ ko̱ bèl mone kli ta baï ndingna fèn maï maï jing mone kli séssé mi o laou toul, njoukouli on ko̱ mi kaou ka bila da nongno sakafèn jing mongnafèn akli ko̱ kli son laka sénahang jing oui.

Tite 3:3

baï ko̱ ka tang ambèl na kéng ba ngawa, name fa baï, name la mongnafèn, name tèn koï hi nzala naïn‐mone da fèn jangnandaï toutoul toutoul, name kaou jing sènafèn da name fan hang, ka ma baï an njoukouli mi jèk na, da name jèk hana.

1 Corinthienli 3:18

Dadaon an njoukouna mbéo mi tane mong monè ya. Tokoré njoukouna an woro baï mi kèrè ka go̱rè ba kème cho̱kta ka saka naï, dadaon an kème tèn ngawa baï an kème ma baï tèna cho̱kna.

2 Tim 3:13

Da yé béké njoukouli tèn njou‐mongnafènli ma ti ka taïnkon nyèta guèbambèl jing békéfèn, da kli ma mong njoukouli da njoukouli ma mong kli.

TAKARATA A JACQUES KO̱ DÉ 4:11

Yindi, oui tane sa bèlya kon toul hana ya. Njoukou on ko̱ mi sa bèlya kon toula yine hana, maléba kème wal baï kon toula yine nè kème sa bèlya kon ba toul guingna, ka wal baï hi ba guingna. Da tokoré mome wal baï kon toul guingna, mo tane ti ba njou‐pèngna fèn on ko̱ guingna mi koung ya, da mo ba njou‐walabaï.