TAKARATA A JACQUES KO̱ DÉ 1:16 - Féké Testament 1947

¹⁶ Oui tane mong mone baï fèn baï ya, yine nili on ko̱ mème sé hang baï ta.

TAKARATA A JACQUES KO̱ DÉ 1:16 ပူးပေါင်းရင်းမြစ်များ

TAKARATA A JACQUES KO̱ DÉ 1:19

Oui toutou on, yine nili, ko̱ mème sé hang baï ta. Dadaon an njoukouli mane mbéo mbéo bon mi la baï gata, ka tane sa baï gata ya, tane joungna hèrè gata ya;

Philippienli 2:12

Mono, baï on yindi, ko̱ mème sé hang baï ta, mahana ko̱ oui ba mbéré njoukouli guèbassoko, ti ba baï noni ka ho̱kè ya, da kassénaï mi ta guèbambèl ko̱ mème tane ti jing oui ya, oui nding dodok yana‐baï‐toul abaï bi kala ka ngouna waou jing to̱na mone,

Galateli 6:7

Oui mong mone baï fèn baï ya: njoukouna tane ma baï gaïna Ouone ya! Baï fèn on ko̱ njoukou mi mèn, yé kè ma ndé lourou fèn on kéng.

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Hébreuli 13:1

Oui laïbi jing sénahang hana yindi.

Colossienli 2:4

Mè sa on hi oui baï an njoukouna mbéo mi tane mong oui jing baï mongnafèn hana ya.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

2 Tim 2:18

njoukouli on ko̱ mi sé maï maï ka mboro babaï, ko̱ klime sa name tomnahoulkèli mi ta tou, da sokoro tounassaon a njoukou hanali bou.

Philippienli 4:1

Mono baï on, yindi ko̱ mème sé hang baï ta, da mème bi hang ni toul baï maïya, oui ba jangnandaï da mbélé couronne ni, oui laïbi pou mahana on ka bila Nanjou, yindi ko̱ mème sé hang baï ta.

1 Corinthienli 6:9

Oui tane ga tou on, ko̱ yé njou‐maïnli ba yana pélé bilkaou a Ouone tane tiya ya lé? Oui tane mong mone baï ya: njou romli maléba njou‐téna ndamli, maléba njou‐maïnli, maléba njou‐ndingna békéfènli jing kli‐mone kli fèn kli; maléba njou‐name ka louwa njoukouli,

Saint Marc 12:27

Ouone tane ti ba Ouone a houlkèli ya, da ba akli on ko̱ yan. Oui sé bong wo̱ko̱ nyèta.

Saint Marc 12:24

Da Jésus mi sa hi kli: Baï ko̱ ouime tane ga tou Takarata a Ouone tèn njèran Ouone ya, mono on ko̱ ouime sé bong wo̱ko̱ ya lé?

Saint Matthieu 22:29

Da Jésus mi féré sa, ka sa hi kli: Oui sé bong wo̱ko̱, baï ko̱ oui tane ga tou Takarata a Ouone, da njèran a Ouone ya.

Pinali a Njou‐Mboro‐Pinali 1:15

Ka séssé o̱kèo̱ Pierre mi ourou siya an wora yindi, ro̱ko̱na njoukouli on ko̱ mi ndoï, kli mane ténakè‐mbéo‐faltoulè‐bongkè‐séré, kè sa:

TAKARATA A JACQUES KO̱ DÉ 1:2

Yine nili, ko̱ ouime lé an guèl yaknafènli toutoul, toutoul, oui ko̱ fènli on bon mahana ka ba fèn jangnandaï,

TAKARATA A JACQUES KO̱ DÉ 2:1

Yine nili, oui tane pèng tounassaon a Nanjou na Jésus‐Christ da Nanjou a jonafèn ka ba mboro dikna njoukou ta hana ya.

TAKARATA A JACQUES KO̱ DÉ 2:14

Yine nili njoukouna ma jing ba fèn, tokoré kème sa ba kème jing tounassaon da kème tane ga nding pinakèli ya lé? Yé tounassaon on mi ma baï kouna nè lé?

TAKARATA A JACQUES KO̱ DÉ 3:1

Yine nili, tane ma an njoukouli nyèta an woro baï mi tèn ba njou‐to̱ko̱nafènli ya, baï ko̱ oui toutou yé na ma jing barabaï nyè maïya ta on.

TAKARATA A JACQUES KO̱ DÉ 3:10

Samnafèn tèn poukounafèn mi tèn kala jing ba njaka mbéo, yine nili, dadaon an fèn on mi tane na on ya.

TAKARATA A JACQUES KO̱ DÉ 4:11

Yindi, oui tane sa bèlya kon toul hana ya. Njoukou on ko̱ mi sa bèlya kon toula yine hana, maléba kème wal baï kon toula yine nè kème sa bèlya kon ba toul guingna, ka wal baï hi ba guingna. Da tokoré mome wal baï kon toul guingna, mo tane ti ba njou‐pèngna fèn on ko̱ guingna mi koung ya, da mo ba njou‐walabaï.

TAKARATA A JACQUES KO̱ DÉ 5:12

Da baï on ko̱ mi ta toul baïli bon, yine nili dadaon an ouime tane han fèn ka ling a nonkala, maléba ling a koukoula ya, maléba oui tane han fèn afékéli ka toul ya kéng. Dadaon an ii abaï mi na ba ii, tèn an haï abaï mi na ba haï. Mono on an barabaï mi tane lé toul baï ya.

TAKARATA A JACQUES KO̱ DÉ 5:19

Yine nili, tokoré njoukouna an woro baï mi wol mboro babaï, da njoukouna mi kaïn lang nè féré fal,